Unicode
(zawgyi below)
Jaehyun's POV
video ကပြီးသွားပေမယ့် ကျွန်တော့်အထန်တွေမပြီးသေးဘူး။ လူကကားပေါ်မှာ ခါးမတ်လိုက် ခါးမှီလိုက်နဲ့ဂနာမငြိမ်ဖြစ်လာရတယ်။
ကျွန်တော့်ရဲ့ထူးဆန်းတဲ့အမူအရာတွေကိုများ Lee Taeyong ကြီးနိုးလာပြီးထကြည့်လေမလားဆိုပြီး သူ့ဘက်ကိုကျွန်တော်လှည့်ကြည့်မိသေးသည်။
မှိတ်ထားတဲ့မျက်လုံးတွေဟာအခုတော့ မျက်ခွံတွေကဖုံးကွယ်ထားလို့ ကျွန်တော်ကြောက်ရတဲ့အကြည့်စူးစူးတွေရှိမနေဘူး။ မျက်လုံးမှိတ်ထားတာတောင် မျက်တောင်တွေကကော့ပြန်နေသေးတယ်
ကျွန်တော်နားမလည်အောင်ဘရွတ်ဘရွတ်နဲ့ ပုစ္ဆာတွေကိုရှင်းပြနိုင်သောသူ့ရဲ့နှုတ်ခမ်းကလည်း ခပ်ဖွဖွလေးစေ့ထားတယ်။ သေချာကြည့်မှ သူ့နှုတ်ခမ်းကအနည်းငယ်ပါးသလိုနဲ့လှနေတယ်။
တွက်စာကို ကျက်စာဖြစ်အောင်လုပ်ပေးတတ်တဲ့ သူ့မျက်နှာကအခုတော့ ကြမ်းတမ်းပြီးတင်းမာလွန်းတဲ့သင်္ချာဆရာတစ်ယောက်ရဲ့မျက်နှာဖုံးကိုချွတ်ချထားတယ်ထင်ပါရဲ့
ဘာ့ကြောင့်ဆိုတော့ သူ့ရဲ့ရိုးရှင်းလွန်းတဲ့မျက်နှာအမှန်တစ်ခုကိုကျွန်တော်တစ်ခါမှမမြင်ဖူးဘူးလေ
Mark ပြောတဲ့ သူတို့ညီအစ်ကိုတွေကချစ်ဖို့ကောင်းကြတယ်ဆိုတာကိုကျွန်တော်လက်ခံလိုက်ရတယ်
ဆရာ့ဘက်က aircon လေမှုတ်နေတော့ သူ့ရဲ့ခေါင်းပေါ်ကဆံပင်လေးတွေကလှုပ်ရမ်းနေတယ်။
ခေါင်းတည့်တည့်ကိုလေအေးထိတာကြာလာရင်အအေးမိမှာစိုးလို့ aircon ကိုအခြားဘက်ပြောင်းရွှေ့ပေးဖို့ ကျွန်တော်သူ့ဘက်ကိုအနည်းငယ်တိုးလိုက်တယ်။
အဲ့နောက်မှာ aircon လေကပြင်းတော့ သူ့ဆံပင်အချို့ကကျွန်တော်ပါးပြင်ကိုလာရိုက်သွားတယ်
ဒါကိုလန့်ပြီး ရွှေ့လက်စ aircon ကိုလွှတ်ချလိုက်ပြီး ကိုယ့်ဘာသာပြန်ထိုင်နေလိုက်တယ်
သူ့ဆံပင်လေးတွေကအစကျွန်တော့်အတွက်ချစ်ဖို့ကောင်းတယ်။ လန့်သွားရတာဟာ အကြောင်းအရင်းရေရေရာရာမရှိပြန်ဘူး။
![](https://img.wattpad.com/cover/93339236-288-k15850.jpg)
YOU ARE READING
အရမ်းချစ်ခဲ့ဖူးသည် (အရမ္းခ်စ္ခဲ့ဖူးသည္)
FanfictionThis fic is written in both Unicode and Zawgyi "ကျွန်တော်မလိမ်ဘူး တကယ်ပါ ကျွန်တော်သူ့ကိုအရမ်းချစ်ခဲ့တယ်" " မြတ်နိုးတယ်ဆိုတဲ့စကားနောက်ကွယ်မှာ ကျွန်တော်သူ့အပေါ်ထားတဲ့ ချစ်ခြင်းတွေဘယ်လောက်နက်ရှိုင်းခဲ့သလဲ သူမသိနိုင်ဘူး" "ကြ်န္ေတာ္မလိမ္ဘူး တကယ္ပါ ကြ်န္ေ...