هٓووّسّ ألبٓنّوُت..!!

(11)

اها محي ده جلد البتين ديل جلد كدة لامن اتفشي قريشاتو الصرفا في الختوبه..

ناريز ونيروز دخلو غرفتم ورقدو كل وحدة مقبله علي حيطه..

سعديه عملت العشا وعشت محي وزوجها..جات داخله لبناتا...

سعديه:عاد يابنات زي شدتكن دي ماحصلت..ماعارفين طبع اخوكم ..يخس عليكن قلبتن الفرحة نكد..وطلعت قفلت باب الغرفه..

ناريز ماهاميها الوضع اصلا بس شغاله دردشة واتس مع منسور تحت البتانيه...

ونيروز جاعت شديد بس عزت نفسي مانعاني وكدة..اتاكدت نيروز انو الانوار طفت وكلًٍ ذهب الي سبيله..قامت تتسحب براااحه ودخلت لقمت لقمت كدي لااامن شبعت وشربت مويه لانو كان مخنوقه بالاستعجال...وشالت علبة بارد ودخلت الغرفه ولعت النور وبقت تهبش درج التواليت..

ناريز:ياحيوانه انتي اطفي النور ده ..صحيتني بكركبتك دي..

نيروز:بالله? عليك الله? يعني كنتي نايمه?وتلفونك منور جوة البطانيه في الضلام زي بيوت أُمبدة...

ناريز قامت علي حيله وطقمت لبستا العبارة عن اسكيرت شطفني ولا شنو داك..وقميص كدة بتلاته ازرار فقطططط...وطرحه ماجايبه ربع متر في خمس متر...اها وقعد تلف شعرها كعكات ..تمسك كعكه تلفها وقبل تلمها ترجع ترد الرسايل البتجيها(صوت رسايل الواتس لما تنزل وتكون فاتح صفحة الدردشه)..ونيروز ترفع عينا وتعاين ليها...

نيروز جابت كميه من الكريمات وقعدت تجلبط..شي بتاع العلامات الفي الاصابع وشي بتاع الفسخ البراااهو...وشي بتاع الركب..وخلطة عمر للوش وكبت في شعرا ده زيت لاااامن شعرا بقي يعمل صوت زي حوض المطبخ البتخلص من المويه...

ناريز:هي نيروز اوعي ترقدي بشعرك ده في المخدة قومي شوفي ليك هدمة قديمة ولفي بيها المخدة ..

نيروز:انتي مالك تعبانه في غسيلن ولا في نضافتن..مايخصك دي شنو الرزله دي..

ناريز:صحباتي لما يجو ريحة شعرك في الخدة تخجل..

نيروز:وهن شنو صحباتك المتخلفات زيك ديل ..ومايشمو شعري !!اجي يادااا..لابالله جاين من كافوري ولامن حي الوزرا...

ناريز:اتخمدي لسانك يحش النجيله..اعوذ بالله منك ياخ...

واتكلمت ناريز بهمسسسسس ...صوت هوائي بطيئ..الوووو منسور روحي ازيوووو..
اي حبيبي بكرة نتلاقي في الجامعه...اوكي ..تسبح علي خيييير...

نيروز نامت وهي منكدة وزهجانه..بينما ناريز لايهمها هم ولاغم...ناريز مشغولة الافكار وتغوص في عالم وهووس واوهام..

اها الصباح قامت ناريز ولبست وقشرت وختمتا كدة بعطر Fa...ومشت لامها شالت عشرين جنيه وطلعت...لقت محي واقف جم الدفار بفكفك حاجه...

محي:تعالي هنا انتي قايله روحك شنو..دة شنو عدم الاحترام دة...ارجعي جوة غيري ملابسك دي والا والله ماتمشي جامعه تاني...

رجعت ناريز واوووف اوووف اوووف..طلعت عبايه من الدولاب وسرعه كوتا ولبستا فوق اللبسه الهيا لابساها...

وجات مارقه جم محي وبدون تتكلم مشت

محي:تعالي تعالي هنا..

ناريز:وقفت وكانت مفتكرة انو اكتشفا...عاينت كدة وهي لافته راسا بالجمبه...ومقلعه عويناتا زي المراقبه ضب عايزة تضربو.

محي:عندك مصاريف ولا لا..

ناريز: رخت اعصابا زي القلعت شوكة من رجلها...اي اي اي اي عندي..ومشت طبجق طبجق طبجق وكسرت اللفه ...وجري علي اول مظله واتلفتت جاي وجاااي وقلعت العبايه حشرتا في الشنطه..

طيب ياناريز..اخوك ده غيران عليك ونفس الوقت قلبو عليك...اها قوة الراس والمنجهة في شنوووو?

اها ناريز وصلت وحضرت اول محاضرة ارضاء لضمير العشرين جنيه الشالتا من امها وطلعت جمب الظلط جاها منصور بعربيتو المغسله نضيفه..وركبت معاهو وهي مفتكرة روحا اميرة عصرها..والتاج الشيطاني في رأسها يتلألأ....

اها منصور دخل بيها كفتريا كدة في شارع راااقي.  .وقعدو يتونسو ..ومنصور يجرجر في حبال ناريز شويه شويه لحد ما رضخت ليهو ...وطلب منها تمشي معاهو بيتو المكون من اسرتو امو واختو المشتاقين يشوفوها..

اها ناريز دخلت في مغسلة الكفتريا وصلحت لبستا تماام والطرحة واضافت لمسات مكياج اخيرة وجرت من بكرة المناديل اتنين تلاته كدة لزوم المنجهة وطلعت ماشه تشوف نسابتا(هههههههااااههه)

اها اتوجهو كدة علي جيهة الكدرو (أييييييك)

ومنصور فتح باب البيت ودخل وقال ليها اتفضلي..ودخلو وقعدو في هول كدة ومنصور دخل بحركات وهميه كدة..يمه يمه وينكم انتو ..لاحولا خالين ماسورة المطبخ فاتحة(ماسورة انت ده) وجا قعد في الكرسي المقابل ناريز وطلع تلفونو وعملو صامت واتصل طوااالي بالكستمر كير بتاع شركة زين...اها عشان يوهما انو في صوت زول بتكلم معاهو..والمجيب الالي اثناء مابتكلم..قال منصور..يمة انتو مشيتو وين انا جبت ناريز ولقيتكم ماف...اخ نسيت اكلمكم انو اليلا حأجيبا...اها ماتتاخرو سريع وجيبو معاكم خالتي ليلي وتعالو...

اها منصور دخل عمل لناريز كبايتين قهوة..

وناريز خاته يديها في حجرها وتتلفت سااااي جاي وجاي تتفرج في الستاير والنجف والطقم والملايات...

جا منصور نظام المضيف الفي طيارة الامارات داك وختا ليها القهوة وفتح الشاشه وشغل قناة أقرأ....(عشان يطفر الشيطان الحقنه) عجيب لكن...

يتبع