هٓووّسّ ألبٓنّوُت..!!

(2)

طبعا واضح انو نسرين من النوع الخجاااال البخاف نظرة الناس والعيب..

اها وصلو نسرين ونيروز جمب البيت ..نزلو وكل وحدة متجهة علي بيتا..

اتصادفو نيروز واختها ناريز جمب باب البيت ناريز عاينت للركشه وغمزت لاختها ..نيروز جاتا هاجمه اصبرري لي اليلا ياناريز انا مش وريتك الف مرة ماتجي جم حاجاتي لابسه الطرحة والشنطة لشنو

ناريز:هي هي اصبري نخش البيت ماتكوركي وتطلعي الجيران علي دلاقينك المعتته دي

نيروز:ااااي ااااي👏(بصفقة اليدين) بعد تغضي غرضك طلعيهن معتتات..ادخلي اليلا بطلع روحك يا العواليقهّّ

ناريز:جرت دخلت ولقت امها في المطبخ ادست ورا امها وبقت تصرخ يمة واااي شوفي الهجامه دي عايزة تضربني ..ان مالقيت طرحتك في السله مكرفسه كان سويتي شنو

سعديه:زحي كدي مني ماعندي ليكن حيل بنات مابتختشن حسي الحله دي كلها بنات واخوات زيكن .مرة وحدة ماسمعتهن بتناقرن .ياكافي البلا منكن تتناقرو زي الضرات..الله ياخدكن ويريحني من جوركم وفجارتكن دي

نيروز:اصلك يمة مابتفضي النزاع براحة..بس تداعي دعا يوجع القلب..شكيتك لالله ياناريز ياحراميه الهدوم..

ناريز:هي هي عارفه خشمي دة الفوله مابتتبلي فيهو وان كبيت ليك الفول هنا حسي امي دي بتطبخك بدل حلتا دي..(ركشة اكرم)

نيروز:😨😨😔هاهاهيهي انتي ياناريز بتصدقي اني بتغاظ بس من عدم احساسك دة..بس لكن الطرحة دي عايزة سلفي حلو كدة تعالي(غيرت الموضوع )..

ناريز:اها اها يلا ماف البقدر ليك الا انا..📷📷
اها يمة الغدا دة بشنو

سعديه:فتة عدس

ناريز:وااااي يمة ياخ هريتي بطنا بالعدس دة نيروز دي تلف كدة ساي ماتطبخ ليها شي يشهي..

نيروز:يسمك ياالمابتشبعي .خدامتك ولا بتديني راتب..

سعديه:هوووي انتن الاتنين انا ماشه انوم لما ابوكن يجي صلحو الصينيه واعملو ليهو شطة وصحن سلطه..

ناريز:تلفونا يدق وتجري تخش الغرفه وتفتح المروحة..وتفك الطرحه وتركب السماعه وتقعد في ونسه دقاااااقه وبصوت مامسموع ودلع وضحك...

نيروز:اوف اوف الصبارة دي الا املاها انا تلج ماف زول بجي جمبها ..حسي لو ماعطشانه وحاطسملا مااجي جمبها..

جانب اخر....(نااااانا)🎇🎇🎆🎉🎊

نانا دي في الحله المجاورة لحلة نيروز..وصحبة نيروز وصايعه نمبر ون...فسخ وحوامه وجكس وحفلات ولبس اش اش..وشعر بوب ناااعم اشقر مرة واسود مرة وكركداوي مرة..وناري مرة..والحاجب والقطعيه العجيبه...

نانا:📲📲الف مرة كلمتك يا حودة انا مابتنفع معاي حركاتك دي كيف يعني امش معاك في بحري..

حوده:📲📲هي هي اها بتين اتدينتي ودخلتي الاسلام ..امس ماكنا .......ولا اخير اسكت..

نانا:(واللبانه في خشمها 🎈🎇)هوي ياحودة ماتخليني اوريك وشي الخشب ..لم الفاظك عليك ياود شامة..بعدين زاتو قريشاتك ماجايبه لي علبة ديانا اوديك وين انا..

حودة:امس يانانا انا شايفك في العرضه ومعاك واحد بس انا المفلس دة مازولك يابتاعت الناسات..

نانا:اوعدني انك تسلمني 500جنيه بمش معاك غير كدة يفتح الله..

حودة:شوف دي بالله يوميتي براها ماتامه سبعين ج اجيبا ليك من وين..اقفلي اقفلي بمش شارع الهوا بجيبا بمية جنيه..📴

نانا:يقفل نفسك يا الجيعان..ان ماوريتك تقفل فيني الخط ياجربان..وطقق اتصورت صورة بدلع ولبس🚫 ورسلتا فورا ..

رد حوته برساله:هههههاااهه والجديد شنو يعني ماف مفاجئة فيك..ياها نانا البعرفا ومية جنيه بس الفي جيبي...

نانا:اوكي ياحودة بمشيها المرة دي بس المرة الجايه غير 500ماف..

لبست نانا وهي طالعه...امها اسمها محاسن زوله مريضه وكبيرة في السن ..اخوات نانا اتنين.متزوجات في الخرطوم والقضارف..ابوها متوفي ومعاشو مستمر بتشيلو نانا كل شهر..نانا بتدرس في جامعة انتساب..بيتم عبارة عن غرفه ومطبخ براكوبه صغيرة وحوش صغير ..

محاسن:نانا يابتي سيبي الحوامة الكتيرة دي واقعدي جمبي مابقدر اشيل كوز مويه وانتي ماف..

نانا:امي مابتاخر عندي شيتات اصورا وارجع وبجيب معاي سلطة وعيش ..باست امها في راسا وجهزت جمبها مويه وفتحت ليها الرادي وطلعت....

نانا وصلت بحري ولاقت حودة وصاعت معاهو في مكان ملان بالحبش ومكان فيهو حريه وشيشه وجبنة ..اخدت صياعتا مع حودة وفكرت ترجع..

نانا:حودة انا اتاخرت وامي براها

حودة:اهااااا دة المابنفع معاي كل مرة تعملي كدة وتزوغي ..اعتبريني زوجك واخدي راحتك..

نانا:ياحودة الف مرة وريتك انا ماكدة انا كبيري معاك قهوة وشيشه وصياعه في توتي..ولو ماعاجبك امشي بتلقي غيري..وانا عارفاك مازول مسؤليه وعرس وجارفه نفسي وراك..

حودة:خلاص خلاص كل مرة تعيدي لي اسطوانتك القديمة دي...انتي صديقتي وكاتمة اسراري يانانا ومابستغني منك..انا زوجتي كاتمة علي ونكدية من اخش البيت تشغلا لي امك اخواتك اهلك وووووفقران مقطع جيعان..ياخ مرة وحدة ماقفلت خشمها وقعدت جمبي تطبطب علي..هدوما كلها عجين وطبيخ وشفع وووو..

نانا:ماتستاهل انت يطبخو ليك تاكل السم ..ان كنت مريحا ماكان نقنقت ..انت زاتك واحد جلدة والقروش تطلع منك زي قلع الضرس...تلاقيك مشهيها الجنيه تشوفو...
ارح ارح انا ماشه... اقيف نشتري سلطه وعيش ..

ورجعت نانا بعدما ضمنت قوت ليلتها هي وامها ..نانا بتفتكر انها ماقعد تغلط كونو محافظة علي شرفا وبتصيع بحساب دقيق...
لكن الايام تحسب حساب اخر دون ماتوقعته نانا..

يتبع....