هٓووّسّ ألبٓنّوُت..!!

(18)

نانا رجعت في رقم ام نيروز...

نانا:الو نيزو ازيك...اها عملتي شنو في موضوعك ..عرفتي الفتنك مع اخوك منو

نيروز:مادا الهاريني وخاليني اقلب راسي دي ليل نهار...اسمعي يانانا انا عايزاك تعرفي السبب منو?عليك الله بس اعرفيهو لي...وكروما خلاص طلع من بالي ...

نانا:اصبري بس انا عندي لفه كدة مع حودة وبشوف ليكي الحاصل كلو...
يلا سلام عشان ماعندي رصيد...

نانا قفلت التلفون وبتلبس طالعه مع حودة..تلفونا ضرب

حودة:وين انتي انا راجيكي في بحري

نانا:انا ماعندي جناح اطير واجيك..اصبر انا جايه..

نانا ركبت المواصلات ووصلت حودة ومشو المكان المعتاد ونسه ضحك وصياعه وبعد خلصو وقتهم طلعت ووقفت تشتري حاجات من سوق بحري للبيت ومعاها حودة ضحك وونسه...

شافتم من بعيد مرة جارة بيت حودة حيطه بالحيطه..وقفت تركز اذا دة حودة واذا دي نانا...ومامصدقه المنظر الشايفاهو...بقت ماشه معاهم بس من بعيد وبتلاحظ انو حودة بمسك يد نانا كل مرة وبتقرب ليها بطريقه شيييك كدة...اها المرة دي اسمها صفيه ...صفيه مذهوله ومصدومة..وقالت لازم تعرف الحاصل دة شنو..

موقف الحافلات الماشات ام درمان الشهدا  فيهو حافلتين الاولي ملت وماف مقعد لشخصين ..صفيه عرفت انو نانا وحودة حيمشو التانيه..بلمت وشها بالتوب وغطتو تمام وجرت جري ركبت في اخر كرسي وقعدت علي الكورنا كدة لاصقه الشباك....واصلا وشها ماظاهر...

وحودة ونانا ماشين مرة يقيفو جمب بتاع الاكسسوارات ومرة جم بتاع الرصيد ومرة مع الفواكه لحد ماوصلو الحافله وركبو في مقعد لنفرين في منتصف الحافله كدة...

اها الحافله اتملت وعايزة تتحرك...صفيه بهناك جهزت الكمرات🎥📹 والرادارات📟 وداست زر تسجيل العيون📀اها تتحرك جاي وجاي ترفع راسا كدي وكدي وتعاين جاي وجاي..تتابع في حودة ونانا البياكلو في تسالي وفول ومندمجين كانهم ازواج ..وحودة ده قررررب يخش جوة نانا شدة مابعاين ليها كدة بحب وصياعه...

صفيه نست هي جات بحري لشنو وحسي راجعه بيتا لشنو...المهم لقت موضوع وماصدقت المنظر ...

وصلت الحافله الشهدا نزلت نانا ومعاها حودة...ونزلت صفيه وجرت اتدست جم سوبر ماركت ومازالت متابعه...

اها نانا وحودة واقفين وحودة مدخل ايديهو في جيوبو وبتونس مع نانا ونانا تتضاحك سااااي...

قومي ياصفيه طلعي الكمرا الخفيه واعملي فيها صحفيه...وجييييييك شالت صورا صورتين من نانا وحودة...كانت عامله تلفونا كدة زي البتقرا حاجه فيهو والشمس مامساعداها...وصورتم برااااحه...

نانا وحودة ركبو الكريز المتجه للحله وهناك افترقو لامن شاف لامن دري...

صفيه دي وصلت الحله وهي ماشه علي البيت التراب دة وراها زي الحصين الفي سباق الخيل...ماشه مشي ياخ لامن توبا ده مع الهوا عامل علم اثيوبيا....

وصلت البيت وجري علي حيطة جارم حودة الملاصقه ليهم وختت اضانا كدة واتكت علي الحيطه...

حودة كان دخل قبلها وشغال لمرتو نسمة غزل سااااي...
شي اها اخبارك شنو ياعسل..اها طابخة شنو ياروحي..ووووو.ونسمه ضحكها زي النغمة الهاديه مبسوووطه..

صفيه كوعت يديها في جمباتا وقالت غايتو الرجال ديل بري منهم ..مامنهن ضمان..شوف الكذب والصياعه...وانتي يانانا ماك هينه...
حسي امكن بتهيق لي ..امكن اتلاقو صدفه في السوق. لكن شنو مسكة الايادي والحركات والحبكانيات دي...بري بري ....

حودة دة عندو ركشه بوقفا دايما جم مظله كدة في ظلط الحله لمن يكون عايز يقابل نانا...والركشه مكتوب فيها بورا(Nنجمة ام در)...استفاد من التوريه في الحته دي...انو كاتب حرف الNيغش نسمة مرتو ونانا جكسويتوو...

اها نانا وصلت البيت محمله بالخيرات. سلطه فواكه وشي سكر وشي باسطه ووو...وطبعا كل مرة تبلص من حودة شي وشويات...

عملت الاكل لامها وقالت تمشي تعرف الحاصل لانها وعدت نيروز..ونيروز لايوقه وحتتصل ليها تاني...

طلعت ماشه قاصدة الميدان الكان فيهو الموقف البين محي وكروما...

واثناء ماماشه وقربت علي حلة نيروز بتمر بشارعم ومنها بتصل دكان عمر لغااادي جات فايته جم بيت حودة وصفيه ..

عاينت للركشه وتتبسم في نجمة ام درNدي...

صفيه فاتحه الباب بتفتش في بتها الرسلتا الدكان. عاينت لقت نانا بنفس لبسها بتتبسم للركشه...

نانا لمحت صفيه ورفعت يدها تسلم...صفيه ازيك

صفيه دي زي الكبيتي فيها نار عاينت لنانا وطنشتا ودخلت وكرووو قفلت الباب...

نانا:اجي اجي مالا ام نفسيات دي...يلا غوري يامتخلفه...

وصلت الميدان ولاقت خوجلي وعارفاهو بجيها جاري..وقفت وعاينت لخوجلي خوجلي جاها جاري ووقف جمبها...
ّّ
نانا:ازيوووو خوجلي الجديد شنو..

خوجلي:تمااام كيفك انتي ...ويتهابل كدي ويتزحزح كدي وسنو الاخير ظاهر...

نانا:عايزة رقمك ياخوجلي محتاجه ليك توصل لي كهربه بكرة الصباح...

خوجلي ماصدق ملاها الرقم عشرين مرة...

نانا اتونست معاهو ورجعت البيت وبدت تخطط تجرجرو كيف...

يتبع