هٓووّسّ ألبٓنّوُت..!!

(30)End

ناريز ذاد عليها الوجع وتصرخ...وتصرخ..وتبكي ودموعا زايدا مامن وجع المخاض..من وجع الالم النفسي الهي فيهو..

اخو منصور مشي جاب امو واخواتو..وجو واقفين في حوش السيدة الدايه ويبكو علي منصور وعلي ولد منصور الحيتولد...

نيروز تبكي وحاضنه نانا وخايفه علي ناريز اختها..وخايفه علي انها ترجع البيت تتصرف كيف...نيروز ترجف لحد مااغمي عليها...

ناريز بدت تولد..ووقفت في مخيلتا صورت امها وابوها واخوانا محي وعلاء وتصرخ باعلي صوت...يامااااما حبيبتي..ياابوي ياابوووووي...ياالله ارحمني..ياالله اموت ..ياالله شيل روحي..يارب تنهي حياتي...كفر سيئاتي ياالله..

والسيدة تهدي فيها لحد ماولدت ناريز وصرخ الطفل...

الكل ببرة يبكي وحزين ..ام منصور قاعدة في الارض وحوليها بناتا وولدا الاصغر من منصور...

ناريز اخدت حقنة مسكن وغمرت لكن نفسا يتصاعد وينزل ..وعيونا مورمه بالبكا وحوليها اسود...

نانا شالت الولد وطلعت بيهو لام منصور...

ام منصور شالت الولد وبدت تبكي وتمنح علي منصور ...واخوات منصور .هدأو شويه من شافو الطفل واتلمو فيهو يبوسوهو ويتخاطفوه...

نيروز فاقت ودخلت لناريز هي ونانا وطمتوها انو الاوضاع تمام وماتخاف وكلها كم يوم وتبقي عاديه وكويسه...

ام منصور دخلت علي ناريز وبكت وحضنتا وطلبت منها تسمي الولد..ناريز قالت سميتو منصور منصور....

اتفقت معاها تشيل الولد وكل ماتكون عايزة تشوفو ترسل ليها عربيه تجيبا بيت اهل منصور..

بهناك سعديه راقدة وحست بقلبها مقبوض..وجاتا رجفه شديدة..بدت تكورك لمحي الشغال يركب ستاير في بيتو... تعال الحقني.ياولد.انا جسمي ده مالو ينفض  كدة..

محي سندا وعايز يدخلا جوة.  بدت سعديه تستفرغ ..دخلت جوة الغرفه ورقدت ولسه قلبها مقبوض..

محي :يمة نيروز وين..البت دي انا حزرتها ماتطلع .

سعديه:فوت من فوق راسي براي بترجف وقلبي مقبوض..ماعايزة كلام كتير...

ناريز اخدت ساعتين في بيت السيدة وطلعت معاها ام منصور واخواتو وناريز ونانا..

ركبت ناريز ونانا ونيروزوام منصور في عربية اخو منصور ..عربيه مظلله مقفله..

واخوات منصور ركبو امجاد..اتجهو كلهم علي بيت نانا..ونزلت ناريز ونيروز ونانا و..ام منصور ادت الجنا لولدا ودخلت معاهم..

ام منصور ادت نانا في يدها عشرة مليون لاحتياجات ناريز لحد ماتطيب..وقالت ليها اي حاجه بس اتصلو علي ولدي...

ومشت ومعاها جني ناريز..

ناريز بكت علي فراق جنينا ونفسها تشوف امها بس باليد ماف حيله...

نيروز رجعت البيت ومحي مااتكلم معاها..خايف علي امو..

مشت الايام واتلمو الاهل لعرس مخي وجا علاء من السفر وقالو ليهو ناريز بتقرا بيت صحبتا وكدة..

ناريز قالت عشان الناس ماتفقدا وتفكر في حاجه لازم تمشي يوم الوليمة والزفاف..ناريز بقت عاديه بس لازم تعدي ايام معينه...

يوم الوجبه والبيت ملان والاهل والحله والناس وعقد علا ومحي مع بعض..

ناريز لابسه توب عادي وقاعدة جوة...

جات مها معاها عبودي وشايله صحن عايزة تأكل عبودي..وكانت في الغرفه ناريز ونانا فقط..الكل مزحوم مع العرس برة

مها:كيفكم..

كلهم ردو السلام..

ناريز قلعت التوب وبتتكلم مع نانا..مها لاحظت لهدم ناريز موضع الصدر لين وكآنو في مويه ولاعصير ولاشي مدفق..ده (حليب الام)لانو الطفل ماموجود

ناريز عاينت لمها وسرعه لبست التوب..

نط عبودي قال:ياها دي يمة الرسلتني بالورقه الصيدليه..ومشي وأشر من قريب علي ناريز..

ناريز غطت يديها بوشها وانهارت بالبكا..

مها:ناريز ماتخافي انا عارفه من بداية الامر..لكن اقسم بربي انا من هنا حانسي الكلام دة..واظنك عارفاني..اعتبريني انا ماعارفه اصلا..واذا الموضوع دة اتعرف بكون انتي اهملتي السر..لكن انا بوعدك بحياة جناي عبودي دة مابجيب سيرة الكلام دة حتي بيني وبين نفسي...

ناريز اطمئنت لمها لانها بتعرفا انسانه كتومة لدرجة نادرة جدا...

انتهي العرس...وناريز بقت تمام...والامور ماشه تمام..

سلمي سافرت لسامر..ونانا زواجا اتحدد..وناريز بقت من الجامعه للبيت..

جاها اتصال من رقم..

منصور:الو ناريز انا خلاص عايز اودعك ..بكرة تنفيذ حكم الاعدام..اعفيني ادعي لي..خلي بالك من ولدي..امشي شوفيهو..اتصدقي علي روحي كل يوم ...وبكت ناريز مع منصور..

اتنفذ حكم الاعدام علي منصور...وبكت ناريز مع اهلو..وبقت كل فترة تمشي تاخد قعدة مع جناها...

ام منصور عايزة تلم شمل ناريز بولدا ..زوجت ناريز لاخو منصور الصغير..وكدة ناريز قعدت مع ولدا في بيت واحد ..ولقت احسن تعامل من اهل منصور...

ونيروز خطبا ود اهلا في قطر..وجاي يتزوجا..اليومين دي شايفاها ساكا الكريمات عايزة تتفسخ للعرس...

النهايه....