هٓووّسّ ألبٓنّوُت..!!

(6)

سيد إتكا علي باب الدكان وهو بعاين للعربيه ..جا ابو سلمي وتوسل ودخل البيت بعد مارفع يدو يلوح بالسلام ل سيد الفتان اللخباط..

اها ام توسل راقدة وبتغني لحمودي (لوووولووو يدور اللبن اللبن عند البقر ..البقر يادار سعيد..دار سعيد بلدآ بعيد....)جات توسل مسرعة الخطوات...امي امي قومي سلمان جا عايز يسلم عليكم..

قامت ام توسل وجرت اقرب توب ولفحتو وعدلت التوب. وغطت ايدا بطرف التوب وسلمت علي سلمان وهي مدنقرة..الله يسلمك الله يبارك فيك ..الله يسلمك الله يبارك فيك..كيفك وكيفن اهلك علك بخير وعافبه...اتفضل اتفضل...

وسلمان عايز يقعد جا ابو توسل اسمو طه..سلمان رجع وقف وسلم علي طه سلام ادب واحترام شديد خلاص..السلام الكلو حرارة واهتمام داك..

اها توسل جرت علي دكان سيد وطلبت يديها بارد..

سيد:البارد خلص وماعندنا. اها شن قولك?

توسل:قولي ليك انو الله ماكتر الا الدكاكين..الا انت الرزق بترجعو..وهي ماشه..

سيد:رد قال والرزق البتاجلو بالدين دة وتتماطلو فيهو

اتلفتت توسل:اسمع انت راجل كبير وقدر ابوي(طعن باااارد)ماصح اردك واتفاسل معاك ..ومشت لحد ماوصلت الظلط وجابت بارد..

سلمان:اذيك يااخوي طه(طبعا اعمارهم متقاربه شديد)

طه:الحمدلله مرة في الطين ومرة في عتالة سوق المحاصيل والحال ماشي الحمدلله..

سلمان:انا بجيب ليك كم راس بهيمة وانت اشتغل فيهن وانا بحاسبك..والرزق من ربنا طبعا..ونحن مسخرين في الارض دي...وانا طالب القرب منك في توسل..

اتفاهمو واتكلمو في الشغل وفي خطوبة توسل...وكان شايل دبله معاهو اداها توسل.

سلمان استاذن انو ماشي ولما يسلم لكل واحد في ايدو بغمت قروش...قروش خمسينات لااافه زي بكرة الخيط...(قاااادر الله)..

اها سلمان مرق وطلعو معاهو طه وزوجتو وتوسل ومازال سيد النّتل يصور في المشهد وحاااارقو الوضع...

سلمي:ياامي انتو سلمان دة قدر ابوي رضيتو بيهو

توسل:اخير من زولك القدرك وامو حارقه حشاك ومامعروف مصيرك معاهو شنو..

طه قاعد يقرا في جريدة ومتابع حديث بنياتو...

سلمي:المصير بيد ربنا وشالت المقشه وبدت تنضف في الحوش...

اها ديل يلا ابطال روايتنا البتدور محاورا حوليهم...
(نيروز وناريز.....توسل وسلمي....نسرين....ونانا....وسلوان)باستثناء الجكس والحبايب لانو كلهم ماثابتين. يعني فيهم البكون ضيف شرف وفيهم البكون لزقه وفيهم البكون سبب المصايب.....

نرجعع لبيت نيروز...

نيروز قاااعدة كالعادة وتقلب في الرمود ..تلفونا هزا ززززززززز وينور ويطفي...ومحي الدين بجهز لسفريه تانيه....

اها نيروز براااحه شالت التلفون ورفضت المكالمه وختتو في حجرها...
امها سعديه كانت في جلسة حروم الصندوق والجمعيه...

محي:قومي يانيروز جهزي لي حاجه اكلا قبل اطلع..

وهي بتعدل شبشب البيت عشان تمشي المطبخ ورجولا ديل بالفسخ بقع بقع حته صفرا وحته.. حمرا وعروقه خضراااا والكعمة المسميه بكعمة الشيطان دي ابت اصو اصو تنفسخ...والمنكير اللون النسكافيه اهاااا شي عجيب غايتو...وهي ماشه كده محي الدين اتكلم معاها..

محي:وهو بتكلم بطبق في عراقي ..انتي يانيروز سلوان دي عندها زول في راسا..

نيروز:رجعت وربعت يدها وبقت تتراقص براااحه..زي البان البرقصو الهوا...
قلت لي كده ايوووواااااااا هيهيهي. اظهر وبان ياااموحي...اها عشعشت ليك في راسك فكرت امي..والله طلع ليك حس ياابو الهول..وكالعادة تتم الكلام بصفقه غجريه كده...

محي:شال العراقي وخبطك خبطك في راس نيروز:هوي هوي اتعدلي يابت وسيبي المسخرة دي امشي امشي انقلعي جيبي لي زاد ..واقفلي السيرة دي...

نيروز:شالت تلفونا وبقت تتكلم بدون اتصال يعني حركه وهميه كده...اها يالولو(سلوان)اخبارك ماعندك جيه هنا قبل الشمس تغيب وتسافرر..وتااني محي الدين هما وعايز يخبطا جرت نيروز علي المطبخ وهي بتضحك ضحك مااايع...

رجعت سعديه ولقت محي بياكل ...

سعديه:اها وليدي بقيت علي سفر...

محي:اي يمة اديني رضاك قدامي سفر..

سعديه:عافيه منك وراضيه عنك ياجنايا..

محي:يمة انا خلاص بقيت علي سلوان امشي قدمي الخير لامها وابوها ان وافقو اتصلي لي برجع ومعاي حاجات الخطوبه ونمش عليهم...

سعديه...جلجلت الزغاريد بصوت فرحٍٍّ...لاتقطعه انفاس متعبه...

جات جاريه نيروز وشااالت مع امها الزغروده واكتملت السمفونيه بصوت عذب شجي...

ناريز وهي في الشارع سمعت صوت الزغاريد واتلفتت جاي وجاي لقت مصدر الزغاريد من بيتم...مسكت الشنطه عليها قوي وجرت لحد مافتحت الباب...

في شنو في شنو علاء جا ولا شنو...

سعديه:عقبال لجية علا وعرسو...محي عايز يختب..

ناريز:😏دنقرت وقالت مبروك بنبرة باااهته ومسيييخة كدي....

مشي عليها محي الدين وضماها عليهو وباسا في راسا ...

ناريز حضنتو قوي وبقت تزغرد شديد...

محي :يضحك وهو خاتي راسا في كتفو...

طبع الاخت حنينه وطيبه مهما الاخو كان قاسي وبمد يدو...لكن الاخت مابترضي في اخوها عوجه..وبتفرح ليهو بالسمح....بس الا القندفه بتخلي البت شووويه مدة راسا قويه...لكن ان رجعت للخوف بتلقاها بتعمل ليهو حساب وبتقدرو...

نيروز وناريز بدو يخططو لعرس محي الدين ..نعمل ونسوي ونعمل. وهم علي ثقه بانو اهل سلوان حيوافقو...

يتبع