هٓووّسّ ألبٓنّوُت..!!

(12)

ناريز منتظرة وصول نسابتا ...وقلبها مطمئن بقناة اقرأ وبجو النسابة المتلهفين بجيتا ليهم..

منصور قال ليها تعالي اتفرجي البيت ..لفت ناريز مع منصور كل البيت ..العفش دة من كدة والفاظا دي من تركيا والسجادة دي من لبنان..

اها قال ليها الطابق الفوق دة حقنا انا وانتي...وطلعت معاهو سلم الضياع سلمه سلمه ..كل خطوة وراها دمااار..

ودخلت فوق وكانت الطامة الكبري..منصور سدا الباب بالمفتاح وختا يديهو في جيوبو..
وبقي ماشي بخطوات شيطانيه علي ناريز..

ناريز:منسور منسور مالك في شنو...منسور مالك مخلوع كدة..ناس امك كويسين(لا ياشيخه??)

اها ووقعت ناريز فريسه في يد منصور المستذئب..ناريز مالقت مفر من منصور وخضعت للواقع...

ناريز صحت علي صوت تلفونا بدق...عاينت حوليها ماف زول ..اتلفتت جاي وجاي وهي سابحة في جمر الوجع والشرف المستباح...

عاينت للجوال لقت المتصل نيروز..قفلت التلفون وجرت فتشت جاي وجاي لملمت حالا وبعضها ونزلت في الطابق السفلي تفتش منصور مالقتو فتشت جاي وجاي حمام مطبخ غرف وهي في حالة هلع وهجمة...فتحت التلفون جاها اتصال من منسوووور..ردت ونفسا قايم ومتعب ومخلوط بوجع وندم..

ناريز:الو الو الو منصور انت وين ..الحاصل شنو انا مالي مالي مالي..حصل شنو

منصور:ناريز حبيبتي هدي من روحك شويه في اليونت حق الشاشه الفي الهول في ظرف شيليهو..

جرت نيروز وشالت الظرف فتحتو لقت دولارات ...

رجعت اتصلت بمنصور وتصرخ..انا مابتباع بدولار ويورو ولا مال قارون..انا جيتك واثقه فيك ليه عملت كدة فيا...

منصور:اها ياناريز وين صوتك الحنين ودلعك..اوعدك كل شي بتصلح بس كانت مسألة لحظة ضعف وووأأ وكدة يعني..ماف داعي تكبري المواضيع للدرجه دي..اطلعي امشي يمين وشمال بتلقي المواصلات..انا اسف حبيبتي جاتني شغله كدة وطلعت..

ناريز طلعت وكان الوقت كدة زي الساعه خمسه مساء..جرت تتلفت وراها وقداما وحاضنة شنطتا عليها ركبت المواصلات وهي بترجف. ركبت جمبها سيدة مسنة كدة...

السيده دي لاحظت لناريز بتترجف بأنين وصوت متقطع..ختت يدها في كتف ناريز وعاينت ليها وقالت مالك يابتي الحاصل شنو?

ناريز:عيانه ياخالتي عيانه..

السيدة:كر عليكم الصغار بترجفو من المرض نحن الكبار ديل نسوي شنو..سلامتك بتي انزلي معاي بيتي المحطة الجايه دي..انا يابتي قاعدة وحييدة مع نفسي شغاله دااايه قديييمة من الستينات...وحسي جايه من شغله ولادة في المحطة الركبت منها..الهموم كترت يابتي. ..انزلي معاي عندي صيدليه صغيييرة في بيتي امكن القي ليك شي يخفف عنك..

ناريز:ياريت ياخالتو الوقت متاخر وانا لازم احصل البيت..

السيدة نزلت وودعت ناريز بالشباك لانها شفقانة علي حالة ناريز..

ناريز من مواصلات لمواصلات وصلت البيت والعشا بأذن وقفت جمب باب الشارع وقبل تخش عاينت للدفار وبكت بحرقه وسرعه قشقشت دموعا ودخلت..

لقت ابوها بتوضي وطالع يصلي العشا..ناداها ..يابت مالك اتاخرتي كدة امك مرقت الظلط راجياك ومعاها نيروز...

دخلت ناريز بدون ترد ..قعدت طرف السرير وهي مثبتة ايديها اطراف السرير وبتتوجع كانها مطعونه في قلبها...سمعت صوت الباب فتح...جرت دخلت الحمام وفتحت الدش في راسا وقعدت علي رجليها تبكي والجوطه برة...امها ومحي الدين ونيروز..

محي :يمه البت دي انا بشرب دمها وبطفش من البلد دي عشانا ..الصباح لقيتا لابسه لبس كعب..وحسي متاخرة..

سعديه:ياولد اسكت خلينا نفهم الحاصل امكن مواصلات امكن اي شي..

نيروز:ترجف وتعجن صبعيها في بعض وتضرب باب الحمام لناريز...ناريز حبيبتي مالك ردي علي في شنو ناريز الاخرك شنو..

ناريز استجمعت قواها وطلعت ...جاها جاري محي الدين وجراها من شعرا وضربا كفوف جاي وجاي...ناريز وقعت في الارض...محي جراها من بجامتا لحد مادخل بيها الصالون وقفلو ووقع فيها ضرب بيدو ورجولو...ردي ياحيوانه اتاخرتي مالك ردي اتكلمي وطاخ طاخ...ونيروز برة تبكي وتسكلب هي وامها ويخبطو في باب الصالون..

ناريز شبه غابت عن الوعي قعد محي علي ركبيهو جمب راسا وعرف انها داخت..

مشي فتح باب الصلون وقال لنيروز جيبي مويه سرعه..
نيروز جرت واتلخبطت يمين وشمال تفتش في المويه ...جابت الكبايه لمحي ...محي قفل الباب ودخل يرشرش وش ناريز بالمويه...ناريز فتحت عيونا وبدت تشهق وتبكي..

محي:الأخرك شنو ياناريز اتكلمييييييييي اتكلميييييي وهو متعصب وبشد في اعصاب ايديه...

ناريز تشهق وماقادرة ترد..

طلع محي وفتح الباب ومشي علي المخذن ..وركب في حيطة السور وبنطه وحدة ركب سقف المخذن وبدا يقلب في الخرد الفيهو..

بهناك دخلت نيروز وامها وبدو يبكو علي ناريز ويرفعوها من الارض...

جا محي وفي يدو سير عريض مضفر بسلوك..ووقف فوق ناريز..وبدا يصرخ اتكلمي..

ناريز:المواصلات ماف وقروشي مابتكفي اركب كريز او شريحة..اضريت انتظر بص الوالي ...وبين كل كلمة وكلمة شهقه وقطعه..

محي عاين ليها وبين صدق الكلام ومامصدق...طلع وقفل باب الشارع...ناريز رفعوها امها واختها وكلو كلو ابت ترد عليهم...رقدت في السرير واتغطت وبكت شديد...

الصباح ناريز ماقامت نهائي مامن عادتا لاجامعه ولا صلاه ولا شاي ...

صبحت ناريز بحمة لامن بتهضرب وتتكلم بس الله ستر كلام مامفهوم محتواه...

يتبع...