هٓووّسّ ألبٓنّوُت..!!

(22)

سلمي اتخذلت من اكتر زول وثقت فيهو وانتظرتو كتير...اتحملت كل مشاكلو وتفاهاتو الكان بجرحة بيها...كانت موجوعه وبتدس وجعا وتضاري علي اخوانا الصغار...

فتحي نهائي مارجع لسلمي ولا اعتزر علي خداعو وهروبو..امو خطبت ليهو بت خالو الشغال هو معاهو...وحددت ليهو الزواج..

نرجع لناريز....

مرت الايام وناريز ونانا ونيروز بفكرو يطلعو من المشكله دي كيف...

نانا يوميا بقت تجي لناريز ونيروز...وبتضغط علي ناريز انو تمشي الجامعه عادي ..

ناريز فكرت في السيدة المسنه القابلتا في المواصلات..وكلمت نيروز ونانا انو يمشو معاها ..اتفقت نانا معاهم انها تجيهم الصباح ومشت بيتا..

دخلت نانا وعملت العشا لامها وسرحت شعر امها ومسحت جسم امها وغطتا ورقدت ملاصقه سريرا مع امها...وكل مرة يدق عليها جدو ودعمها برقم غريب وتحظرو...يعني مكبرا راسا منو...

نانا بعد نامت جا جدو ونطا بالحيطة واتسحب براااحه وقعد جم راس نانا في الارض..وبعاااين فيها شديد...

نانا حست جوة نوما في زول مسك يدها فتحت عيونا برااحه وهي تقيله بالنوم..عينا وقعت في عيون جدو ..يعني مسافة شبر بين عيونا وعيون جدو...

رجعت نانا غمضت عيونا وقالت هي بتحلم امكن..جدو بقي يتكلم معاها بهمس وصوت براااحه كدة....نانا نانا نانا نانا اصحي...

نانا فتحت عيونا وعاينت تماااام لجدو ونفضت نفضه شديدة وقامت علي حيلا وعايزة تصرخ.جدو لحقا وغطا خشمها بيدو...

جراااها لحد ماطلع الحوش ..نانا سكتت عشان امها ماتصحي...

جدو:جيتك يانانا وانا عايز اوريك انا ممكن اعمل المستحيل واصل ليكي...شوفي دي كلها قروش هاكي ليها البسي دهب البسي حرير اعملي اي شي دايراهو(شايل حزم قروش في كيس)...

نانا:ذي مانطيت ودخلت هنا بكون نطيت وسرقتها من مكان ..اطلع برة ياجدو قبل اتصرف تصرف تندم عليهو طول عمرك..

جدو بدا يتقرب علي نانا ..ونانا تضربو بسفنجتا علي كل اجزاء جسمو..وتهددو وتتكلم بهمس..اطلع ياسكران ياساطل..اطلع من هنا اناحارتكب فيك جريمة وحتكون دفاع عن النفس...وجدو لاحياة لمن تنادي...

في النهايه نانه خنقت جدو بيديها بكل القوة الفيها...جدو لما اتضايق بدا يضرب في نانا ضرب شديد..ويصرخ فيها..ويشتما بالفاظ مسيئه...نانا دفرت جدو وطلعت من يدو وخلتو مجدوع في الارض ..ودخلت شالت تلفونا واتصلت بال999ووصفت البيت في ثانيه ...
ورجعت لجدو وهو لسه مجدوع في الارض علي ضهرو وخاتي يدو في وشو ...نانا بدت تديهو كفوف جاي وجاي وتتفل علي وشو وامها من جوة بدت تناديها وخايفه من الحاصل برة وعايزة تعرف..دة حرامي يانانا ..في شنو يانانا...تعالي تعالي مايحصل ليكي شي...
ونانا محروقه في جدو وواقعه عليهو ضرب...جدو قام علي حيلو وضرب نانا ضربه وقعتا الارض وبدا يغتصب فيها ونانا تقاوم وتصرخ بصوت معدوم...بعد محاولات من جدو ونانا ..الشرطة جات ونانا لما سمعت برة صوت الدوريه صرخت صرخه وحدة طوالي العساكر اتجهو علي مصدر الصوت..

هنا جدو قام وجري عايز مخرج يشرد بيهو ..الشرطه فتحت الباب ومسكت جدو..ونانا كانت مجدوعه في الارض ..وتبكي ..وامها جوة اثناء مابتتحرك وقعت في الارض...

الشرطه مرقت بجدو ونانا قامت نفضت شعرا وهدوما ودخلت لامها ورفعتا وهي بتبكي...

وكم نفر من الحي جو علي بيت نانا يتقصو من الحاصل...نانا لما سمعت في ناس برة لبست التوب وبقت عاديه وقالت دة حرامي سكران وقع في الحوش وجبت ليهو ال999ّ...

ناريز الصباح اتصلت علي نانا ...نانا اعتزرت انو امها عيانه وطلبت تاجيل الموضوع ليومين لحين امها تبقي كويسه...

الشرطة استدعت نانا ..مشت وحكت التفاصيل كلها...اها تم حبس جدو لحين صدور الحكم...

ام جدو لما عرفت جات بسمها ونارا لنانا ووقفت في نص الحوش...ماخلت شتيمه لنانا يا ويا ويا ...والحله كلها سامعه...

نانا جوة ساندة امها عليها في السرير ومرقدة راس امها علي كتفها...

نانا لما انزعجت من الامر..رقدت امها في السرير..ولبست توب وطلعت الحوش لمرة عمها ام جدو...ومسكت ام جدو من التوب لحد ماام جدو اتخنقت..وجرتا وطلعت بيها في الشارع ودفرتا لحد منتصف الشارع...واصلا كاالعادة نص الحي طلع بصوت ام جدو ونبذا لنانا...

نانا:شوفي ياالماعرفتي تربي ولدك انتي...انا اصلا ماحاحترمك عارفه ليه?لانك ماقلتي ولدك غلطان...وحسي انتي الفضحتيهو...انا امس سترتو جم الناس وقلت دة حرامي سكران ووقع في حوشنا...وحسي بوضح الامر..بقت تتكلم بصوت عالي...جدو ودعمي انا ابيتوووو ابيتوووو ابيتووو.وعشان ابيتووووو عمل فيها اسبايدرمان ونطا بالحيطه وجاني شايل قروش يغريني بيها عشان اتزوجو..يعني هو مفتكر وضعي بجبرني علي اني اتماشا معاهو...ولما صديتو ضربني وعايز يغتصبني..انا اتصلت علي الشرطه وجات شالتو...وانتي بدل تلمي الموضوع جايا تتمي قلة ادب ولدك في نفس المكان..ياخ انا بخجل انكم انتو اهلي...اتفوووو عليكم يامابتستحووو.وتوووش دخلت وسدت الباب...

من ضمن الناس الفراجه جات صفيه شايلا الشمار في هوا ...وقفت وسمعت ويلا ركبت موضوع في راسا كجمله مفيدة لشمار جديد...

يتبع