هٓووّسّ ألبٓنّوُت..!!

(24)

مرت الايام معظم الشله عندها مشكله بتعاني منها..الا نسرين وسلوان..سلوان عايشا اياما مع محي ترتيبات وتجهيزات..

اما نسرين لادة ولادة بس جوة بيتا مهووسة نضافه وترتيب ونظام ..

اماسلمي عانت معاناه شديدة خلاص من خداع فتحي ولسه جراحا مابرت ولانارا مابردت..وكل يوم بتتزكر فتحي وبتبكي وبتشتاق ليهو بس خلاص كل الاماني اتهدمت...

اتمنيتو يبقي حبيبي لكن بس مناي ماتما ...والجرح الاصابو قليبي ياخلايا غٓوور ودما..سقت خطاي بديتا طريقي داير في النهايه انجما...ماعارفو المخبي مصيري انو خطانا مانتلما....
كانت صدمة قاااسيه عليا القاها البدايه نهايا..والاخترتو جمبي وليا يبقي سبب عزاي واسايا...العقدة العقدتها نيه سواها الشماته حكايه...قسمة وراضي قسمتي ليا ماتماهو الله منايا....

توسل بقت في نظر الحي انها بتجيب كبارات في بيتم وسيد بتاع البقاله وحريم الحله وفطينه ماخالين ليها جمبه...

نيروز بقت في نظر محي انسانه خطرة ومراقبه ..يعني من الغرفه للمطبخ بحسب خطواتا ...

ناريز مشكلتا اكبر واكبر..اتخدعت وماعارفه الحل شنو ..ومنصور شرد منها...

نانا بقت برضو في نظر كل الحي انها بتاعة كاشات وشغل انصاص الليالي...

بجانب فتحي ليهو كم يوم بدا في عرسو..وسلمي سمعت من الجيران انو فتحي عريس ..وكل يوم سلمي بتتقطع بالوجع..

توسل:انتي ياسلمي غبينتك الفيك دي بتمرضك ..شوفيهو كل يوم عامل حفله ولاهاميهو..انتي ليه بتبهدلي حالك كدة..اناكلمت سليمان بمعارفو يشوف ليكي وظيفه وتنسيك فتحي العولاق ده..اصلي من يوم خطبك ماارتحت ليهو. ..

سلمي:دعيت الله بعدد الصلو علي النبي.. بعدد الكبارات والصبي...بعدد الختمو القران في رمضان..بعدد الصلو العيد في الميدان..دعيت الله بعدد الحصا والرمال...بعدد النقاص والكمال...اشوف فيك يافتحي دموعي اضعاف اضعاف..حسبي الله عليك الف مرة..اخد حقي منك يوم الخصوم..يوم يرد الحق الي المظلوم...وبكت بدموع غزييرة كانها بتبكي علي ميت عزيز..

توسل:اااخ يااختي ..اصبري بس بكرة حقك برجع تالت ومتلت..بقت تمسح دموع اختها وتبكي معاها ..

نجي لنانا...

نانا بتنضف في خضرة وفاتحه اغاني في تلفونا..جاها اتصال...

نانا:الووووو مرحب

نسمه:كيفك نانا...انا نسمة

نانا:😨😨😨ياهلا ياهلا اذيك نسومه

نسمة:بخير...وسكتت..

نانا:خير اتفضلي...

نسممة:عارفه حودة عندو كم طفل?..وعارفه حودة عندو كم بت زيك بقابلا او كم مرة متزوجه بقابلا?عارفه انو حودة مهما لفا ولفا وصاع وحام بجيني راجع وابدا مااتغير او حسيت انو هو كدة من يوم اتزوجنا...بس يانانا عايزة الكلام دة بيني وبينك..وحودة دة لابعرسك ولابعرس غيرك...مامعناها اني ساحراهو بعمل ولا بقرايه..لالا لانو هو عايز التصون ليهو بيتو...انا يانانا جيتك وطالبه منك تبعدي منو ولو بتقدري كمان ابعديهو من الصايعات التانيات...واثبتي لي انك خلاص بعدتي منو....

نانا سمعت الكلام دة تمام وقالت...:

اها كملتي كلامك خلاص...اولا انا ماعندي دخل ابعدو من الصايعات..اهو راجلك في يدك بعديهو براكي ....تاني شي انا من الان بأكد ليكي ماحاكون عندي صله بحودة واطمني انا بعدت من الثانيه دي....واختصري علي كدة اي كلام تاني لحد مااثبت ليك اني بعدت منو...لانك عندك الحق تبعدي منو اي صايعه مش دة كلامك?يلا سلام...

نسمة قفلت من نانا وعرفت انو نانا دي ماهينه...مشت المطبخ وبقت شغاله غسيل وطبيخ..جا حودة داخل وياكل من دة ويفتح دة ويلقم من دة...

نسمة:انت ياحودة بالصح الكلام الطالع في نانا بت محاسن دة..

حودة:كككككلام شنو ونانا منو..

نسمة:اتلفتت علي حودة  مكوعا يديها في صفحاتا وبتعاين كدة😏😏😏..أجي كيفن نانا منو..نانا بت محاسن الطويله ديك...البيتم فاتح علي بيت صحبك قدورة..

حودة:لالا ماسمعت حاجه ..يلا يلا ختي لي شي اكلو سرعه..وطلع وهو مطير عيونو زي الشاف جثة...

نسمة عاينت كدة وابتسمت باستهتار..وقالت قسما الا ابقيها ليك طشاش طشاش يامعفن ياكذاب...

بهناك نيروز وناريز اتفقو انو نيروز التخدم جوة البيت بدون اي كلام عشان شكل ناريز مايظهر...

وامهم سعديه مشت لجلسه الجبنة وقرعة قروش الصندوق في الحله...

اتلمو الحروم كلهم ومن ضمنهم مها ام عبودي الشافت الورقه في جيب عبودي كان رسلتو ناريز بيها...

مها دي تشيل وتعاين في سعديه عايزة تفهم لو في شي حاصل ولا لا..امكن ماف حمل امكن زول ضيف عندهم وووو احتمالات كتيرة...

سعديه تضحك وتتونس وتتناقش مع الحريم ومها حااانه علي سعديه وتعاين ليها مرة مرة بنظرة شفقه...

انتهت الجلسه وطلعت سعديه ولحقتا مها تتقدم معاها..

مها:كيفك ياسعديه وكيف بناتك وابو بناتك..اها عرس ولدك ماقرب..

سعديه:كويسين الحمدلله ..ناريز مع الجامعه ونيروز عاطله ..وعرس محي مابعيد بس الصيانة تنتهي..

مها:ماقعد يجوك بنات اهلك يساعدوك لتجهيزات العرس..

سعديه:بري ووويييين بنات اهلي يايمة زمن زمن من شوفتن مابجيبن الا العرس والزفاف...

مها:ودعتك الله خلاص وريني لوعندك خدمة للعرس قريب انا بجيكي..ماعندي مشكله ياخالتي...

مها استنتجت انو جهاز الفحص لوحدة من بنات سعديه ..لكن هل هو حاصل ولا لا ماعرفت...

يتبع...