هٓووّسّ ألبٓنّوُت..!!

(16)

نيروز مافهمت الحاصل دة شنو وكيف..هل هي صدفه ولا مؤامرة ومن منو...

ناريز مامهتميه بالدراسه...ودور الوالد معدوم نهائي ..لانو بكون شغال لحد الساعه خمسه ومرات لما تجي البضايع بقعد لحد اتناشر باليل...فما فاهم البدور في بيتو كلو...

سعديه طلبت من علا يرسل ليها حبة قريشات لعرس اخوهو بس بدون علم محي..عشان مابيرضي...

واثناء ماهي بتتكلم ناريز جات داخله من الجامعه كما تدعي...
نيروز بتطبخ في المطبخ وجبة الغدا...

نيروز:يمة اديني علا اسلم عليهو..

سعديه:اوعك تطلبي شي..هاك ليهو

نيروز:الو ابو علوة ازيك...اها كيفك وكيف الرياض معاك....وشالت التلفون وزحت لغادي وبهمس كدة قالت ليهو...خلي امي تديني قروش من البترسلم لاني ماعندي مصدر دخل ومحتاجه حاجات ...واثناء الكلام جا محي داخل...

محي:مشي عليها وعيونو دي النار طالعه منها... وخطف التلفون ولقاهو علا في الخط...

كمل كلامو مع علا وجا علي نيروز..اسمعي هنا يانيروز انا تاني مابثق فيكي بعد الشفتو ووالله لو ماخايف علي امي وابوي الا اقتلك واقتلو وارقد الحراسه...وتاني خطواتك كلها محسوبه واوعي امي تعرف الحاصل..عشان عندها ضغط وحتزعل وهي فرحانه بعرسي وبتجهز ليهو حسابي معاك في كل خطوة..

نيروز دي بقت ترجف ومدنقرة ..

ناريز صوتا طلع بهناك وهي بتستفرغ بصوت عالي..جرو نيروز وامها عليها..

ناريز قعدت في الارض علي رجولا وبتشهق بشدة الاستفراغ..امها واقفه وتتكلم معاها مالك حاسه بشنو يابتي كر علي ..

ناريز:اكلت سندوتش طعميه بكاتشب في الجامعه قالب معدتي ومضايقني..

نيروز:خلاص اعمل ليكي ليمون يريحك..
ومشت المطبخ تجهز الليمون..

محي من بعيد قال ليها لو حاسه بعيا ارح لمستوصف الحله نفحص ليك..

ناريز قالت ماف شي ودخلت الغرفه ورقدت وهي بتفكر الاستفراغ الكتير دة شنو ..في الجامعه كم مرة وانا في بيت منصور كم مرة ..
خافت من انها تكون اتورطت وبقت حامل خصوصا انها مابتعرف اي شي عن الحمل واعراضو..

دخلت النت فتشت ارقام اخصائين نسا وتوليد وطلعت كم رقم وسجلتو في التلفون..

جات نيروز وشايله العصير وقعدت جم اختها وتحكي كلام محي معاها...وناريز دي خافت شديد خالص ...قالت في نفسها ..هو عمل مع نيروز كدة عشان رسايل لو عرف العلي بعمل شنو...

اها بعد شربت العصير قالت عايزة ترتاح شويه ..اتغطت ودخلت الواتس وعملت تحديث للواتس عشان تظهر ليها الارقام الكتبتا..وظهر معاها كم رقم اخصائي منهم وحدة بت والبقيه اولاد...