هٓووّسّ ألبٓنّوُت..!!

(15)

محي شغال بنا في الجزء المخصص ليهو..عبارة عن غرفة وهول وحمام وحويشيه مطاوله كدة..والمطبخ مشترك مع امو...

ناريز مرت تلاته شهور علي دة الحال مع منصور وبدون ماتتاخر في رجوعا للبيت ومحي يضربا...

سلوان العروس بقت مواصله تلفون مع محي وده يمكن اللخم محي من تجاه اخواتو وبقي بس مركز مع لولو حبيبة الروح...وشغال سفريات ساااي بدون راحة عشان مايحتاج لقروش..طبعا لقي الشغله صعبه والاحتياجات كتيرة خلاص عفش علي شيله علي بياض فقدم العرس للشهور القدام...

نسرين السكوته المسكينه اليلا ماسكة ليها مرتبه كدة تنجد فيها دخلت عليها نيروز..

نيروز:ياخ كرهتينا الجيه في البيت دة انتي يابت مهووسه ولا شنو..ياخ قبل شهر انتي كنتي بتنجدي نفس المرتبه دي..حسي لعرس محي حنأجر راجل يجي ينجد العندنا...

نسرين:هي ماتسحريني..وقومي ضربي معاي القطن ده..

نيروز:اسكتي يضربك شيطان الهجيرة...انا جايه اخلط هنا براحتي...محي راقد في البيت ...نيروز طلعت تلفونا وبقت تتونس مع اكرم القندوله..

اكرم المرة دي قاااعد مع الشله...وبتكلم بصوت عالي...

اكرم:وين يانيروز ماف اليلا طريقة شوفه ولا شنو...

نيروز:بوين ياكروما ماف طريقه ..حتي الكلام بالعافيه.ّ

خوجلي وهاني وعقاب الشله راخين اضيناتم..

قوم ياخوجلي طلع تلفونك واتصل علي محي وساب الخط فاتح..ومشي وقف جم العمود اتقرب اكتر لاكرم شان الصوت يوضح...

اها كرومه ده شغال ليك حنك سااااي واسم نيروز دة بين كل كلمة وكلمة..(الشر من يجيك الشيطان بيزيدو نار)...

محي دة شال تلفونو والخط فاتح. ودخل الغرفه علي امل انو يقبض نيروز..عاين جاي وجاي للحمام فتش مالقي طوالي طلع الشارع وامو داخله علي بيت جارتا ..بتنادي فيه ماجايب خبر...

طلع مشي للميدان عااارف الشله دة مكانا المعتاد..

خوجلي من شاف محي جاي والتراب ده حوليهو عفار عفار..خوجلي جرا وقف بعيد وعمل فيها عايز يوقف ركشه يأشر جاي وجاي والشارع فاضي...

كرومه طبعا لسه بتونس عامل خدمة ريح بالك ولاشنو مابعرف...وخالف رجل في رجل ويبرم شعرو بيدو اليمين والشمال ماسك بيها التلفون...وريحة البنزين دي تفوح منو فوحه فوحه...

محي طواااالي اتجه علي خوجلي ..خوجلي بقي يهبش جيوبو وعااارف نفسو عمل مصيبه..

محي:الياتو في ديل يا زفت انت?

خوجلي يأشر بعيونو وحواجبيهو علي اكرم..

محي دفر خوجلي ده لامن وقع علي قفاهوو..

وكرومه شدت ماساطل مافارز محي من جماعتو وشلتو...مامنتبه ليهو..بس ضحك علي وقعة خوجلي واساسا ماعارف الجمب خوجلي دة منو او شايفو طشاااش...

محي مشي لكروما ورفعو كده زي لما ترفع شماعة ملابس فاضيه..

كرومه لما انتبه دة محي ..الخرشه طوالي طققق فكت منو..وبقي زي المبلول بجاز..

محي دة مسك تلفون كروما ودخلو في جيب السديري..وقعد بس في كرومة زي البسلخ في خروف معلق..

يلا يانيروز بهناك ترقص رقيص عروس مارضيانه بعريسا..

وتسكلب وتجري جاي وجاي لانها سااامعه الحوار والخط مازال فاتح وعرفت دة محي..

شالت كفنا في يدها العبارة عن خوف ودخلت البيت.وقعدت في الغرفه راجيه الموت..قالت لالا احسن الصالون ..الصالون ساتر ومابطلع صوتنا للحلة وحالنا يتشال...مشت قعدت جهزت ...شعور زول لابس مريله وداخل العمليه...

محي ده فرم كروما وخلاهو مجدوع مابتفرزو من التراب..

واتلفت علي خوجلي ..خوجلي جري فد حريه لامن كسر اللفه.. وباقي الشله زي الفكو فيهم طلق ناريه..

محي وصل البيت علي رجل وحدة وقعد في برندة الزنك وفتح تلفون اكرم..واول شي كتب رقم نيروز في لوحة الهاتف جاهو الاسم ب(البقرة2)

فتح الواتساب جاهو البقرة 2..فتح المحادثات لقي يااالطيييف الدردشه بتاعت المسطول ظااااهرة بس نيروز كيف ماتوعي لكلام الساطل وتجاريهو في الحديث...

لقي شي ونسه وسخة وشي قطيعه في فلانه وشي مواعيد مقابله...محي دة لامن طاقيتو وقعت شدة ماراسو اتنفخت بالهجمه...

نيروز جوة محنطة بالخوف...

محي اتصل علي نيروز...الصالون طبعا تقفيلتو قزاز...

ردت نيروز..الو انا في الصالون...

محي عاين تجاه الصالون...وقبل يمشي نطه في سقف المخذن وجاب نفس السوط المضفر بالسلك..وطواالي مشي الصالون ودفرو برجلو ومشي علي نيروز...

نيروز قامت وجات علي باب الصالون عشان تقفلو ...محي اداها ضربه في ضهرا وهي مارا. جمبو بسرعه كدة ...الضربه دي خلت حبالا الصوتيه يتربطو سوا...

ماقال حرف معاها بس فضل يخبط يمين شمال ونيروز تبكي بانين هادي وحرقه ووجع من السلك والسوط...

محي دة ماوقف ثانيه..لامن نيروز دي نزلت في الارض بركبيها ودموعا دي شلال...

الدقه حااارة بس نيروز اتصرفت ودخلت الصالون...عشان التماسيح البتطل بضلف الباب وتتشمشر...

محي دة شغال فيها جلد الكفار لآل ياسر..

تلفون محي دة دقه وقف كدة ومرقو من جيبو لقاها لولو حبيبة الروح...

طوالي جدع الصوت وحدر لنيروز حدرة غضب كدة ومرق...

نيروز قامت بالعااافيه مسندة بالسرير. ..ومشت شالت من الدولاب حبتين مسكن بلعتا ورقدت اتغطت...ناااامت لامن حست بامها جايطه فيها ..قومي لااكل لاعدة لاغيرو..

نيروز:يمة انا تعبانه انتي ماعندك خبر ..بس تقعدي من جارة لجارة وانا هنا محي فرمني فرم..

سعديه:سويتي شنو يالفاجر..محي الا تغلطو ماقعد يسالكم..

نيروز:يمة خليني انا تعبانه...اااه اااخ اااي وبقت تبكي براااحه...

يتبع