هٓووّسّ ألبٓنّوُت..!!

(8)

نانا غضبت غضب شديد. ..وهي بتغسل اتصل عليها حودة ...

نانا:آختاني ياحودة الوقت دة ماتخليني أفش نفسياتي دي فيك..

حودة:بسم الله مالك يابت في زول اتعرض ليك بشي..مشتاق ليكي وعايز اتونس معاكي شويه...

نانا:جدو العولاق ده جاني وعايز يتهجم علي المتخلف..قايل نفسو بغريني بسماحتو ..سماحة بيت القش...

جدو:انتي يانانا جدو دة مالو معاك ..اوعي تكوني .....

نانا:قامت من الطشت ودخلت الراكوبه عشان امها ماتسمع..هووووووووي ياحودة احترم نفسك ولم كلامك الزي وشك المحفر دة...جدو وانت الاتنين الله ياخدكم ياخ. اطلعو من حياتي ياخ مالكم بي عايزين شنو انا ماكدة زي مامفتكرين...

حودة:نانا نانا نانا اهدي شويه ..والله عارفك مافيك عيبه..بس يانانا انا برتاح معاك والله ..خلاص برجع ليكي بعدين..

نانا قفلت الخط وقعدت تبكي في الارض وتقول شكيتكم لاالله زي مابهدلتوني اشوف فيكم وجعه تقطعكم نساير نساير...

بهناك جدو قعد جم حبشيه وطلب قهوة وقعد يكتب رساله لنانا..

نانا في المطبخ بتظبط الشوربه لامها ..ترررن جاتا رساله في الواتساب..
قعدت في كرسي بلاستيك وفتحت الرساله لقتا من جدو..

(نانا بت عمي وحبيبتي انا بعتزر ليكي شديد..انا عايز اتزوجك يانانا بس انتي فاهماني غلط ليه...وافقي بي وانا بريحك واسعدك للاخر..)

نانا بدت تكتب ورجعت مسحت..وبهناك ظاهر لجدو جاااري الكتابه...
وجدو منتظر مفتكر الشبكة علقت ويقفل ويفتح في البيانات..

نانا قالت بعد تفضي ترد ليهو..عملت الشوربه والرز وقعدت قطعت السلطه وجهزت الغدا وقعدت جمب امها اكلت ومشت سوت شاي بقرنفل يظبط الدماغ...ونضفت المطبخ والعدة وجات رقدت قصاد امها...

وفتحت الواتساب لقت جدو خاتي صورتو  هو قاعد في كرسي وراهو شجرة مقصفه ...وكاتب في الحاله...(راجيك تبلي الشوق تجي في موسم الغنا والزهر...)طبعا هو عاشق لمحمد النصري ومباريهو محل مايكون عندو حفله...

نانا كتبت رساله(ياجدو العمايل البتعملا دي بترضاها في اخواتك...انت اصلا البخليك تجي ناحيتي شنو...ربنا ادي كل مخلوق سلاح..وانا سلاحي ليك ياجدو كراهيتي ليك..واحزرك الف خط احمر بيني وبينك..)

جدو قرا الرساله وردا باحساس بااااارد...

كونو جاتني رساله منك يكفي يا اجمل حبيبه...

نانا زهجت من برودو وقفلت النت ورقدت نااامت ...ماشعرت الا بصوت امها بناديها قومي يانانا جيبي لي أبريق الوضو الصلاه قبل تفوت.....

نانا قامت فرشت لامها المصلايه وجمبها الكرسي وبعد امها صلت قالت تمشي لنيروز...

طلعت نانا ومشت لنيروز...دخلت قعدت مع نيروز وهم بتونسو ..جات سعديه ام نيروز الفرحه ماشايلاها ...

سعديه:ايووووي ايوووي ادوني الموافقه اهل سلوان كدة ادوني التلفون نتصل لمحي نبشرو...

نانا:ياسلام يازين مااختار..الا فضلنا انا وانتي يانيروز..

نيروز:مابراااكي يانانا رافسه نعمتك حسي زي جدو العسل دة بيابوهو

نانا:هاكي ليهو شيليهو..انتي عايزاني اعرس الصايع دة وبكرة يجيب لي حبشيه يقول لي دي مرتي التانيه مالي ومال الوجع دة..وغير كدة امو مجرمه وهو اجرم منها..

نيروز:طيب عمر بتاع البوتيك عيبيهو لي كده في فدددد كلمة بس..

نانا:مخنسسسس

نيروز:شنو مخنس وتسكتي..

نانا:زي ماقلتي عيبيهو لي فد كلمه اهو مخنس...ماشايفاهو بتمايع كيفن وحات الله انا أخشن وأرجل منو..وبعدين شوفي اصابعو اليمين دي مفسوخة كيفن بصواطة الخلطات والكريمات..اسكتي يانيروز ماتطمي لي بطني انا جاياك تفكي عني شويه ...انا عايزة زول يرضي بظروفي ويتزوجني ويسعدني ...

نيروز:هي هي بطلي تحلمي الفي عمرنا ده عرس وعيالم حسي ممتحنين الشهادة..

سعديه شالت التلفون وكسحت كدي لغادي الحوش بهناك...واتصلت علي محي..

سعديه:الو الو الو محي ولدي الو ماسامعاك الشبكة دي بتقطع كدي وجعت اضني..الو سامعني ياولد انا مابدور الكلام الكتير في التلفون...وتحت كل كلمة محي سامعا بس هي ماشايلا الصبر عشان تتاكد من سماحة الشبكة

اها ياولدي البشارة ياجناي..ادوك الموافقه جهز ختوبتك من هناك وتعال سريع..

وقفلت وجات تتكلم مع نيروز..

سعديه:قومي يانيروز انتي ونانا دي جيبو لي القمح داك انضفو بجاي اليلا انا مبسوطه وحاسه بنشاط..

نيروز ونانا شايلين الشوال العبارة عن قيراطين وبتكلمو..

نانا:اسمعي يانيروز عندي زول بتاع بوتيك كدة صاحب لذيذ...شيلي من موحي قروش الخطوبه ونمش نجيها نحن اخوك زوقو بكون شين ..

نيروز:اي وحات الله فكرة اصلي اشتقت لمشي السوق خلاص اكلمو ونمشي....

اها نيروز اتصلت بموحي وكلمتو انها حتظبط الموضوع تمام..وموحي قال ليها بجي باكر اديك القروش ..

ناريز ..طبعا كالعادة مرحرحه جوة شي منسور..وشي شتيمة لمدثر..وضاااربه الوضع بالجزمة...

اها كدة نشوف خطوبة سلوان وموحي دي كيف...

يتبع...