المتملك القاسي

رند

انتي شلون تخونين ثقتي ؟ شلوووون بس فهميني...

شنو هل الجرئة والصلافة بحيث تاخذين خطيبي والرجال الوحيد اللي حبيته من بين كل رياجيل الجامعة ... الة افضحج عند اهلج واكللهم بتهم شكد وصخةوهم معتبرينها ملاك بس انت شيطان أسود
رند بخوف والدموع مغركة وجهه
_والله مااخذته ولافكرت بيه هو أعترف وصارحني واني رفضته والكان بينة مجرد كلام ورسائل على الفيس بوك بس وآلله دخيلج لاتفضحيني لأن تعرفين باهلي يصدكونج ويصدكون اي شخص وتعرفين شيصير بيه اذا درو على هاي السالفة
.........

إسمي رند محمد طالبة جامعة مرحلة ثالثة عايشة وي اهلي المتكونين من ٣ولد و٣ بنات واني الصغيرة مثل مايسمون آخر العنكود
اني طولي متوسط يعني لاطويلة وقصيرة وزني ب٦٤ كغ وبيضة وشعري أسود طويل وعيوني كبار ورموشي طوال وحلكي ملموم صغير وحلوة بس عيبي الثقة بالنفس يعني ماعندي ثقة بشكلي ولابشخصيتي واذا أحد يبدي إعجابه بيه اكوله شكرا وخدودي يصيرن حمر بس بداخلي أكول هذا الحجاه جذب بجذب اني لا حلوة ولاشي بس يسلكلي...
طول عمري ما احب أكون صديقات لأن أخاف من مسؤولية الصداقة واحس الصداقة شي مقدس ملازم نستاهن بهذا الشي....
وعلى طاري الحب محبيت عمري كولة وزميلاتي بالدراسة الإعدادية كولهن عدهن علاقات وطلعة ونسة وياهم...لذلك من دخلت الجامعة جنت مثل ميكولون اطرش بالزفة لا اعرف اسوي علاقات وي بنات ولا وي ولد واذا شفت شاب يباوعلي ويبتسم رأسا اعوف المكان واشرد جني مسوية مصيبة واذا يتغزل واحد بشعري ويذب حجي على جسمي تلكون وجهي صار طماطة وبس واحد يكولي هلووو اتلعثم وما اعرف ارد أو اجاوب يمكن هذا يعود إلى انعدام الشخصية لكوني تربيت بأسرة الرجل مايحترم المرأة وأخاف على سمعتي كولش واخاف اتعاقب أو أنزل من عيني ماما ....
ابوي رجال يشتغل مدرس وهو محترم والناس تحبه بس هو عصبي ويانا يعني كل حجاية والثانية يغلط علينا وعلى أمي....وماما انسانة مثقفة وطيوبة بس الزمن وظروف عائلتها خلتها تتخلى عن حلمها في الدارسة بغير محافظة وراحت اختصاص دار معلمات وصارت معلمة انكليزي....
أختي زينة هي أختي الجبيرة وشخصيتها قريبة لشخصية أبوي يعني بالغضب والصايح والأسلوب واخوي محمد يختلف عن زينب بأن هو خارج نطاق التغطية يعني من تحتاجينة ماتلكينة واخوي الاصغر يدرس ماجستير في روسيا واختي سارة مزوجة بشخص اتعرفت عليه بالجامعة وحباها وحبته والله كتبلها نصيب وياه وصارو زوج وزوجة متحابين كولش على عكس اختي زينب الي دائمآ عرك ونكد وي زوجها واخوي حسين الصغير كمل جامعة قسم هندسة تكنولوجية واتخرج وراح يزوج هاي الأيام....

هاي هي عائلتي .....