"هناء اتركي بشير بحالة ماتشوفينه عيونه ماتشوف غير رند ...عوفي خطتج واتقي شر بشير لأن اذا يحس بيج انني ورةالموضوع صدك تنحجي حجايتنا.."
دارت وجهه لاختها الصغيرة وعيونها كلها حقد من كلامها"لج هي اخذته منيي...... أخذت الشخص الوحيد الحبيته ....بشير يحبني الي مو الها بس هو ديسوي هل تصرفات حتى يقهرني ...والا منو يباوع بوجهه لرند هاي العوبة ....ابسط واحد بالكلية مايكلب بخلقتها ....انتي بس اصبريلي و اراويج شسوي بيها..:
لطمت اختها الصغيرة على وجهه " لج اتوسل بيج اتركيه ....هو مو من نصيبج وهي هيج الحياة قسمه ونصيب .... وصدكيني غيره هواية يتمنونج ...."
عاطت بصوت هز الغرفة " مااريد أحد غيره....ماااااريد غير بشير ....أحبه....ليش محد يحس بيه ولكم ياعالم ياناس أني اعشقه واتنفسه ....أموت باليوم الف موته وهو بعيد عني وات...خلت اديها على راسها وهي تشد بشعرها وكملت بدموع ...أتخيله يحضنها ويبوسها ويريدها مثل ماجان يريدني .."هنا ماحست ع روحها اله وهي تملخ بنفسها وتكطع بشعرها
ركضت اختها وهي تحاول تبعد ايدها عن وجهها وتحاول تهدي بيها
"اشششش اششششش حبيبتي ...رنودة لاتسوين هيج بنفسج ....اترجاج ....كاشي راح تردينه يصير بس لاتسوين
"هناء حبيبتي صحيح راح تنكسر هل علاقة بس مو معناها راح ينفصلون ..هو ماراح يتركها .."
" انتي ماتعرفين بشير من ينجرح راح يتحول وحش ويحرك الاخضر واليابس وهي ماراح تتحمل تروض هل وحش ..راح تملل من تصرفاته وبالتهاية بوووم يطلكون ..."
حجيت واني افجر هذا الكلام مثل القنبلة... ضحكت من كلبي واني اتخيل هل مشهد....
باوعت على اختي وكلبي موتني عليها من زوج بشير لحد اليوم ماتنام بس على المهدئات ...وكلساع طالعة بشي جديد ....
واليوم جابتلي هل الفلم ....ادري رند مالها علاقة بالصار وحتى بشير عاذرته بس هي حبها اله جان هوس وجنون وماعرف شسوي ....اوكف وي اختي من لحمي ودمي لو اوكف وي الزواج الراح يدمر من وراها....
...............
رجعت للبيت بعد ماسايق وصلني ....اليوم بشير مستقبل وفد من اوروبا علمود يسوي عقد وياهم كاول شركة راح تنفتح بدول اوربا باسمه ...
وصلت للبيت سبحت ولبست فستان بينصل على جسم لون عنابي...
نزلت لجوه وللمطبخ بوجهي صبيتلي اكل رفضت امينة هي تصبلي...
بشير يرفض اسوي هيج تصرف وماادنى لاي شغله بس امر الخدمات بس هذا موطبعي ولااعرف اسوي هيج شي ....
كعدت يم ميموتي وهي تسوي كوكيز واني اكل واباوعلها...وميت عليهن شوكت تطلع اول وجبة واكل منهن ....تسويهن بنوتيلا وقطع شكولاته ذايبة يمي تشهي...
" ميموتي اول دفعةً تطلع من طباخ الي حبابة.."
هزت راسها وجاوبتني وهي تضحك" صار موتدللين كم رنود عدنا هي بس وحدة ..."
صوته اجاني من باب المطبخ واكف وايده مطلعهن وفاردهن يريدني احضنه ...
" اي صحيح هي وحدة وماخذة كلبي ماكو مثلها ثنين.."
ضحكت واني اركض احضنه بقوة " مشتاقتله هواية لهل صوت والحضن من صبح لحد العصر ماشفتك ..."
"واني اكدر بدون مااشوفج ...اجيت خصيصا حتى اشوفج واخذ حضن منج....نزل لاذني وهمس ..وكم بوسة من هل شفايف اشحن طاقي بيهن لحد الليل "
أنت تقرأ
المتملك القاسي
Romanceقصة عراقية واقعية... باللهجة العراقية شلون وافقت على كلام هناء ولعبت وياه هاي اللعبة ماحست عليه من جراها وسد الباب وهي ضهرهه ملاصق لصدره وتحس بتقلص عضلات من يتنفس ، وهو يمرر انفه علي ركبتهه...وايده على حلكها... وج ما عاشت الي تضحك على بشار وج اني ي...
