المتملك القاسي

بشار

إسمي بشار عايش وي اهلي المتكونة من اختين ...عائلتنا أمورها المادية عال العال واني عندي شغلي الخاص رغم وجود كلية عندي بس أحب أسس شغلي الخاص واكسب مال يغنيني عن اهلي...
عمري 23 سنة طويل وجسمي رياضي وبشرتي حنطاوية وسبب تأخري بدخول الجامعة تركت القبول وتفرغت لعملي لمن سويت الشغل وصار فوق الجيد ...
من دخلت للجامعة جانت البنات أنواع بس الكل جان يبدي اعحابة بابنية وحدة بس وهاي الابنية اسمها هناء وصدك حجيهم من شفتها جانت صاروخ متحرك من جسم ومن شعر بني طويل وبياض يعني الأبنية تسودن العاقل.....
بقت أبالي وتقربت من صديقتها وحدة اسمها سالي واخذت رقمها ورسالتها ومن رسالتين وكعت بيدي والأبنية طلعت معجبة بية وماصدكت من راسلتها لذلك بقيت وياها....وقررت أن أروح وياها للبيت بيوم توزيع النتائج علمود اندل بيتهم وجذب ردت اصعد وياها بسيارة تكسي علمود أشوف منو مصادقة لأن أعرفها تمشي وي وحدة إسمها رند ومن اكوللها شلونها تكول خوش ابنية وماتحب هاي السوالف مال الحب والكبلات وبصراحة ماصدكت اي كلمة لأن الاعرفة كل البنات يحبن التكبيل والولد وهاي السوالف...
عفت سيارتي بالكراج وخابرتها كتلها منتظرج بالبوابة مال جامعة الرئيسية وجاوبتني كالت جاية اني وصديقتي ....
وصدك ورة خمس دقايق مااشوف غير هناء كامشة بأيد رند ويمشن سوة وضحكت على رند امبينة ابنية فقيرة وماتعرف شي عن الاناقة والترتيب لأن ملابسها عاديات كولش بس لفت انتباهي شعرها جان يلمع ويرف رف بالهوة بس مقارنة وي هناء ماكو مقارنة اصلا لأن هناء ابنية انيقة معتنية بنفسها وملابسها كل يوم شكل وعلى الموضة بس اعترف هي مودها يختلف عن مودي اني احب الافلام الاجنبية وهي هندي والتكنولوجية صفر والمصيبة لهسة باقية على تلفون الصرصور بحجة اهلي يخافون من التكنلوجيا ومايدرون بتهم شلون خذت مني الموبايل وصورت نفسها بيه فوك ١٠٠ صورة وانطتنياه....
سلمت عليهن بس هناء ردت السلام وهاي البصفها ولاجني حجيت مثل الحايط خزرتها ودرت وجهي رحت اوكف تكسي ....
صعدت بالصدر وراها اباوع من المراية شلون هناء كمشت رند ودفعتها حتى تركب وهاي تدردم جنها مقابلة..
السايق حرك السيارة وانا اسمع همساتهن لمن ما رند نترت بصوت عالي للسايق وكلتله وكف السيارة وهنأ أني تخبلت شنو وكف السيارة رديت عليها وهي خرزرتني كالت لو احنه لو انت بالسيارة مانركب سوة والسايق ضل صافن هسة اتحرك لو تنزلون .....