المتملك القاسي

١٤

للبدايات جمالٌ خاص، قصير الأجل
ولكن تأثيره يبقى لوقتٍ طويل
بدايتي معك كانت جميلة، حد أنني عندما كنتُ أتحدّث معك حينها، كنتُ أشعر أنني أُعالج نفسي من شيءٍ ما..
هل بإمكانك أن تعود بي إلى البداية؟
وإن لم تستطع
فهل بإمكانك ان تعود بي إلى ما قبل بدايتي معك؟
حين كنت مجرد عابر لا أعرف عنه غير إسمه..💙
_____________❤❤❤❤_______________

معنى تخلي روحك بشخص ...معناها تصير ملك أحاسيسه وتصرفاته...
هو يخليك تضحك وتبجي وتعيط وتفقد أعصابك وحتى تحب الدنيا وتكرهه بسببه...
بعمري وحياتي مافكرت بالحب ولا اعرف شنو هو ...أشوف ناس تحب وشنو نهايتهم ...البعض توجوها بسعادة واكو بماساة....
أحبها واعشكها ياناس....من أذيها جاي أذي نفسي مو اي شخص ثاني...
من ابجيها أحس دموعها تنزل على كلبي دم..تموتني بروحي...
أني ماعرف شلون راح اكمل حياتي وهي ترفضني بكل مرة ...اقترب واكول وصلت لكلبها ومن أريد اكمشه سور ينبني داير مادايره يمنعني الزمه بأيدي...
عيوني صارت بكصتي من اسئلها خاف عدها شخص تحبه وهي ساكته والسكوت نفس مايكولون ناسنا علامة الرضا...
ماتريحني باجابة تشفي كلبي...ولا تحاول تكسبني..بكل عين صلفة تباوع عليه وهي عاكدة هل حواجب ...حتى حجت وياريتها ماحجت
" يعني اذا تعرف بيه على علاقة وي شخص أحبه راح يغير شي من هذا الوضع البيه اني...."

"اي راح يغير..وهواية هماتين..."،حجيتها بعصبية بدون وعي عقلي فصل عن كلبي أحس روحي راح أفقد عليها...
"شنو الراح يتغير.."
"راح تعرفين من تجاوبيني ...منو هو لج....."
"واذا عرفت شنو راح تستفيد من إجابتي..جاوبني "
"علمود ماضيع هل كم ساعة واني اخلي جماعتي دور عليه أروح أقتله ...افصل رأسه عن جسمه كبال عينج.."

"تقتله!!!....شنو هل حجي .."
"أي أييي أقتله...خاف معاجبج حجيه ولا موبس اموته واجي اعرس عليج واخليج تعيطين بإسمي حتى صوتج يختفي..."
هنا اني خفت منه من صدك...جان وجه يحجي بجدية بدون جذب ولا ضحك ...كلبي رجف من سمعت صوته ...دخلني بخوف وعدم امان...شكله مجرم شلون يحجي وعيونه تلمع برغبة.....

سكتت حاولت اسيطر على انفعالي ومااتهور بالرد لأن هذا من صدك عبالة عندي علاقة وي واحد مايدري اني ماعندي إيمان بهل السوالف ومن أتابع تركي حتى اشوف الحب على حقيقته...
جاوووووبي...منو هو
وخرت أيده من فكي راح يتهشم بايده
"من جابوا تقريري الشامل ماكولك اني ماعندي هل سوالف ....ما وصلك خبر عن كل صغيرة وجبيرة تتعلق بيه..
بلحظة كسر بأيدة مزهرية على ميز الامراية موجودة
"لج اسودن من تحجين هلشكل ...إنتي جاي تخلين كلبي يتحكم بيه ولاكانوا رجال كضيت عمري كولة أستخدم عقلي بكول شي يخصني...صرت اصدك اي شي يخصج..مثل المهوس بس أفكر بيج...شلون جانت حياتج قبلي..انعجبتي بشخص...هم حبيتي أحد.. انعجبتي بواحد ....اي شي يطلع من شفايفج اصدكه بدون ماافكر مرتين وانتي تلعبين على أعصابي بكل برود...
"بطل هل العصبيه اذا تريد تكسبني وهل الأسلوب الهمجي شنووو بنص الليل تنتهك حرمة بيتنا وتعامل أهلي بأسلوب زفت ....لاوبعد تكوم تجيب شيخ يعقد عليه بالغصب وفوك كول هذا تريد مني أحبك.....أنت مسودن شي لو اصلا عقل ما موجود براسك...تريدني أحبك وانت بكل تصرف تخليني أبتعد عنك.."