المتملك القاسي

١٨

للحظات حسيت حياتي مثالية وياه....
حنون فوك ماتصورته ....اي شي عيني تصير عليه يجيبه حتى لو ماطلبته ....حافظ أدق تفاصيلي ودائما يحاول يبحث عن شخصيتي...
أخذنا اجازة شهر من دوام سافرنا لامريكا ومناك لجزر المالديف ...بعمري كولة ماتوقعت أخذ شخص عنده إمكانية يسفرني لهيج أماكن و مستوى راقي....دائمآ اشوف الناس بالدول العربية تروح للجزر بس ولافكرت انوا كل تصويرهم لاشي يطلع مقابيل الواقع....تعمقت علاقتنا وسولفلي عن هواية أمور بحياته محاجيها لأحد رغم طبيعته الوحدانية وعدم وجود أصدقاء قريبين منه وانعدام الثقة بكل الناس فقط بنفسه ...
رغم كل هذا بس حسيته يحاول يعبر عن نفسه الي شنو يحب وشنو ويكره.....
بعد ماخلص هل شهر رجعنا للعراق ولبيتنا....دخلنا الخدامة من الباب اخذت الجنط ودتهن لغرفة الملابس وهو ماشوفه غير مسك أيدي وصعدني لفوك ....دخلنا الغرفة وهو ميت على شفايفي....كطعهن الي...
"بشير لازم تاكل وتنام لأن طوال ١٢ ساعة مانمت ..."
رفعني من خصري وشمرني على جرباية على كيفه "
" أي حبيبتي هسة أكل وانام.....شو تعاي مشتاقلج موووت..."
هجم عليه واني مستلمه لهل الانسان بكل تفاصيلة...متطلباته....مشاعره...أحاسيسه....كلامه اليدوخ...لكل شي منه.....
فصل البوسه ورفع راسه يباوع بعيوني وهو يهمس برغبة " رند تحبيني ..."
تمنيت اكول اي أحبك وأموت بيك وأحس أنت كملتني بأحلى شي وحسستني بالحب بس كالعادة خليت شفايفي على شفايفه وأحاول أجاوبه على سؤاله...لحظات وهو أستلم المهمة بس جان قاسي وياي...حسيته ضوجه تصرفي....لمساته عنيفه يتمنى بلحظات ضعفي أعترف بحبي إله....

ثاني يوم فتحت عيوني واني أتلمس مكان بشير بس جان فارغ حسيت برودة غلفت جسمي لأن تعودت كل صبح على جسمه يحاوط جسمي....
رفعت رأسي توقعته بالحمام....لبست ملابسي وتوجهت للحمام فتحته بس ماهو...
استغربت ألتفت اباوع على مكانه خاف ضاج من امس من ماجاوبته.....
دخلت للحمام سبحت وراها طلعت لبست قميص أبيض و جينز بلون النيلي ......وشسورت شعري وفردته على طوله ولبست حذاء رياضي ورشيت عطري ورحت للجامعة... واستمرت الأيام بحلوها ومرها اني وياه من ناحية هو متملك لأقصى درجة ومن جهة اني عنيدة وماحب الخضوع بس رغم كل قسوته بالتملك بشار زوج مثالي خلال سته اشهر ماشفت منه بس سعادة وحب ....عشقه يزداد يوم بعد يوم وكل يوم اكعد الصبح واشوفه يباوع عليه ويتاملني احمد الله واشكره على هل الانسان الف مرة...وأحاول أبتعد عن سلبيات ومشاكل ..
بوساته على جبيني من اكعد من النوم وخلال اليوم لمرات يجي للجامعه يدخل للعميد ويخليه يجيبني لغرفته يبوسني بشفايفي مثل المجنون وراها يطلع ....شكد استحي وأحس باحراج بس مااكدر اكوله يبطل هل عادة....
الكل عرف بشير وطبعه وتصرفاته المسودنة .....عنده شخصية صعبة وي الناس ....اعرفه مراويهم النبي عربي اليشتغلون وياه لان هو بالعمل غيررر ..جدي لأبعد الحدود وماعندة واسطات أو ناس وناس كولها نفس المعاملة واليغلط بشغله راسا يرفضه ويطرده....