إغتصاب معلن

الجزء 02

مشيت .. مشيت غرفتي وانا ضايقه من الوجع والالم اطنان ، متألمة و متدمرة ، انا كيف حصل معاي كل دا ، انا وين كان عقلي ! انا اللي الناس كلها بتضرب بي المثل وبي اخلاقي ...

[أعرفكم بي]

انا أسمي سلوان ، بنادوني سلوى ، عمري 26 سنة ، مواليد الخرطوم ما حصل طلعت منها ، خلصت دراستي طبعا لي فترة ، قريت علم نفس و الناس كلها بتنتقد شخصيتي لانها مختلفه شويه و رابطين اختلافي دا بمجال دراستي، طبعا الطبيعي البيحصل للاغلبيه العظمى اننا بندرس شي و بنشتغل شيي تاني خالص ، فا انا شغاله زي سكرتيرة في عيادة دكتور شيه معروف بغض النظر عن اسمه ،، المهم زول كويس ومرتاحه في شغلي جدااً .. المتعارف عندنا كسودانين اننا متداخلين ببعض يعني الحلة كلها بتعرف بعض ، من وانا صغيرة عندي ميول ، لوحدة من صحبات امي كانو جيرانا بالحيطه بس رحلو من فترة في نفس حلتنا بس ابعد شوية .. المهم متعلقه بيها شديد وهي عشان م عندها بنات متعلقه بي اكتر وكل يوم معاها ..

لحد ما في يوم ............ *لحظة

* الووو ... ابوي !

_الووو ....

*انت منو ؟ دا تلفون ابوي

_ايوة فعلا تلفون ابوكي انا ما عارف اقول ليكي شنو بس ااا ....

*بس شنو في شنو احكي ، اديني ابوي و بعدين انت منو و ليه انت البتكلمني !

_يا اختنا روقي واستهدي بالله ، انا بس حبيت ابلغكم ان الحاج دا عمل حادث و .....ّ

* شنوووووووووو !!!

( في جانب تاني )

_ اووووووه وليد

*يا مان خبراتك

_والله انا بخير تب لكن الدور والباقي عليك وشك داير يقع يا زول ، و بعدين تعال هنا انا بتصل بيك مالك ما بترفع !

*لا انا بخير و تلفوني صامت ..

_صامت طوالي لكن ، المهم حمدلله لكن برضو وشك ما بيتفسر ي صاحبي

*ههه للدرجة دي ظاهر فيني !

_هو ما ظاهر بس لاني بعرفك فا بقدر احس المهم احكي ....

*يا ريت لو الحكي ساهل كدا ...

_احكي بس. ..

* والله يا حسام انا ما خايف الا من عصبيتك وخصوصاً في الموضوع دا ، وانا الفيني مكفيني .

_ امممم الموضوع اياه !

*ايوة ..

_الجد فيهو شنو ؟

*احمد فضل ليهو زي 15 يوم واجازتو تنتهي و يرجع السعوديه و ...

_كمل !

*امي كلمت عمي والرجال قالو الليله بنمشي نتكلم مع اهل البت و احتماال يعقدو طوالي يعني يستغلو اجازة احمد دي .

_ طيب وبعدين ...!

* قلبي واجعني شديد يا حسام انا كنت عارف ان حيجي اليوم دا بس والله ما كنت قايلو صعب وحار كدااا .

_انا م حأرجع اعيد ليك الكلام بس اتزكر انها تحرم عليك ، والبنات كتار يا وليد حلتنا دي م ترفع عينك بتلقى فيها بت الحلال دا غير المكسرات و منتظرات منك اشارة ..

*انا عارف انها تحرم علي بس يا حسام الفرق اني دايراا وبحبها عكس عن احم.....

_وليد يا اخوي ، النسيان نعمة حاول تنسى عارفك حتقول لي عشان انت ما حاسي بي ناري و الكلام ساهل بالنسبه ليك ، لكن انا ما شايف ان ليها حل تاني ، عظان كدا خوض العصب وانت قدرهاا ..

*والله النسيان دا ياهو المستحيل الممكن زاتو يا حسام ، لكن علي قولتك ما ليها حل غير كداا ..

_ تصدق بعيد عن المشاكل والامور الجايطه دي لكن اتمنيت اشوف الشخصيه الاعبه بي تفكيرك وقلبك بلي..

*ياخ بلي ، دي كورة عديل ، حمدلله بس

و عشان وحدة تشيل قلبك وعقلك و تفكيرك ما الا تكون جميله او مميزة ، دا شي كدا والله ما حقدر اوصفو ليك ...

_ وليد !

*قول العندك من تقولي وليد وتسكت بعرفك عندك شي كبير والله يستر !

_الصراحه كداا في حاجة شاغله بالي ليها فترة .

*قولها طوالي ، خير !

_ما عارف ابدا من وين والله !

*من اي اتجاه وترتني احكي يا زول حاصل شنو ؟

_ لا توتر شنو مافي حاجة بس في حاجه شاغله بالي انه ...

*اووووووف ياخ اتكلم

_احمد اخوك انا شفتو من فترة معاهو وحدة راكبه و شكلهم زي العشاق كداا و ...

*بتكون خطيبتو عادي ولا وحدة من بنات عمتي

_لا م خطيبته انت قلت ماف بينهم حب وحتي م بيطلعو مع بعض

* اي والله صح ، بتكون وحدة من بنات عمتي ، هو دا موضوعك اسي !

_اااي

*ياخ انا اسي قايل في مصيبه حاصله !

_ابدا بس حسبتها حسب تفكيري و وجهة نظري اسف

* عادي يا مان ....

يتبع .....