إغتصاب معلن

الجزء 29

و قاعدين كل زول ساكت و يعاين للتاني ، فجاة جات ايلاف طالعه و قالت لي اووووووووه

#مدام_سلوان_الحمل نفع معاكي ماشاءالله لونك زاتو فتح ....ّ

مروة قالت ليها : مدام سلوان و حمل هههه شنو يا خاله سعاد حبشيتكم دي مالها اذا عندها اسلاك ضاربه عالجوهاا و لا كيييف !

ايلاف بي زعل قالت ليها ، هييي انتي يا اسمك حبشيه في عينك الزمي خدك يا ماما و اعرفي انتي بتتكلمي مع منووو ، قال حبشيه قال مالو كلامي وجعكم ما دي الحقيقه ..

قلت ليها ( بأبتسامة) ، ايلاف حبيبتي اعصابك يا ماما مالك من جيتي معصبه عايني عايني العرق الفي جبهتك دا لمن نطا هه ما كدا حبيبتي روقي ، وتعالي قنبي جمبي هنا وريني مشكلتك شنو بالضبط !

قالت لي والله لكن لقيتك ما هينه كمان بتمثلي البراءة لكن بجيكي يوم يا سلوان و الناس تعرف حقيقتك ..

قلت لخالتو سعاد ، شايفاكي ساكته ، علمي بت اختك ما تطعن في اغلاط في الناس وانها بنت وليها اخوات بنات و الغلط ما حبابو انا لحد اسي محترماها عشان خاطرك حتي صوتي ما رفعتو فيهااا ، عن ازنكم يلا يا مروة ... خالتو سعاد ما نطقت بي حرف ولا كلمة بس بتعاين فينااااا ، لمن طلعنااا ،مروة قالت لي :

_شوفي يا سلوان اقطع يدي خالتو سعاد دي عندها فهم يا ماما خليكي واثقه فيني اقسم بالله يا سلوان انا نظرتي في الناس عمرها ما خابت ..

*شوفي يا مروة انا م فارق معاي حاجة بس تقريبا الظرف حق التحليل وقع في يد ايلاف وانا لازم اجيبو ، والحاجه التانيه انا بالجد موضوع زواجي دا كان قاهرني و مؤثر فيني ، لكن انا حالياً مصممة عليهو لسببين ،وقبل اقولهم ليكي نكون عقلانين تمام ..

الاول يا مروة انا فعلا سمعتي ملت وعبت الحلة رغم ان م بفرق معاي كلام الناس لكن تفرق نمعاي سمعة ابوي الله يرحمو عظان ماف زول يطعن فيهو وهو ميت ويقول م عرف يربي او بتو بقت لافه بعد وفاة ابوها ، و سمعة امي برضو واقرب مثال خالتو مريم بقت مقاطعاها وامي متأثرة بس ما محسساني بكدااا ، رغم ثقة امي فيني و كلامهم ما هزاها بس حيجي يوم بعد الكلام يكتر حتشك حتقول الناس ديل كلامهم البيقولو دا مستند علي شنو ! وقتها انا حانكشف ومافي زول حيصدق الحقيقه ،، الحاجه التانيه ، هي ايلاف ...

_ايلاف دي م سبب بس لكن باقي كلامك مقنع ، لكن يا سلوان حتواجهي وليد كيف بعد الزواج ؟

*وليد زاتو ما عايزني و مجبر علي دا عرفتو من ردة فعلو ، و انا حأتفق معاهو زواجنا دا علي الروق لفترة محددة ويطلقني

_م اظن يوافق بس والله كان الشفتو قبيل داك وليد والله يا سلوان حلاتوواسمحي لي اقول ليكي انك محظوظة.شديذ والله ،بس متأكدة ان في طرف تالت بيحبك و متوسم فيكي الخير بتمني م تكسري بخاطرو و انا حسب نظرتي في الناس بالجد الزول دا بيشبهك و مناسب ليكي شديد ..

*ووووب انتي عارفه انا قبيل خليتو قي المحل و طلعتا من غير م اشرح ولا ابرر وما فطرنا حتي ، والله ياخ ما عارفه ليه حظو دا كعب معاي كدا ليه ياخ ..

_اووووف بالله دا زول يتنسي استغفرالله بس ، اها حنمشي علي المحل ولا كيف !

*مش قلتي لامي انا رجعت البيت ،حقوليها كسلت ارجع بس

_طيب رايك شنو انا امشي بيتنا والله فقدت امي في اليوم دا و انتي تمشي ساعة ساعه زمن تجبري بخاطر صحبك داا عشان تاني طلعتك حتبقى صعبه

*صعب ، يعني الليله م حتبيتي معاي ؟

_االالا يختي بيتنا بس والله اشتقت لاخواني

لكن والله يا سلوان عجبني ردك للحيوانه دي هههههه م هينه يختي

*اصلا ما هينه بس م بحب اطلع الكعب الجواي دا بسهوله ، المهم خلينا نمشي انا جعتاا ...

_ارح ، نفطر و بعداك بمشي

*يلااا ..

(في جانب تاني )

اتصل !

ما اتصل ! اتصل ! ما اتصل

امممم حأتصل ، لالالا ما حأتصل ، هي كان مفروض تتصل ، بس هي عندها مشاكل عشان كدا مفروض اتصل اطمن ، لالالا م حتصل ، ياخ خلاص حأتصل ...

اتوكلت ، احم ... *جرس*

*حسام

_عيونو

*ازيك

_في احسن حال

*انا اسفة والله فترت من الاسف الكتير لكن انت قلبك كبير واكيد انا استاهل هه

_كمان ليكي نفس تضحكي

*اسفه والله و ما حأتحجج ليك او ابرر ليك لاني غلطانه تصرفي كان سخيف

_صراحه سخيف شديد لكن اذا عايزاني ما ازعل في يدك تعملي حاجه وحدة بس

*امممم شنو هي ؟

_تدخليني في زحمة ظروفك

*اففف حياتي دي انا دايرة اطلع منها انت داير تخش فيها بري والله ما بنصحك لكن كان مصمم تتحمل البجيك

_يا زوله انتي مالك اي بتحمل

*طيب تحب نبدا متين ؟

_اسي طوالي

*حار حار كدا. طيب امممم

انحنا يا حسام ربنا خلقنا بشر ، بمعني انه ما مجردين من الاخطاء و مكملين ، الكمال لله وحده ، رغم اخلاقنا الحلوة الزرعوها جوانا اهالينا الا انه غلطه وحدة بس هفوة كدا ، تمسح كل دااا ، وانا عارفه انه غلط عن غلط بيفرق بس كمان انا بشر من حقي اغلط ، يمكن انا انسانة خلوقه ومحترمة وبعرف ربنا ، بس ارتكب غلطه كبيرة شديد واعترف بيها واندم ، بس برضو حتفضل زي العمل الاسود في حياتي ، للأسف انحنا عايشين في مجتمع ما بيرحم ، مجتمع منتظر انك تغلطغلطه يمسكا عليك زله ، يتكلمو عليك ياكلو في لحمك يغتابوك حتي من غير ما يتأكدو ، مجتمع م بيرحم في حين انه رب العالمين بيسامح ، الا انحنا البشر بنزل بعض ،،

غلطه وحدة بندفع تمنتا عُمر كامل ....

يتبع....