إغتصاب معلن

الجزء 14

طيب انا ليه ما فكرتا انزلو !

لالالا حراام مهما كانت المشكله الحأقع فيها برضو م اكتل روح ربنا خلقا ..

طيب وليد لو عرف ولا امه ولا امي ، ياا ربي مقفله مستحيل يقبل بي ، يا الله احسن حاجة انا اتناسى فكرة الزواج دي كلو كلوو مستحيل انا تاني افكر في الزواج ...

اهرب !

ليه لا ! امشي بعيد مكان ماف زول بيعرفني فيهو ! طيب سامرين وامي حيحصل فيهم شنو ؟ يا ربي انا اكيد جنيت معقول توصل بي للهروب ، معقول دي نهايتي !!

استغفر الله العظيم يا رب استغفر الله ..

نمته .. و صحيت الصباح ، صليت صلاتي و جهزتا و طلعتا علي الشغل ، كالعاده مكتئبه و اخلاقي ضايقه ..

وصلت المحل متاخرة ، لقيت نقاش حاصل قدامي ، مع حاجة زينب ، دي شغاله مع امي و هي البتنجز اغلبيه الحلويات ، و مياده و راجل كداا كبير يعني ، بيتناقشو بس صوتهم عالي ،، صبحت عليهم و سكت

عشان يتمو كلامهم واعرف المشكله وين !

لقيت خلله زينب بتقول ليهو ، اصبر علينا و اخد الشهرين مع بعض ، قاليها انا كلامي مع اخت فاطمة ، .. كدا انا فهمت الموضوع ، قلت ليهوو ، ازيك يا عموو ، انا سلوان بت فاطمة ،، سبحان الله سلم علي بي حرارة وملامح وشو نورت والعقده البين حواجبو فكت ،، قالي ازيك يا بنتي ان شاء الله انتي كويسه ،، قلت ليهو في نعمة من الكريم حمدلله ، طبعا يا عمي انا فهمت من خلال كلامكم انك داير الايجار حق المحل ، وانت عارف ان الفترة الفاتت دي ما كنا شغالين بسبب وفاة ابوي الله يرحموو ، و طبعا امي في العده وانحنا الماسكين الشغل و بنحاول نمشي الوضع وحالياً الميزانيه ما بتسمح اذا قدرت تصبر علينا تكون ما قصرتاا ...

قالي ، ربنا يرحمو ان شاء الله و اعفي لي والله انا ما قصدتا اضغط عليكم ولا حاجه بس م كنت عارف الظروب الكنتو مارين بيها. المهم بلغي سلامي للوالده و بلغيها التعازي ،، يبلغ ان شاءالله ...

ميادة قالت لي والله طلعتي ما هينه يا سلوان قدرتي تحنكيهو لكن ، انحنا لينا قريب ساعه نلغلغ معاهو ولا جايب خبر راسو والف سيف داير قروشو ههههه

قلت ليها المنطق بيقنع هو زول طيب لكن شكلو بيحب الانضباط والشغل شغل ، الله يدي العافيه زكرني ب ابوي الله يرحمه ..

الله يرحمو .ّ. يلا شوفي ي سلوان الليله عندنا كيكة فراوله لعيد ميلاد تلاته اداور ، شكلها بتاعت جلابة ، بالله دايرين نجتهد و طالبين 12 دوناته ميكس , فاا دايرين يدك معانا ، وتساعدوني .. قلت ليها انتي النزلتي الدونات دا في المنيو انتي تتحملي مسؤليتو ، خاله زينب ما حصل عملتووو ،، قالت لي لازم نجدد وان شاءالله حيزبط بس يدكم معاي و كل العليكي تعمليهو ، توصلي الماركت نجيبي لي شكولاته خام و قشطه طبخ ..

قلت ليها طبخ ! حتطبخي الكيكة 😂 ،، قالت لي ي غبيه يعني بتخش النار المهم جيبيهم لي ، دي كل شغلتك ، اها تعبتك ؟

قلت ليها صراحه لااا ....

مشيت ، جبت ليها الطلبات و جيت راجعة قعدت في محلي ، لحد الساعه 5 كداا ، وقفت عربيه قصاد المحل ، نزلت منها بنت ، و تاني م عاينتا ، لمن وصلت بقت تتكلم مع مياده ، فجأة سمعت صوت واقف قدامي ، قالي :

_سلام عليكم ..

*يا هلا وعليكم السلام ....رفعت راسي عاينا لبعض في نفس اللحظة ..

_ ............. انتي !

* ااا اا ، احم اا ااي

_بتشتغلي هنا انتي !

*اا ااي

_تمام ، الفاتورة لو سمحتي؟

*لحظة ، ....اتفضل

_تمام .. عن ازنك ....

جاتني مياده ، مبحلقه فيني ، قالت لي :

_ سلوان ! بتعرفيهو ؟

*لا ما بعرفو 😒

_ي بت كان بتكلم معاكي و بيعاين فيكي من جا داخل المحل كيف لا !

*اتلاقينا بالصدفه

_دا شغال في صيدليه اوكسجين الجمبنا ديك بعد اليوترن ..

* اهاااا كويس والله . اها انا تعبت من القعده تاني في حاجه ؟

_لالا خلاص

*الليله الدخل واو حمدلله غايتو بفضل ربنا ثم مجهودك انتي وخالتو زينب م ننحرم منكم يا رب ..

_ يارب ولسه الجاي احلا بأذن الله ..

*باذن الله ..

كان صابح الجمعة ..

في صباح الجمعه دا ، جاتني مروة فطرت معانا و قعدت معانا للمغرب ، و اتفقت مع امي تشتغل معانا ، منه تونسني زاتوو ..

صباح السبت ، كالعاده ماشه سرحانه و مسهمة في الشارع ، نزلت قبل المحل بشارع ، فجاة بقيت سامعه اصوات البوري والكلكسات ، لمن اتلفت لقيت نفسي ماشه في شارع جانبي ومنه يوترن ، و دا بالعربيه يضرب في الكلكس ...

نزل من العربيه رزع الباب ، و ياهو زاتو زول الصيدليه .. قالي :

_انتي متخلفه ! طرشة انتي ؟؟ ( بي كوراك )

*في شنو بس انا ما كنت اا ...

_كنتي شنو وما كنتي شنو اسي انا لو ضربتك كتلتك مافي زول حيلومني جادعه لي نفسك في نص الطريق لو دايرة تموتي ، امشي موتي بعيد عني ما تبلينا معاك ، اووووووف ناس تقرف من صباح ربناا ... ( ركب عربيتو وفات ) ..

و انا واقفه دموعي ديل عشرة عشرو و ما فاهمه حصل شنو ولا انا جابني في نص الطريق دا شنووو ، بس واقفة و ببكي ..

يتبع ....