إغتصاب معلن

الجزء 26

_عايزاني اقبل اسفك ؟

*اممممم لو ممكن

_تفطري معاي ، حددي اليوم اليعجبك

*شنووووووووووو!

_اتذكري انك غلطتي في حقي و كسرتي قلبي المسكين وانك زعلتيني و انك قلتي لي كلام ........... قاطعتو

*هييييي هاا ، خلاص طوالي استغليت موقفي لي صالحك والفت لي سينارينووو

_بس اتزكري ان جرحي عميق واتخيلي ردك لو كان قاسي الجرح دا ممكن يحصل ليهو شنو

*هههههههههههه

_الضحكة علامة الموافقه ، خلاص الجرح براا

*هههههههه والله انت مستهبل ضحكتني وانا ما لي نفس اضحك الله يديك العافيه

_ثانكيوو ، بس انا كمان عندي ضغوطات بتفقدني السيطرة بس انا راجل بتحمل لاني مقتنع ان ( سيمُر كُل مُر ) فاا بس

*كأنك جاوبت علي سوال قبل اسألو ليك

_اللي هو ؟

*خلاص جاوبت عليهو وانتهيت

_بكرة الساعه كم ؟

*امممم باخد لي زوغه وان شاءالله اقدر لكن بحاول 11 اوكي ؟

_اوكي ،يلا نومي عشان تصحي بدري

*تمام تصبح علي خير

_وانتي من اهل الخير يا صحبتي الجديده

* هههههههه سلام ...

انتو عشتو معاي تفاصيل المكالمة المليانه حاجات انا م حقدر اشرحا ليكم بس بالجد انا مرتاحه ، رغم اني فعلا م بطيقو بس لقيت راحتي بين كلامو المبهم و بين شخصيتو الغريبه ، انا فعلاا مرتاحه لدرجة حسيت اني ما عندي اي هموم في الدنيا دي .. نمت مرتاحه ، مرتاحه شدييييد ...

صحيت الصباح ، وانا بجهز نفسي ،،

جاتني سامرين ، قالت لي وين ماشه ؟ قلت ليها وين غير المحل !

قالت لي ما عارفه لكن سمعت امي بتقول انو الليله جايننا ضيوف لازم نكون قاعدين في البيت ، قالت كدا لخالتو زهرة في التلفون ،، قلت ليها غريبه م ورتني ولا يا ربي موضوع امس بتاع التعارف داا ولا الحاصل شنووو ..

طلعت برا لامي ،قلت ليها :

*صباح الروقان

_صباح الورد

*ان شاءالله خير !

_جاين الرجال بعدين كلمتني سعاد

*رجال منو ولشنو ؟

_موضوعك يا سلوان ، موضوعك انتي و وليد بس كان توريني انك اديتيها الموافقه ي بتي

*هي قالت ليكي كداا يعني ؟

_ايوة ، بس م تكوني وافقتي عشان الناس ي سلوان انتي الحتعيشي ما الناس و الحيحصل جوا بيتك سواء مشاكل ولا غيرو انتي الحتعيشي معاناتو ما الناس

*ليه انتي بتقولي كدا ؟

_لانو متذكرة كويس رفضك للموضوع دا كان كيف ،فجاه توافقي يا سلوان دي ما غريبه !

*غريب الشيطان يا امي و بعدين وليد راجل محترم و م اظن اندم ..

_محترم ما قلت حاجة بس انتي م ملزمة او م مجبرة تتزوجيهوو ..

*لخير يا امي انتي بس ادعي لي ...

رجعت غرفتي وانا مستاءة شديد ، الوجع ما داير ينتهي لدرجة حاسه اني اخدت حصتي من الوجع في الدنيا دي ،م عندي فرحه بتدوم معاي ...

بقيت راقده بس و بدمع ، لحد الساعه 2 بعد الظهر ،جاتني مروة صحبتي ، شايله معاها جاتوه وكدا .. جاتني داخله الغرفه ،، حضنتني و سلمت علي .. قالت لي :ّ

_فقدتك الليله في الشغل

*وانا كمان والله كنت بضيع وقت ف الشغل

_كنتي بتبكي صح ؟

*لا

_لا شنو يا سلوان ياخ ما تبكي عليكي الله ( ضمتني عليها. عيونا رقرقت ) ياخ انتي ما مجبرة علي الزواج داا ماف زول ماسك عليكي زلة

*انا اقتنعت ان دا اسلم حل ، انا مش قلت ليكي ان ميادة م حتقتنع بالكلام القلتي ليها ، قالت لامي ان خالتو مريم منعتا تتعامل معاي واني كنت حامل الحلة كلها قاعده تتكلم فيني قطعو في لحمي م خلو لي جمبه اتكي عليها يا مروة انا تعبت بجد و نفسي ارتاح خلاص من الموضوع داا ..

_خلاص خلاص م تبكي عليكي الله ، بالهداوة والمنطق ي سلوان دا زواج عارفه انتي يعني شنو زواج ! يعني دي مشكله تانيه و غير كدا وليد حيعرف انك ما ..... فاهمة علي انتي ؟

* وليد عارف يا مروة ! لو م عارف م كان عمل معاي الموقف دااك وهو زات. مجبر ، يعني علي الاغلب زواجنا دا حيكون شكلي بس ، بس هو م مجبر علي فاهمه بس خالتو سعاد عشان شافت منظرنا داك اصرت علي رايها ، يعني والله ما عارفه الموضوع معقد شديد ..

_قلبي محروق عليكي يا سلوان ما عارفه اساعدك كيف ولا اسوي شنو ..

*انا قايله نفسي اني بعد سقطتا الموضوع انتهى لكن طلعت غلطانه دي غلطه حقعد عمري كله ادفع تمنا و ماف حاجة تساعديني بيها بس خليكي معاي اختي وصحبتي ..

_تعرفي ! هههههه محمد اخوي شاف صورتك انا خاتاها خلفيه لشاشه القفل ، وقف لي في حلقي الا يتعرف بيكي ..

*هههه ضحكتيني ، قولي ليهو جيت متاخر والله ، كان تبدر شويه ..

_قايلاني م بتمني لو كنتي زوجة واحد من اخواني ااااااااخ بس دنيا والحمدلله علي ما اراد الله ..

(في جانب تاني )

* وووووواي يا هدي واااي وااي حيعرسا انتي متخيله ووووووب علي

_يا بت انتي عيانه في مخك دا ولا شنو ما يعرسا كان عرسا فيها شنووو يعني عليك الله م تكوني حاقده كدا ياخ

*والله ما يعرسا الا علي جثتي ....

يتبع .......