إغتصاب معلن

الجزء 01

*ااااحمم د اااا ح .... لا ...

لا لا .. زح مني ، لا ..

_قربي مني ما حأذيكي اسمعي الكلام

انتي ما بتحبيني صح بس قولي كدا ..

و ووو بعدين مفروض تثقي فيني و ..

* م مم ما كدا بس غ غلط و وناس ام.......... #لاااااااااااااااااااااااااااااااااااااااااااااا ..

*جزئية معلقة*

شوفي يا فاطنة انا دايرة اقوليكي حاجة بس عليكي الرسول ما تفهميني غلط انبي فيك ..

بسسم الله دا كلام شنو كمان يا مريم ياتو يوم انا كمان بزعل منك اااااجي !!

وحات الله ما بقصد شي يا فاطنة بس انتي عارفاني دغريه و كلام اللوع واللف والدوران دا انا ما بعرف ليهو و .......

لا و ... لا واوتين يا مريم ارمي كلامك دا عديل من غير مقدمات ..

_طيب يا فاطنة انتي بتك دي مش مفروض بعد دا هلاااص تحبسوها للدخان دا !! و عرسا دا متين ما حددوهو؟

* انا دا طرفي من الموضوع دا يا مريم بعد دا ،، دا كلام الرجال قالو بقعدو الليله بحددو وبعداك بيورونا ..

_اهممممممم سمح .....

*اجي ! دا الدايرة تقولي من قبيل ، هييييي يا مريم الله كم يا مرة ! انا بعرفك زي جوع بطني دي اخير تتكلمي .. ارمي درابتك الفي نص حلقك دي ..

_شوفي يا فاطنة لا درابة لا درابتين ، وبصراحه كدا يا اختي ، الكلام علي بتك كتر شديد و الماشي والغاشي بيتكلم عنها والناس ما بترحم يا اختي ، اسي الولد دا خاطبا ليهو كم!! بعد دا مش جا خلاص يعقد بس كان ما عندو استطاعه للعرس ..

* هييي حيلك كدي روقي ، ديل منو كمان البتكلمو في بتي ،مالها فيها شنو عيبيها لي بت جمال و تعليم والف من يتمناها و علي يدك يختي و ثم تانياً ياتو يوم الناس بطلت تتكلم ما هداا قدام عيونا قعدات الجبنه والونيه والكلامات ينهشو ف لحم بعض كأن ربنا زرع فيهم الكمال ..

_ فاطنة يا اختي خلينا نتكلم بالدغري والعديل ، كان جينا للجد بتك البتسوي فيهو دا غلط ..

*الغلط شنو !

_المرقة و الدخلة عند سعاد كترت وانتي عارفه بعد دا ما بينفع تخش عليهم و تمرق كداا والمرة دي ما عندها بنات و ...

*هاا مريم هاا اكيد يعني ما معقول بعد السنين دي كلها اجي اقول ليكي بتي و بتي ..

_عارفه بتك انا يا فاطنة و ياها زي ميادة بتي وااحد ما بفرقن من بعص بحاجة انا بتكلم و بعدا مفروض تحبسسيها

عشان نورتا تظهر في العرس ،و يشهد الله يا فاطنة انا ما اتكلمت الا عشان انا بعتبر دي سلوى زي ميادة ، و انا بقطع لسان اليتكلم عنها كلمة وحدة كعبه ...

* كل شي بيحصل لي خير يا مريم والناس عمرها ما حتبطل تتكلم كان في الحلو ولا كان في الشين ، وهما كمان عندهم بنات قبل ما يتكلمن يعاينو لي بناتن ديل بجيهن الدور وحقي خليتو لي الله .. انسينا منهم عليك الله يااخ ، المهم

اها كلمتي لي ميادة بالشغل ؟

_ اي وريتا قالت بتغشاك المساء

*خليها تجي بكرة ، عشان المساء الرجال ديل بجو علينااا ... اوسسسس ..اسمعي دي سلوى شكلها جات ما تفتحي الموضوع دا معاها يا مريم انتي براكي عارفاها....

*السلام عليكم .....

خالة مريم : وعليكم السلام

امي : مالك انتي ؟

*مالي ماف حاجة انا داخله استحمى وانوم

امي : تنومي شنو زي الوقت دا !

خاله سعاد : عيانة انتي يا بت ؟

*يا جماعه مالكم مافيني حاجة انا بس جايه مصدعه و عايزة انوم

امي : تنومي كيف يعني ابوك ما كلمك بالرجال ديل !

*رجال شنو ؟

امي : اهل خطيبك ديل قالو بجو عشان يحددو العرس ..

* اااااااا مممم ااا لا .. لا .. م م كلمني

انا ب بب بمشي ارتاح حبة ......

ومشيت ..

يتبع .....