إغتصاب معلن

الجزء 39

لأنو اتفاداني بي يدو الضربه جات في يدووو ، قالي تضربيني انا ؟

قلت ليهو عيدااا تاني و اقسم بالله المرة الجايه اقتلك واحسب الله ما خلقك ، قالي طييييب ، صبرك يا ..***

( في جانب تاني )

_ مبروك يا خالتو ، ربنا يجعله زواج خير يا رب و يكون بداية خير

*امين مروة حبيبتي عقبال افرح بيكي والله يا مروة يوم عرسك دا انا حأسوي الما سويتو لي سلوان ، بعد داا نوصلك يلاا اجهزي

_م انحرم منكم ي رب ، انا جاهزة امشو انتو خلي محمد بيوصلني

*لالا ابداً لازم اقابل امك بنفسي واسلم عليها واطمن عليكي عشان امشي مرتاحه ،، اسمعيني ، انتي الشنطة حقتي الكبيرة وينا كانت مختوته هنا ؟

_حاتم جا شالهاا قبل شويه ، تاني مافي حاجة و اتا و سامرين قفلنا الشبابيك كلها و طفطفنارحتي التلاجة فصلتها م بقى شي وكان نسيتي حاجه بتقدري تجي تاخديهاا

*الله م يحرمني منك ،بس كان اطمنت علي سلوان قلبي حيرتاح ..

_ بتطمني ان شاءالله ، يلا نطلع عشان عم عبدالله واقف برا منتطرناا ..

*يلا حبيبتي ... **بعد ركبو العربيه امي بتتكلم مع عم عبدالله ، قالت ليهو انت ولدك التاني دا نهائي م حصل شفتو ، والله الموضوع دا مؤزمني م بينفع نعيش في بيت واحد وهو اصلا م متقبلنا ، قاليها م تقلقي هو قلبو طيب ومتفهم بس محتاج شوية وقت وكل شي بيترتب حتي مفكر بعد سلوان ترجع نعمل ليها جمعه و تتعرفو بي العيله اكترر ،، ان شاءالله ...

( في جانب تاني )

* اهلا وسهلااا ، ازيك ، كيف جالكك طيبه ان شاءالله ..

_انا بخير حمدلله

*مالك ي بتي م دايرة تخشي

_ما عشان حاجة بس ما حبيت ازعجكم

*ازعاج شنو ي بتي حبابك

_فيكي الخير خالتو ،، بصراحه انا جيتك عشان موضوع حساس شديد انا عارفه انك من جواكي عايزة تعرفي انا منو و مافي سابق معرفه بيناتنا وكداا ، و بصراحه كمان انا من بدري عايزة اجيكي بس كنت برا السودان و غير كدا كنت ممارضة امي فترة ، المهم انا كنت متزوجة انسان بحبو شديد وهو نفس الشي ، بس زواجنا كان بينا هو شرعي وبشهود وكل حاجه بس كان سري ، لاسباب شخصيه بالنسبه ليهو وانا كنت بتعامل معاهو بعاطفه شديدة و كنت طوالي بطلب منه اتعرف علي اهلو وانه نلعن زواجنا عشان لو ربنا كرمني بي حمل انا ما امر بي مشاكل ، قبل فترة اختلفنا اختلاف كبير لمن حكى لي انه حيتزوج من وحدة امو خطبتا ليهو ، انا زي زي اي وحدة م حأقبل تجي فوقي ضرة ، والمشكلة كبرت و هووكان متمسك بي قرارو اكتر من تمسكو بي ، و فعلا جا السودان ، وانا جيت بعده و اتلاقينا كذا مرة بس مشكلتنا كانت بتكبر ، و رجعت لمن اتصلو بي ان امي عيانه و بقيت ممارضاها فترة ، و انقطع التواصل بينا فترة ، و بعداك عرفت انه عمل حادث و راقد في المستشفي بين الحياة والموت ، عملت بأصلي و مشيت زرتوو من اول ليله ليهو في المستشفي انا كنت قاسمة وقتي بينه وبين امي ، لحد ما جا وقت زي ما بيقولو فجة الموت ، فجاه اتحسن وشالو منه الاجهزة و زي الما كان عيان ، وابتدا يحكي لي عن خطيبتو الاغتصبا والقدر بيهاا ، عن الانسانه الظلما وخلاهاا ، عن انه ندمان وشايل همهاا .... و بعدها ربنا شالتو امانتو قدام عيوني ، بكيت كانت وجعتي وجعتين ،، بعدها حاولت اجي امي تعبت وقعدت معاها الفترة الفاتت دي ، و من فترة سمعت ان اخو احمد حيتزوج خطيبتو وجيت ابرء ذمتي ، و دي القسيمة يا خالتوو ..