إغتصاب معلن

الجزء 36

* اووف انا كيف ما فكرتا في الموضوع دا ! بس م اظن لانو عقد و حيسوقني وخلاص

_ م ممكن البحصل ف حياتك دا فلم يا الله تهون بس يا ررب تهون ...

دايماً لمن بنكون عندنا حاجه ف حياتنا متخوفين منهاا ، و بتكون في يوم محدد ، بنحس ان الايام بتسابق بعض بتجري بسرعه هه والله انا م كان فارق معاي اساساً انا خسرانه يعني ،، جااا اليوم الموعود ، يوم العقد ،، حننوني زي اي عروس و مكيجوني عمد احسن كوافيرة في الخرطوم ، ملبسني افخم توب و افخم شبط و خاته افخم عطر ، كل داا امي عملتو بس عشان ترضي رغبتي اني م دايرة عرس و ترضي رغبتا انها تشوفني بي هيئة العروس ،،انا م عايزاكم تتوقعو ان العقد ما تم ،لا تم و علي اكمل وجه و باسرع وقت ،، من لحظة للتانية انا بقيت علي ذمة وليد ،وليد اخو احمد ود خالتو سعاد الكانت بتزغرد في الشارع كان عليها كانت تخش بيت بيت و توريهم ،،

اتنين كانو بيبكو ، وحدة بتبكي بحرقه والتانية كانت بتبكي بفرحه ،اااي امي و مروة ، مروة اللي كانت حاسه بي ناري و امي اللي كانت بتبكي علي فراقي ..

فجاه ، لقيت شالو شنطتي الصغيرة الفيها كم لبسه رفعوها العربيه ، امي جات اتكلمت معاي شويه هي وخالتو سعاد ، و جات مروة عشان تقول لي وليد بيقول ليكي اطلعي ،م قدرت بقت تبكي لكن امي وخالتو سعاد احتارو فيها ،جات كلمتني سامرين ، قالت لي بقولو ليكي اطلعي ... و انا طالعه من الغرفه ماشه علي الصالون ، مسكني عم عبدالله ، خت يدو في راسي و ما عارفه عمل شنو ولا قال شنو بس اعتقد قراا لي ،و جا ولدوو تاني مرة اشوفو سلم علي و بارك لي ،، ابوه عاين ليهو قام مشى من جمبنا ،، قالي ، شوفي. انا ما حاخد مكان ابوكي الله يرحمو جواكي بالسهوله دي ، بس يكفي مكانه امك عندي ، وانا الليله حاسي اني عرست لي بتي والله ، عندي ليكي وصية وحدة بس وانا ما عارف ليه حقول كدا ،بس لو راجلك دا غلط فيكي ولا عمل معاكي اي حاجه غير اخلاقيه ، انا ما حسامحك يا سلوان يا بتي ، رقمي خليت امك سجلتو ليكي و تلفونك فيهو رصيد تقدري تبيعي ولا تتصلي بأي لحظة .. قلت ليهو انت ليه بتقول كدا و دموعي دي جات نازله والله كلامو هزاني معقول يكون حاسي بندالة وليد للدرجة دي و لا ريحتو العفنه فايحه ، ولا هما الرجال بيحسو بي بعض ،، قالي م تبكي ، انحنا اهلك و معاك ، قلت ليهو شكراا ليك يا عمي والله القلتو دا اقرب الاقربين م قالوهو لي الله يديك العافيه ، قالي يلاا اطلعي لي راجلك العربيه حتفرقع من البوري ..

مشيت وابيت اعاين لي مروة عشان عارفاها حتكون عامله كيف ، ولا حتي امي ، طلعت واتا شبه مغمضه ، و كل بيت في حلتنا كان بابو مفتوح ورا كل باب كان في مرة بتعاين لي سلوان العرست فجأة ..

لحد آخر لحظة وانا في العربيه ، مشت وخدة لخالتو سعاد بتقوليها مبروك لي وليدك عجبنا ليهو بس الله يستر م يحصل اخوهوووو اصلو النحس نحس يا سعاد ،، بس امي كانت واقفة برا و سمعتا و مشت عليهاا والشكله دورت ، جيت انزل وليد أمن باب العربيه ، و قال للسواق اتحرك ...