*م للدرجة دي يا امي لكن حمدلله
_بصراحه يا سلوان انا #دايرة_اعرس
*ههههههه قلتي شنو يا امي ؟
_سلوان مافي شي بضحكك (بهرشه)
*اسفه يا امي بس اول مرة تخلطي الهزار مع الجد ، يعني بنتكلم في حياتنا فجأة جبتي لي سيرة عرس ههه اسفه مرة تانيه
_بس انا ما قعد اهزر يا سلوان
*بسم الله امي كدي قولي بسم الله ،مالك في شنو ليه مصرة تقلبي الهزار جد ! بتخوفيني انتي عيانه ؟فيكي شي وريني عشان بديت اخاف !
_استغفر الله ، ليه يعني عشان فكرتا في العرس ابقى مريضه و عيانه الغلط شنو ولا الهزار شنو في الموضوع دا ممكن تفهميني ؟ حرام لا سمح الله ؟ جريمة ؟ وريني !
*ا اا امم امي يعني ااانتي بتتكلمي جد ؟
_ايوة بتكلم جد يا سلوان وجد شديد كمان
*طط طيب و ابوي ؟ نسيتيهو ؟
_ابوكي ربنا يتولاهو برحمتهوالحياة بتمش ما بتقيف ..
*فعلاً ابوي الله يرحمو ، عن اذنك .... ّ
( في جانب تاني )
* والله ما عارف يا وليد
_يا زول كيف ما عارف انت براك متناقض قبل شوية كنت بتقول انك غلطان !
*انا ما عارف مالي بجن كل ما اشوفها ، بس المرة ديك زودتها شديذ لدرجة بقت كل ما تشوفني بتكرهني
_طيب اعتذر
*مشيت ليها لحد محل شغلها جيت اتكلم لساني اتربط و المكان م كان مناسب للأعتذار ولمن ردت لي بي زعل انفجرت فيها بنفس الطريقه جدعت ليها الرقم ودا التصرف المحيرني م عارف ليه بعمل كداا ..
_والله يا صحبي انت بتحبها بس مكابر و ما داير تعترف بكدا
*بصراحه يا وليد انا ما متعود ادس منك حاجه لكن في سبب مانعني لكن خلي في وقتو
_اتكلم في شنو ؟
*لالا خلي في وقتو ، اها ما وريتني عملت شنو ؟
_في شنو ؟
*في حب عمرك !
_حسام اكيد انت ماجادي ، وفاة احمد دي ما غيرت من انها كانت دايرة اخوي في يوم
*لاحولاااااااااا تصدق لي سنين بعرفك لكن اول مرة اعرف ان مخك دا متربس ، ياخ اخوك و ربنا يرحمه ، و ثانياً ما كانت في علاقه حب بين احمد الله يرحمو والبنت دي و علي كلامك والدتك الخطبتا ليهو ، واسي دي فرصتك #تثبت حبك
_البنت انطوائيه يا حسام وحتى ما قادر اعرف اذا ممكن تقبل بي ولالا ، ولا حتي اذا فاتحتها في الموضوع دا كيف ممكن تكون ردت فعلها ماحابي اخسر نظرتا لي كراجل
*شوف يا وليد #نصيحه للدنيا والزمان ، بنت الناس المحترمة م بتقعد في بيت اهلا كتير بكرة بعد بكرة يتقدم ليها واحد تطبر من يدك بعدين تجي تغني ظلموني ، عشان كدااا الحب م بيجي كل يوم ولا بنعيشو كل لحظه ولا بالساهل زول بيخش جواك.
_اقبض اقبض يا زول انت غرقان للآخر بتتكلم عن الحب وانت سرحان واحر اندياخ يا صحبي ما عيب الراجل يعترف ويقول انا بحب
* احساس جديد عشان كدا ما قادر اعرف واحدد اذا كان حب ولالا يااااااا الله
_جابت ليها تنهيده ، الله يسعدك يا صحبي و م تنسى تعتزر ، ما عيب ..
*ححاول...
انا مصدومة في أمي ، مستحيل امي تكون جادة ، مستحيل ، دي امي معقول ! معقول نست ابوي بالسهوله دي ! معقوله قدرت تنجاوز لمتنا في سفرة وحدة ؟
معقوله نست حب ابوي ليها ؟ معقوله قررت بالسرعه دي ؟ ابوي لسه ما تم سنة ، لا مستحيل امي تعرس ياخ دايرة تمقلبني ساي هههههه ما بتسويها امي ، كدي اقوم اغسل وشي وامشي ليها تاني معقوله قاعده ابكي زي الشافعه كداا علي مزحه زي دي ، هههه
يتبع ....
أنت تقرأ
إغتصاب معلن
Misteri / Thriller📝 بقلم: سحر سمير (حقيقية ) من قاع المُجتمع .. 🔞 ما كل اغتصاب بيكون مقابله في #ضحية !!! زي م كنت بقوليكم و حأقوليكم دايماً ان : الغلط ساهل بس الصح مُكلف جداً بنغلط و نغلط و نغلط و نغلط .............! لحد متين ؟ لحد ما يجي وقت ما بنفع فيهو ندم...
