سبحان الله بقولو ممكن وردة تنبت
في نص الصخور ! نفس الشي ((( الحب ))) ورب الكون قادر علي كل شئ ...
_ انا عايزة وليد يعرس سلوان !
وليد و سلوان !
كدي يا سعاد سمي الرحمن في سرك وقولي بسم الله يا اختي ، هسي بياتو منطق وليد يعرس سلوان ، الليله لو احمد كان عرسو علي سلوان تم كان قلنا يتمم علي اخوهو ، لكن سلوان كانت خطيبتو يا سعاد ، و بعدين انا عايزة اعرف مالهم النساوين بتكلمو علي بتي ، وربي يا سعاد انا لو ما كنت في شهور العده انا كان مرقتا سديت لكل وحده حلقاها براهو ..
_يا فاطمة خليكي من كلام الحريم ، انا بحب سلوان دي من زمان وفي خاطري تبقى لي بنية م تنسي انا الخطبتها لي احمد ..
انا سامعه الكلام من الخلعه الداخله فيني لمن م قادرة اتكلم حاسه انه نفسي مكتوم حاسه بشي بخنق فيني ، انا دا شنو البيحصل معاي داا ،كيف#اتزوج_اخو_الاغتصبني واسي حامل منو ، يا رب ....
_سلوان انا عارفاك م حترفضي صح ؟
*ما موضوع اوافق ولا ارفض يا خالتو بس احمد ياداب متوفي و التفكير في الموضوع دا زاتو بيأنب الضمير ، وبعدين يمكن وليد ما حابي م صح انتي تحددي ليهو خيارتو وتحصريهو ، ممكن يوافق بس عشانك و عشان يجبر بخاطرك لكن لقدام لا انا لا هو حنكون مرتاحين مع بعض ...
_ولدي دا انا عارفاهو هدي ورضي وانا ما فاتحتو في الموضوع دا قت بعد اشوف رايك ، المهم انا حخليكي تفكري يا بتي و عليكم الله اعفو لي جيت اكلمكن في موضوع زي داا لا الزمن ولا المكان مناسبين ..
_ ي سعاد ما بيناتنا انتي ست الاصول والكاتبو الله وفيهو خير ربنا يقدموو بأذن الله ..
مشت وانا دخلتا غرفتي ، رقدتا اليوم دا بالذات المحل كان زحمة ، اتصلت علي مروة يا حليلهاا ..
* مروة والله مشتاقه ليكي
_والله انتي يا كلبه يا سلوانرما عندك عشرة
*والله ما كدا انتذ لو تعرفي ظروفي حتعزريني في دوامه بتاعت مشاكل و صراع نفسي الله م يوريكي ليهو.
_سجمي مالك يا بت في شنو ؟
*موضوع طويل والله
_طيب انا دايرة اشوفك اشوفك كيف ؟
*تعالي لي البيت طوالي
_انتي مش شغاله ؟ّ
*ايوة في محل امي حق حلويات محل (..) اكيد مر عليكي !
_ بالله المحل دا حقكم والله ماشاءالله معناتو انا عندي خصم
* هههه انتي تعالي والمحل كله يفداكي
_حبيبتي ياخ تسلمي لي
*الجمعه كيف معاكي ، طبعا اجازة صح ؟
_اجازة شنو انا لي اسبوع خليت الشغل
*اووف ليه كدااا ؟
_راتبو ضعيف شديد وبيني وبينك انا زهجتخ من ما انتي مشيتي جات اشتغلت في محلك وحدة كدا استغفرالله بس
*حبيبتي ياخ يا حليلك والله ، خلاص تجيني الجمعه اختي كمان بتكون جات تتعرفي عليهم و نزبط ليكي ملوحة كاربه كدااا
_شوقتيني والله كان م اقوم اتهور اجي اطب عليكم في ليلي داا هههه
*والله بيتك ف اي وقت تشرفينا
_تسلمي لي ....
قفلت منها وانا حاسه براحه ، ليه بحس الحولي كلهم ناس ايجابين و حابين الحياة دي ببساطه و دايماً ضاحكين ،، طيب انا زمان كنت كدا زيهم ، طوالي باسمة و متفائله ، بس منه لله السرق فرحتي ...
انا ليه بلوم احمد ؟
ليه بعتبرو اغتصبني ؟
ليه كارهاهو ؟
ليه عاتبه عليهو ؟
ليه محملاهو الذنب ؟
ليه بعاقبو بيني وبين نفسي ؟
ليه عامله فيها انا الضحية ؟
ليه ؟ وليه ؟ وليه ؟؟
يتبع .....
أنت تقرأ
إغتصاب معلن
Mystery / Thriller📝 بقلم: سحر سمير (حقيقية ) من قاع المُجتمع .. 🔞 ما كل اغتصاب بيكون مقابله في #ضحية !!! زي م كنت بقوليكم و حأقوليكم دايماً ان : الغلط ساهل بس الصح مُكلف جداً بنغلط و نغلط و نغلط و نغلط .............! لحد متين ؟ لحد ما يجي وقت ما بنفع فيهو ندم...
