سمعت الصيدلي بيقول ليهو : صباح الخير لسه بدري !
قاليهو صباح النورر ، والله مواصل م نايم من امس ، قاليهو عافيه ان شاءالله خير !
قاليهو كدي خلص الفي يدك ونعمل قهوه كدا و نحكي .. طبعاً انا واقفه مادياهو ضهري و واقفه قصاد البترينات و الصيدلي واقف ورا البترينات ، انا شفتو اول م دخل وقبلتا بسرعه ..
قام الصيدلي قالي ، آسف يا استاذه ، قلت ليهو ، ولا يهمك ، بس عليك الله اديني اقوى مسكن عندك للصداع .. قالي يا ساتر الف سلامة عليك ، قلت ليهو الله يسلمك ..
لقيت داك (زولنا) لف و دخل بي جواا ، م عارفه لكن حسيت زي العرفني من صوتي ، عاين لي و بتردد كدا ، قالي صباح الخير ، قبلتا وشي و قلت ليهو صباح النور وتاني ما عاينتا فيهوو ..
جاني الصيدلي التاني بي حبوب ، قالي بنادول اكسترا كيف معاكي ؟
قلت ليهو دايرة حاجة قويه بنادول دا عادي ، دايرة شي يسكن لي وقتي عشان عندي شغل واقدر اواصل يومي .. داك اتدخل ، قالي :
_اول مرة يجيكي ولا مستمر معاكي ؟
* م مستمر ( ولا عاينت فيهو وبوجه كلامي للتاني ) .. م عندك حاجه غير داا ؟
_ اديها اوفلجين ابلونج
__ منتهي من عندنا
_دقيقه .... بعد شويه ، جاب ظرفين صغار لونهم اصفر ، اداني ليهم ، قالي دا فوار بيسكن معاكي طوالي ، اخدي واحد اسي و التاني دا للضرورة م حأديكي علبه عشان م تتعودي عليهو المسكنات الكتيرة م كويسه ..
*تمام ،ولسه بعلين للتاني ، قلت ليهو الحساب كم ؟
_انا البتكلم معاكي ما صهيب
*وانا كنت بتكلم معاهو انت الاتدخلتا !
_اسف لاني اتدخلتا و بالنسبه للحساب ،مافي حساب دا استعمال شخصي
*بس انا جاية هنا دايرة بقروشي م دايرة من استعمالك الخاص
_عرفنا عندك قروش والله ، و ديل قدامكم كان دايراهم شيليهم كان م دايراهم دي حاجه ترجع ليكي...
ولا كذبتا خميت شنطتي و جيت اطلع ، ناداني الصيدلي التاني (صهيب) ، قالي هو اصلا سخيف كدا و م تركزي معليش ما عارف مالكم تنشنتو كداا ، والعلاج م ليهو دخل بالنقاش معليش اخديهووو و بيعاين ليهووو ،، قاليهو فعلاً النقاش ماليهو علاقه بالعلاج بس الناس بتتحمق وتخلط الامور بي بعض ( يعني هو هوايتو بس يطبزا و يقعد ) ..
قلت ليهم شكرا ليك صهيب ... و مشيت ولا اتلفت وراي بالغلط ..
اتمشيت لحد المحل .. طبعاً وصلتا متأخرة ّ
جازفتا كدا لحد الساعه 4 عصر و ماقدرت استحمل الصداع و علي حطي امي جات ، نهائي م اتكلمت معاها ولا سلمت عليها حتى .. شلت المفتاح و طلعتاا ..
ماشه لحد ما المواصلات تجي ، استلمتني قحة و مبادئ التهاب كدا حمدلله ،، الا اسمع صوت بوري ، طبعا من الموقف الحصل داك بقيت بنتبه اني ما امشي في شارع عربات ، لاحظت لقبت نفسي ماشه بي براا للشارع سمح دا مالو بيضرب بوري ،،م اهتميت ولا اتلفتا.. و لسه بيضرب بوري لمن جا بقئ ماشي موازي لي .. لمن العربيه ركنت و اتكلم معاي :
_لو سمحتي !
_لو سمحتي !
اتلفتا لقيتو الصيدلي ، طبعاً تلقائياً بقيت بكشر وشي من اشوفوو ، قلت ليهو :
*خير !
_قالي بي ردودك المستفزة دي بتطلعيني من طوري
*بعرفك من وين عشان اقصد استفزك ؟
_دي المشكله هنا !
*نعم !
_قصدي عشان م بتعرفيني عشان كدا ،
*بغص النظر عن بعرفك ولا ما بعرفك ،خير ؟
_خير بس حبيت اطمن عليكي
*يا شششيخ ! مكلف نفسك وجاي وسايب شغلتك عشان تطمن علي ؟
_انتي ما بتعرفي تتكلمي عادي من غير ما تستفزيني ؟ وتطولي لسانك فيني ؟
*والله انت البديت اسلوبك دا وعشان اكون واضحه معاك انت م بتنزل لي من حلقي ، و علي العلي مصدعه
_ لا حولاااااا ، والله لكن بقيت ملطشه يا حسام عشت و شفت ، علي الهموم عشان م اضايقك زياده ، دي قزازة مويه وكبايه بلاستك و الفوار اخديهو فضلاً
*اسي انت جاي عش . .....
_لو سمحتي لا جاي لا ماشي قلتي ان م عندك طاقه للنقاش والكلام معاي والفيكي مكفيكي صح ! يبقي انتي كمان م تجادليني واعتبريني مجنون ومشيني قدر عقلي ، لو سمحتي اخديهو ...
*اوكك
_ اتفضلي ......
*اععععععععع دا شنوو داا طعمو استغفر الله
_رغم مرارتو ربنا جعل فيهو الشفاء
* اممممم تمام شكراا
_عفوا ً ... عن اذنك
الدنيا دي غريبه ، لمن تكون كاره زول و ما طايق تشوف وشو ، محل ما تقبل تلقاه في وشك ،ولمن تكون حابي زول ومتمني تلمح طيفو دا ساي ،ما بتلقاهو لا هو لا خيالوو ، لكن الحياة دي جميلة والله اعلم مخبية لي شنوووووو !
ركبت المواصلات ، و فعلاا الفوار ريحني شديد حتي عيوني ، فتحت ، وصلت حلتنا ، اتزكرتا خالتو سعاد انا بقيت مقصرة معاها شديد ، فكرت بيني و بين نفسي اغشاهاا ، فعلاا غيرت مساري و مشيت علي بيتهم ، وانا واقفه جو مرتين مارين وقفن بعيد و يتهامسن و يتكلمن ، لمن الباب فتح ، فتح لي وليد ،، عاينت ليهو لقيتو مبتسم ابتسامه كدا م مفهومة ، تشرح الصدر ، قلت ليهو دووم يا رب ، قالي تدوم طلتك ،، صراحه استغربت الرد ، قلت ليهو جمعاً ، خالتو سعاد قاعده ؟
قالي حتمشي وين ، اتفضلي خشي ليها ، فعلاا دخلت .. عاينت في العريشه حقتا ، لقيتا مافيشه ، قلت ليهو وينا ؟
قالي في الغرفه الجمب الصالون ، دي اكتر غرفه انا بكرها قلت ليكم كدا قبل كداا .. اتوكلت ودخلت ، بس ما كان في زول
في الغرفة ، و فجأة الباب قفل ............
يتبع .....
أنت تقرأ
إغتصاب معلن
Mystère / Thriller📝 بقلم: سحر سمير (حقيقية ) من قاع المُجتمع .. 🔞 ما كل اغتصاب بيكون مقابله في #ضحية !!! زي م كنت بقوليكم و حأقوليكم دايماً ان : الغلط ساهل بس الصح مُكلف جداً بنغلط و نغلط و نغلط و نغلط .............! لحد متين ؟ لحد ما يجي وقت ما بنفع فيهو ندم...
