إغتصاب معلن

الجزء 38

انا حأقوم اروق الصالون

* رايق تعالي ارتاحي م تتعبي تفسك ساي ، اساساً حنطلع الليله ،،

ربنا يكتب ليكم الخير يا رب ، لكن والله يا خالتو ، ولد عم عبدالله دا محترم شديد ماشاءالله ، اسزة محترمة و متفاهمين ، انا لمن شفتهم بيودعو سلوان والله حسيتهم مننا و فينا اصلو ما اتخيلتا كدااا ..

*والله يامروة انا الجمبك دي ما اتخيلتا كدا لكن رب العالمين بيوالف بين الناس ..

ونعم بالله ..ّ

( في جانب تاني )

بصراحه يا خالتو سعاد انا من زمان دلسه عنك موضوع كدا غايتو اعفي لي ..

* خير يا ايلاف في شنو ؟

هدى ايلاف اسكتي !

بتسكتيني ليه يا هدي ؟ خليني انور خالتي ..

*حاصل شنو يا بنات خير ؟

هدى__ مافي حاجه حاصله يا خالتي اايلاف دي زي ما عارفاها بتاعت تشغيلات ساي ..

والله يا خالتي انا م بتاعت تشغيلات وصح ربنا قال من ستر مؤمناً في الدنيا ستره الله يوم القيامة لكن انا ما برضا فيكم الشينة يشهد الله و وليد ما يستاهل كدااا !

*ووووليد ! مالو وليد في شنو حاصل ؟

هدى__خالتي روقي براحه ..

وليد بخير يا خالتي لكن مرتو الانتي واثقه فيها دي ، يعني محرجة صراحه م عارفة اقوليكي شنو ، موضوع محرج ..

*اتكلمي يا ايلاف في شنو وترتيني.!

هدى__حرام عليكي يا ايلاف والله ..

صراحه ي خالتي ايلاف دي كانت حامل قبال فترة و بعداك عرفتا من اقرب الاقربين ليها انها نزلتوو ، يعني بصراحه الاشاعه السمعتيها عنها صح ، سلوان شغاله الشغل دا و ......

*كلمة تاني عن سلوان يا ايلاف حألحقك الكف التاني مش لو كنتي بنت اختي ، لو كنتي بتي عديل فاهمه ؟ سلوان خط احمر..

انتي ليه بتحبيها كداااا اكيد عامله ليكككي عمل م معقول تحبيها للدرجة دي ، حتي نظرك اتعمى عننا احنا الاولى باولادك منهاا مشيتي وعرستي ليهم الغريبة ، وانتي اذا م مصدقاني انا لقيت التحليل حق الحمل في غرفتك يوم خرجوكي ، و اديتو لي وليد ..

* يعني انتي النشرتي الخبر دا صح ؟

اااا انااا ،لا ،، لالالاا، مم م ميادة اكيد هي النشرتو الورتني ان سلوان اجهضت ..

*لاحول ولاقوة الا بالله ، لا حول. لاقوة الا بالله العلي العظيم ..ّ

هدى__ يا خالتو في وحدة في الباب بتسأل اذا دا بيت المرحوم ولالا ؟