إغتصاب معلن

الجزء 10

يا بنوت امانة حبيباتي ياخ ، فالحات و ناجحات كدي ي رب العالمين و معرسات كمان اهاا ، عليكم الله بعد الدعوات السمحه دي ما تعلقن لي في الحلقات الفرديه ، وحات الله الالبوم بتنكش زي طشت العدة 🌚 ..

جو داخلين ، ميادة بت جيرانا و بت خالتي مريم .. سلمو علينا و وشهم داير يقع ما بيتقابل ، و بيواسو فيني و بيعزوني ، الشي اللي الناس ما قادرة تفهمو ولا تستوعبو انا م مكسورة من موته احمد عشان عرسنا ولا متاثرة ، بس بالجد موتو كانت باردة علي قلبي زي م قال وليد، بس زي اني كنت كارهاهو كدا من الحصل ومسبقاً م كانت في علاقه حب بينا بس كنت دايرة يصلح غلطتو .. يعني الناس بتشفق علي و تواسيني والشي دا بيزعجني ، يعني م عارفه متين حتخلص المرحله الفي حياتي دي ...

م عارفكم اذا استنتجتو ان خطوبتي دي كانت السبب فيها خالتو سعاد ، هي الاختارتني لأحمد ، يعني انحنا الاتنين لقينا نفسنا في الموقف دا وانا م كان بفرق معاي لانه اصلا م عندي زول في حياتي انه عادي يعني .... فجأة قاطعت تفكيري ، مياده

قالت لي :

_ سوسو م قادرة اقوليكي سرحانه وين لكن كل حاجه بتحصل لي خيرر

*م سرحانه بس عيوني واقعات من السهر لكن نقول حمدلله علي ما اراد الله

_اي و كله لي خير لسه الحلو ما جاي

* تفتكري ؟

_ايوة طبعاً وين ثقتك في رب العالمين ؟

*والله ي مييادة انا بحبك عشان عالمك براخو ما في زول سابقك فيهو ، زوله مبهجة لدرجة سمحه شديد. متفائله ربنا يسعدك

_الدنيا دي فيها شنو عليكي الله، ياها بتمش مهما حصل فيها هي ماشه انحنا نقيف ليه ؟

*فعلا بتمش و ما بتقيف والله ..

_عشان كداا كل ما الزول اتجاوز مشاكل غلطات حاجات حتي لو اتجاوز ناس في حياتو مأزمنو ، ويعاين للجاي والله ما يزعل دايماً البعاين وراهو م بشوف اللي قدامو

*ياخ انتي الله يسعدك

_ويسعدك كمان ي رب ،، اها يا خالتو فاطمة انا خليت شغلي و اتفرغتا ليكي تماماً وريني البرنامج ...

_ شوفي يا ميمي انارقبل تجو كنت عايزة اتكلم مع سلوان في الموضوع دااوكويس جيتي في وقتك زاتو

_ لي خيررر ، اهاااا

_ انتو عارفين المحل واقف عديل و عندي ايجار شهر ما سديتو وطلبات معلقه ويمكن اكون خسرت زبايني عديل ، و لسه فترة الحبس دي حتعطلني اكتر و م حقدر طبعاً اشتغل غير في البيت, عشان كداا عايزاكي انتي و سلوان تمسكو بدلي و معاكم البتين الكانو بشتغلو معاي م بقصرو منكم ..

*امي انتي عارفه انا مالي في شغلك دي ولابفهمو اتكلمنا فيهو كتير ..

_ معليش يعني يا سلوان امك محتاجة ليكي تقولي م بفهم ولا بعرف ، ادي نفسك فرصه ساعديهاا ..

_اذا م عايزة تشتغلي يا سلوان عنك م اشتغلتي، منتهي !

*يا امي اسي الزعل لشنو و يا ميادة انا والله م بعرف في مجال الحلويات دا طيب وروني اشتغل شنو بالضبط !

_ اقعدي كاشير

*خلاص معاكم طوالي لكن عجين وحاجات زي دي ما بقدر عليهااا

في حاجه تاني ان لازم الايجار يتسدد قبل نهاية الشهر داا ، و سيد المحل احمد (ابوي) الله يرحمه كان بيدفع ليهو ،،

_لكن يا خالتو فاطمة الشهر فضل فيهو 17 يوم مستحيل ، كلميهو يصبر علينا و ياخد ايجار الشهرين بالمرة

_ ما اظن يوافق

*امي انتي ليكي كم سنة بتتعاملي معاهو اسي لمن حصل ظرف ما حيتحملنا !

م بعرف انا م حصل اتعاملت معاهو كدا

*طيب من بكرة باذن الله نبدا

_جداا انا جاهزة وحتي جبت وصفات وحاجات جديده

___ اجتهدوو وانا من هنا بساعدكم ، اعفو لي ضغطت عليكم بس كلها ايام و باذن الله برجع للشغل ...

بعد فاتو وخلصنا كلام .. حسيت ان الشغل دا فرصه للتجاوز بس انا حاتجاوز شنو ؟

ما بقدر اتجاوز بطني الحتكبر قدام الناس ولا قادرة اطلع من البيت امشي اشوف طريقه الظرف حق التحاليل يا رب يكون ضاع و ماف زول شافو يا رب يا رب تجبر بخاطري و تلطف بي يا رب العالمين ...

يتبع ......