عن ألمي اتحدث

اول يوم

حبسنا البارت في تعريف الشخصيات نكملوو كيفاش عايشة هاد الاسرة
===================

بينما كانت اسيل تتعشى مع حفيظة و شاهين
حفيظة : يا بنتي غدوة نشاء الله تبدي قرايتك فلجاميعة ياك
اسيل : واه ماما .. راني غي نخمم كيفاش غادي تكون لقرايا
حفيظة : باذن الله تكون ساهلة ، نوصيك شدي في قرايتك ملييح و اسمعي مليح لدكتور و جمعي ملقدام
اسيل : ههههه زعما علاه من قداام
حفيظة : اييه باش دكتور يعقل عليك لانك باغي تقري مع ١٥٠ ولا كثر فالحصة هادي جامعة ما تتخيليهاش كيما ليسي
شاهين : انا ابتدائيي و نجمع لقداام .. ديري كيما راها تقولك و سكتي
اسيل : اسكت نتااا
حفيظة : و نوصيك جماايع لبنات متكترييش صحابات و ماشي اي وحدة تكون صحبتك و تحكيلها اسرارك
اسيل : في هادي كونك هانيا ماما
حفيظة : و الشرف تاعك بلا مانوصيك ما تخليش ضعفاء الشخصية يجرووك
اسيل ( وهي تعنق في ماماها ) : وي ماما علابالييي شكرا بزاااف على نصايحك
شاهين : عندك كيراها تلعب فيهااااا
اسيل : قييووو غيوور
شاهين : هههه من واش نغيير حمبوك
حفيظة : شوفو ولادي اي حاجة تبغو ديروها قبل ما تبداو قولو في راسكم ...
(اسيل و شاهين يهدرو في رحبا) : هادي يبغيها الله ؟؟ هادي تبغيها ماما ؟؟ ادا كانت اييه نجمو نديرها
حفيظة : ڨوالااا هاكا نبغيكم
اسيل : ايا نوض شوشو غسل سنيك و روح ترقد
شاهين : بنعمييييي
حفيظة : وااه روح غسل .. ونتي تاني ورقديي بكري نعرفك تباتي مع لاكونيكسيون
اسيل : منغسلش ماعين مالا ؟
حفيظة : روحي ريحي انا نغسلهم
اسيل : يويويويوووييي هادا كاش حمار مات
شاهين ( وهو يرڨب مدوش ) : الله يهديك
اسيل : اييه ماما تفكرت
حفيظة : شكاين تاني
اسيل : ماما لخدمة نقعد مازال نخدم فيها ، حمبوك ماما راني باغية نقعد دايما نعاونك
حفيظة : قلت لااا لهاي في قرايتك و تستحقي اي حاجة راني هنااا
اسيل : بصح ماما انا مصروفي باغي يزيد و نتي وحدك متنجميش تشريلنا بدراهم القاطو لبستنا و ماكلتنا و حوايج الدار
حفيظة : انا نرجع للبتزيريا
اسيل : يااا ماما انا فلجامعة كي نخرج نجي لدار نصلي و نحط صوالحي و ننزل للبيتزيريا نخدم فلعشية ياك راهي غي عند باب الدار
حفيظة : صاااحا ديري لي يساعدك
اسيل : صاحا ماما شكرراااا

راحت اسيل لشومبرتها وهي تنقز يا هي عندها ١٩ سنة يا تتصرف تصرفات تاع ١٠ سنين على عكس خوها لي عنده ٨ سنوات وجاي هادئ و مرات يقول صوالح يشوكيهم .. المهم غسلت حفيظة الماعين و دخلت لشومبرا لقات شاهين رقد غطاته و سلمت عليه و راحت تشوف لأسيل لقاتها توجد في لبستها و صوالحها للجامعة سلمت عليها و رجعت ترقد

صباح ناضت حفيظة الفجر صلاة نوضت اسيل تصلي كي لعادة حفيظة تقعد تقرا قران و لكن اسيل فنياناا تصلي و ترقد ديراكت ( لصلاة الصبح تنوض عادي مي باش تنوض تقرااا لازملها ديجي عند راسها ويلاا ناضت ) .. دارت حفيضة فطيرة ( وكاين لي يقولولها حرشة) باش يتقاهواو ولادها وجدت طابلة و راحت تنوضهم