عن ألمي اتحدث

تهديد

القاضي : اسيل الذي موكلها لؤي هل تقبلين الزواج بمعاذ ابن محمد ؟؟؟

اسيل سكتت شوية و طلعت راسها تشوف في معاذ ... معاذ بقى يقارع في اسيل تقول لا و تريحه شاف فيها نظرة تاع ما تخذلينيش هي تم شافت فيه وقالت في نفسهاااا ياااربي شا ندير
القاضي : اعيد سؤاليي اسيل الذي موكلها لؤي هل تقبلين الزواج بمعاذ ابن محمد ؟
اسيل ( نضرت لمعاذ و غمضت عينيها ) : نعم اقبل
في هاذيك اللحضة معاذ طلع راسه دييراكت عند اسيل ... اسيل ما بغاتش تشوف فيه .. معاذ و كأن سييف دخله في قلبه ما عرفش واش يدير كون صاب ناض عطاها بكف تنسا مها لي رباتها شاف فيها بحرقة هي في هاداك لوقت طلعت راسها جسمها ترعش بلخوف من النظرة تاعه ليها و خاصة انه صاايي ولا راجلها و هي ولات مرته يعني كلشي راه فسيريو ناض ما تكلم مع حتى واحد وراح للوطو ... لؤي ماعجبهش التصرف تاع معاذ يعني نخلع و حس انه كاينا حاجة .. رجعو لدار تاع لؤي دخلو حتى ريتاج طلقت زغريتة طويييييلة و زادت من موراها شيرين جمعت اسيل فصالا و مقابلها معاذ لي شرارة في عينيه و ماشي منجم يتحكم فلأعصاب تاعه و ريتاج حدى انيسة فرحااانيين و شيرين دايرا اغنية تاع ماهر الزين ( بارك الله لكما و بارك عليكما و جمع بينكما في لخير ) و كان لؤي هو و محمد يحكو من جهة المقابلة حتى جبدت انيسة لخاتم من صاكها و عطاته لمعاذ باش يلبسه لأسيل معاذ خطف لخاتم من يد امه و لبسهلها بزعاف اسيل و ريتاج حسو بالموقف بصح لخرين عادي شيرين طلقت زغريتة و لحقتها انيسة يعني قلبو دار بزغاريت ... شربو قهوة و ناضو رايحين ناضت ريتاج مع انيسة هما لولا قدمو عند لباب مع شيرين و موراهم محمد و لؤي بقات اسيل واقفة ، غير بعدو شوية معاذ حكم يد اسيل دورها عنده و قالها بنبرة حادة بين سنانه و تاع تهديد ( غااادييي تندمي على لعفسة لي درتيها طوووول حياتك ) و طلقها و راح اسيل جمعت في بلاستها بدات تقول ( انا شااا درت ؟؟ كيفاه نضحي بحياتي بهدي الطريقة ؟؟ كيفاه ندل روحيي هاااك ؟ يااااربييي كون معايا ياااربيي ) رحو جماعة طلعت اسيل تبدل لبستها و قعدت شيرين مع لؤي

لؤي : اييه حبيبي ليوم بردتي جنك بزغاريت
شيرين : هههه غي سكت
لؤي : هههه ربي يدوم فرحتك
شيرين : اااامين
لؤي : بصح ما قلتيليش تعرفي تزغرتي
شيرين : اييه هاراك عرفت
لؤي قدم عندها و تكلم بصوت هادئ : هههه مين راكي تجيبي هاد الزين
شيرين : ملبلاصة لي راك تجيب منها

لؤي رفدها بطريقة الخطف و داها لشومبرة

شيرين ( وهي تضحك ) : طلقنيييي هههه نزلنيي هبلت
لؤي : علابالكي نقستي فلوزن
شيرين : بصحح ؟؟
لؤي : هههههه و يااا هادوك لعينين كي يقتلونيييي
شيرين : طبعتله قبلة عند خده
لؤي ( حطها و جمع حداها ) : حبيبي راني حاس هاد الزواج ما غاديش يكمل على خير
شيرين : ايه انا تاني
لؤي : شفت معاذ غير مشنف
شيرين : واه مي لي ربي كاتبه هاداك هو
لؤي : لپروبلام اسيل راها على مسؤليتنا
شيرين : اييه عادي اسيل ايمانها بالله قوي و نشاء الله لي فيه لخير ربي يجيبه
لؤي : ااامين