عن ألمي اتحدث

القرار

حبسنا لبارت كي قال نوفل لاسيل انه يحب ريتاج و كي همسة شافت علي يخدع فيها مع دموع و معاذ رسل رجال ضربو علي و نوفل كان فلجرة 

************************
اسيل كانت في حالة لا يرثى لها لانسان لي بغاته ٣ سنين خرج ما يبغيهااش ناضت صباح توضات و صلاة و بدات تدعي لربي ينجحها و يوفقها في حياتها و يبعد عليها صوالح لي يدروها واذا كان هاد شئ لي صرالها مليح ليها فهي راضيا بيه .. راحت قرات شوية قران و رقدت ناضت مع ٩ على صوت شاهين يضحك مع حفيظة
اسيل : صباح لخير
شاهين : صباح نور
اسيل جمعت فطابلة و فرغت لقهو و بدات تشرب حتى جمعت حداها حفيظة
حفيظة : يادرا خممتي فلهدرة تاع لبارح
اسيل : تاعش هدرة
حفيظة : تاع شيرين
اسيل : ايييه
حفيظة : اسما ما خممتيش .. شوفي اسييل هادي حياتك ونتي حرة ماركيش ڨاع مهتما بيهااا و ما راكيش تخمي فينا راكي تخمي غي في روحك
اسيل ( سمعت هادي ماراكيش تخمي فينا و تخمي في روحك طلعت راسها و بدات تشوف في ماماها تهدر ) واااه راكي انانية بزاااف .. انا مادابيا نتي تصوڤيني روحي تقري و خدمي و عيشي حياتك و عاونينا معاك
اسيل : اوكي ماما دوك نشوف
ناضت اسيل راحت لشومبرتها بلعت لباب و دخلت بلاستها و بدات تقول في راسها .. يااا اسيل افطني لروحك مالازمش تخلي ماماك و خوك هاك .. واه واه لازم نقرا و جاتني فرصة مانضيعهااش و حاجة تاع مستقبل نخليها روحها و حاجة تاع حب مالازمش تأثر فيا ... نوض نعاون ماما شوية ... ناضت بدات تخمل فدار و تنقي و تمسح

-------------------- عند معاذ ------------------

ريتاج : معاذ انا راني باغيا نهود للبلاد توحشت ناسي
معاذ ( منارڤي و مشي باغي يحكي ڨاع ) : اوكي
ريتاج : شااا اوكي نرجعو
معاذ : اوكي
ريتاج : كوكوو. معاذ
معاذ : مااالكيي افففف خليني وحدييي
ريتاج : هادي باينة هي نارڤاتك
معاذ ( بصراخ ) : ريتاااج خرجي عليا
ريتاج ندهشت من صراخ معاذ ماشي موالف يعاملها بهاد طريقة سكتت و خرجت
معاذ (يفكر) : كيفاش ندير دوك معاها ؟ .. بيان سييغ سيبون سيفينيي ڨاع صوالح يتسامحو مي هادي لاااا .. مي ما نخليهاش تروح غي هااك نوو جاامييي حسابك عندي يا دموع

"""""""""""""عند دموع"""""""""""""

دموع : علاه ماراهش باغي يرفد عليا
همسة : شكون
دموع : معاذ
همسة ( في قلبها تقصدي علي ) : بلاك راه مشغول
دموع : ماشي موالف
همسة راحت توجد لماكلة و في راسها تخمم شا دير لعلي لانو عارفة عقلية تاع معاذ هو لي باغي يتكلف بانتقام دموع و هي كي تبغي دموع منجمتش تأديها كثر ... بدات تحوس في راسها شا دير شا دير و جاتها فكرة
حلت فوكونت وحداخر باسم ولد و دخلت فليغروب تاع (شواذ) حطت تصاوره و كتبت لفوق نيميغو تاعه و لأدريس تاع دارهم و ڨاع معلوماته الشخصية و قالت بلي هو ڨااي يعني شاذ جنسي و يبحث عن المال .....

__________عند علي__________

علي كان راڨد حتى سمع تيليفون لقاها دموع قعد يخمم شا يدير قال في راسه : انا بروحي ما نبغيهاش علاه نجيب لمشاكل لروحي نبعدها عليا و صااييي و تڨعد معايا همسة ديجا تبغيني ... رسل لدموع ميساج
دموع ماتزيديش تعيطيلي و نساي بلي تعرفي واحد سموه علي نتي خذلتي صحبتك و كيما درتيلها قادر ديريلي و زيد ما عطيتيني حتى دليل بلي حبستي مع معاذ ما تعيطيليش و متحوسيش عليا لاني ما غاديش نرفد عليك وانا جاامييي بغيتك و همسة هيا كلشي عندييي
بعد شوية عيط لهمسة و ڨعد يحكي معاها و همسة ما بينتله واااللوو بعد شوية عيط لنوفل
نوفل : الووو
علي : يادرا صاڤا
نوفل : لااا ماشي صاڤااا بابا راه غي يسقسي مالي قوتله طحت و ما امنيش
علي : ها الله غالب
نوفل : علي حمبوك خطينا ملبنات .. هاد لخطرة خرجت هاك لخطرة جاية يقتلوك
علي : مبعدا نحكو على هاد لهدرة .. ڨولي شادرت فلخدمة
نوفل : سيبون
علي : ايا اوكي مبعدا نتلاقو
نوفل : اوكي باي

*********عند دموع********

كانت دير فنيتواياج حتى سمعت ميساج دخلها راحت تجري لتيليفون قرات ميساج تاع علي ... تشوكات ولات تقول في نفسها .. هاداااا علييي راه يهدررر هادا لي يبغيني و جامي يسمح فياااا طاحتلها دمعة و مسحتها تمتم ... و بدات تخمم شاولا لخطأ لي دارته معاه ما لقات والو رسلتله ميساج
صاحا غي فهمني علااه ؟؟ كاش ما غلطت معاك في حاجة ؟؟؟ حمبوك رد عليا علي
حتى دخلت همسة
همسة : دموع شاراكي ديري
دموع ( تخفي دموعها ) : والو بغيت نريح عييت
همسة : بعدا بديتي ... جيبي نكمل عليك
دموع : صايي ماباقيليش بزاف و نكمل
همسة : املا خفي
دموع بلإرتباك حطت تيليفونها و هو محلول و راحت تكمل نيتواياج خرجت معاها همسة غي بعدت دموع عاودت رجعت همسة شافت لميساج و ضحكت و قالت في نفسها انا منتعاودش زوج مرات سيبون طحت من قلبي بزاااااااااف ( دارت كاپتيغ رسلت لروحها هاديك لكاپتيغ و مسحتها و مسحت ليستوري و رجعت تيليفون حتى شافت دموع جات تجري ورفدت بورطابها ( بعد ما تفكرت انها خلاته مشعول و لكن كان روطاار )

__________ عند اسيل _________

بعد ما كملت جمعت على لفطور
اسيل : ماما سيبون قررت نروح لفرانساا
حفيظة : اوكيي مادابياا
اسيل : مي خصني پاسپور و ڤيزا و صوالح
حفيظة : عيطي لشيرين هي تعرف و تفهمك شا ديري
اسيل : اوكي ماما

عيطت اسيل لشيرين و فهمتها ڨاااع شادير في اسرع وقت و تكاليف ڨاع على شيرين

______ عند معاد ________

عيط لدموع عادي قالها راني جاي هاد ليامات و ڨااع و حكى معاها بكل راحة و مخلاهاش ڨاااع تحس .. و مبعد راح عند ريتاج

معاد : ريتاج ديزولي ساع زڨيت في وجهك
ريتاج : ماعليش مي علاه راك منارڤي
معاد : تعرفيني انا كي داير كل خطرة في حال
ريتاج : اوكيي ربي يهديك و يثبتلك لعقل
معاذ : راني نبانلك مهبول
ريتاج : هههه ارواح تتغدا
معاد : سيبون وجدت كلشي باش نرجعو لبلاد مي بلخف و نعاود نطلع عندي صوالح هنا في فرانسا
ريتاج : يااااسس

يتبع .....

**********************
كيفاش بانلكم لپارت ؟؟
كيفاش غادي ينتقم معاد من دموع ؟
و همسة تسامح علي ؟
عطوني رايكم

Vote + commentaire