عن ألمي اتحدث

خطوبة

نزل علي من عند دموع و عيط لنوفل

نوفل : الوو
علي : ويي نوفل
نوفل : مالك علي مكان والو
علي بغصة بكاء : همسة توفات
نوفل : الله واكبر ، إنا لله و انا اليه راجعون .... وين راك ؟
علي : فسبيطار
نوفل : راني جاي

نوفل راح يجري عند علي تلاقاه مجمع فلكراسة تاع سبيطار
نوفل ( وهو يتنفس بصعوبة ) : عليي وينتا ماتت
علي : ليوم صباح
نوفل : ودموع علابالها ؟؟؟
علي : باقيلها شوية و تهبل عليها
نوفل : وين راها
علي : لفوق دارولها حقنة مهدئة
نوفل ( جمع حداه عنقه ) : يااا علي عظم الله اجرك قدر الله و ما شاء فعل .. انا لله و انا اليه راجعون
علي ( دموعه نزلو ) : اامين .. اجرنا و اجرك عند الله
نوفل : وكيفاش باغي دير دروك
علي : لازم جنازة
نوفل : و اهلها ؟؟
علي ( سكت شوية و طرطق بلبكاء ) : ياااا نوفل همسة مسكينة عندها غير انا و دموع في حياتها
نوفل : كيفاه ؟؟
علي : همسة امها و بوها ماتو في حادث رباتها عمتها دارت فيها لي ما ينداارش
نوفل : احكيلي
علي ( سكت شوية و بدا يحكي و هو قاانط ) : بعد ما ماتو والديها داتها عمتها و حڨرتها بزااف كانت طالڨا عليها ڨاااع شغل الدار و تزڨي عليها و تضربها على صوالح ما يستهلوش جسمها معمر بليسيكاتريس يعني كانت معيشتها مرارة الدنيا و كي كبرت و ربحت لباك خطارت الشعبة لي بعيدة على دارهم باش تبعد على عمتها و تعيش حياتها كيما الناس و بدلت عقليتها و بدات ما تسامحش اي واحد متأمنش في اي واحد
نوفل ( دمعة طاحتله ) : اييه
علي : وانا الحيوان الرخيص لي راه قدامك زدتها فوق ڨاااع هاد العذاب الخداع التاعي و الكذب التاعي و ما بادلتهاش الحب و الحنان لي كانت تمدهملي
نوفل : سيبوووون علي هاد الهدرة ماشي وقتها نوض نديرولها جنازة
علي : و دموع ؟
نوفل : دوك نسقسي طبيبة يلا خلاتها تخرج انا ندبر راسي
علي : اوكي
نوفل راح هو و علي طلعو للادارة و وجدو ڨااع صوالح تاع المتوفية و كيفاه يستالمو الجثة ... دموع داها نوفل لدارهم بحيث كريمة كانت من الناس لي تكلفو بلجنازة و بطبع بطلب من علي و نوفل ليها ... و دارو ڨاااع الجنازة

في هاديك المدة نوفل كان لاهي بزاااف مولاش ڨاااع عنده الوقت يحكي مع ريتاج و هي كاليا تيليفون بليميسااج

+++++++++عند ريتاج ++++++++

بعد ما حاولت تهدر مع معاذ مخلاهاش ڨااع تحكي راحت و بدات تخمم كيفاه يحلو لمشكل بعد شوية سمعت معاذ دخل دوش و خرج قارعت شوية قد ما يلبس و عاودت راحت عنده
ريتاج (طبطب) : معاذ
معاذ : ادخلي
ريتاج : بصحتك دوش
معاذ : سلمك
ريتاج : نجم نڨعد معاك
معاذ (سكت شوية ) : اييه
ريتاج ( جمعت حداه ) : معاذ راك محبس مع دموع ؟
معاذ : واه
ريتاج : و علاه ما بغيتش كي باغي يخطبولك
معاذ : وكيفاه نتزوج مع بنت جامي شفتها ولاحكيت معاها
ريتاج : وبلاك تعجبك
معاذ : اااااه بروبلام ماراهش هنا
ريتاج : وين راه ؟؟
معاذ : كي يجي وقتها تعرفي
ريتاج : نووو هيااا قووول
معاذ : قتلك سيبون ماتسمطيهاش
ريتاج : صاحا صاحا و كي نديرو
معاذ : ماعلاباليش
ريتاج : معاذ .. ماتقولش لبابا لا
معاذ : اففف نتي تانييي
ريتاج : اييه و الله كون تصراله حاجة تندم حياتك لي ما بغيتش دير عليه و ديجا هو جامي بغالك شر
معاذ : يديرو لي يبغو انا بروحي راني نشوف حياتي راها بين يديهم كيما يبغو يديرو
ريتاج : نووو ما تحكمولكش في حياتك.. غي زواج بغاو يكونو هوما لي يخطارولك
معاذ : ريتاج باغي نرڨد
ريتاج : خمم في هدرتي مليح ... تصبح بخير
معاذ : بسلامة