عن ألمي اتحدث

فقدان

بعد مرور خمس اشهر اسيل انسكرات و تعودت على لخدمة تاعها و كانت في استقرار تام و كل يوم تعيط لحفيظة و تهدر مع شاهين و كانت دايرا قرار كل خطرة ترسل دراهم من خدمتها لامها بما انو دراهم لي تخلصهم يقدوها و عايشة مع شيرين كيما لخواتات و كانت دائما تكونيكتي مع ريتاج و يحكو و حتى مرات تهدر مع نوفل لي مازال قاعد في قلبها .... و نوفل مع كريمة مرت ابوه عادي كي لعادة وهو جاي انسان كالم شويا فدار مخلي هباله غي مع صحابه و اما مع ريتاج فحبهم زااد بزااف و خاصة انو ريتاج بغاته من قلبها يعني حب متبادل و دائما في اتصال ريتاج دائما اونلين و نوفل تاني يحكو في ڨاع لاوقات يا هوما بعاد يا هوما قراب ... ريتاج كي رجعت لفرانسا و بدات توجد في قرايتها روماركات معاذ لي دايما سااهي و عقله بعييد فحاولت تعرف منه شاكاين و لكن هو مابغاش يبينلها فقط خبرها انو حبس مع دموع و انه راه لاهي باغي يطور الشركة تاعه ... اما دموع دخلت تقرا و دائما ترڨب على همسة الي بقات في غيبوبة كل هاذ المدة و  بقى فيها غي لقلب ينبض و حاولت اكثر من مرة تتاصل بمعاذ و لكن معاذ قطع العلاقة تماما مع دموع بدل نيميغو و الفايس و بعد عليها ڨاااع و هاد شي قهر دموع بزااف و عرفت انها خسرت بزاف معاه و لكن مكانش لازم يأذيها بهاد الطريقة و دروك مكانش لي يحوس عليها ڨاااع ... علي يوميا عند همسة و دمعته على خذه حبس مع ڨاااع لبنات لي كان معاهم و لها غي لهمسة كل يوم يدعيلها تفطن يدعيلها في صلاته ولا توجوغ من دار للخدمة للسبيطار  يعني هاد الاشهر كان من اتعس شهور لي فوتهم في حياته

--------------عند حفيظة--------------

شاهين ( رايح يجري لتيليفون ) : انا نرد
حفيظة : خف دوك تحبس لاپال
شاهين : الووووو
شيرين : الووو شوشو عمريي
شاهين : اوو شيرين كيراكي ؟
شيرين : الحمد لله ونتااا عمري
شاهين : ههه حمد لله راكي غي عمري شاكاين
شيرين : ههه راني نقلش فيك ما بغيتش ؟؟
شاهين : هههه لا لا بغيت
شيرين : فوتلي حفيظة
شاهين : ماما تكلمي لشيرين
حفيظة : الو وي شيرين صاڤا
شيرين : حمد لله حفيظة ونتوما كيفاش راكم
حفيظة : الحمد لله كيراكي و كي راه لؤي و اسيل ههه راها مهبلتكم
شيرين : هههه الحمد لله .. نووو كيفاه تهبلنا بلعكس دايرتلنا لومبيونس
حفيظة : هههه ربي يجازيك
شيرين : المهم شابغيت نقلك حفيظة ... اذا جا واحد ببلاسته و و متربي و مسڨم يخطب اسيل توافقي
حفيظة : كيففاااه ؟؟ باغي تتزوج ؟؟
شيرين : راني ننسقسي فيك .. پاسكو جا واحد يخطب اسيل و هو انسان متربي و حتى عنده اصول جزائرية قلت ندي رايك
حفيظة : وهي راها موافقة ؟؟
شيرين : هيا راها باغية تدي رايك نتي
حفيظة : انا والله ما علابالي .. ماشفتش لولد باش نعرف
شيرين : انا لؤي قالي انو هاد لإنسان مليح بزااف و متربي و خدام
حفيظة : شيرين اسيل راها كيما اختكم الصغيرة و مادام راكم متكلفين بيها نتوما راكم عارفين شاكين .. انا نقلكم غي حاجة وحدة لعرس يكون هنا فلجزائر راني باغيا نشوف بنتي عروسة
شيرين : اوكييي حفيظة .. اي حاجة تصرا راني نخبرك
حفيظة : اوكيي ميغسيي