عن ألمي اتحدث

اصعب قرار

معاذ بعد ما هدر مع اسيل حس انو مشكيلته بدات تنحل مي قعد دائما التساؤل في راسه ( كيفاه اسيل تقبلت الامر عادي و كانها هي تاني ماكنتش باغية هاد الزواج ) .... نزل تحت و شرب قهوته بالتشناف و خرج قرر يرجع للبلاد في اسرع وقت راح يشري لبيي تاع السفر و لكن للأسف البيي القريب قاع بعد شهر

++++++++++عند ريتاج++++++++++

كي معاذ كان يهدر مع اسيل كانت فايتة بصدفة سمعاته وعرفت شاراه باغي يدير غير شافته خرج راحت تجري لشومبرته فتحت الفايسبوك و بدات ترسل ليميساج لأسيل
اسيل : وي ريتاج غير لخير
ريتاج : حمبوك ماديريش لي ڨالك عليه معاذ
اسيل : كيفاه
ريتاج : وافقي حمبووك
اسيل : كيفاه نوافق و خوك ماراهش باغيني
ريتاج : يا اسيل هو راه باغي وحدة تپروفيتي منه و ما تبغيهش
اسيل : وانا شاوالا لمطلوب مني
ريتاج : المطلوب منك توافقي على زواج و علابالي خويا كيفاش داير قلبه حنين و الله يولي يبغيك و يعشقك
اسيل : بصح هاك علابالك انا لي باغي ننغبن في حياتي
ريتاج : انا نعاونك في اي حاجة تبغي ديريها والله ما ننسالك هاد الخير يا اسيل
اسيل : والله ما عابالي خلي فليل نرجعلك لخبر
ريتاج : اسيل خمي مليح و الله ما تندمي
اسيل : جوسيپا ابخي نرجعلك
ريتاج : اوكي نقارعلك

++++++++عند دموع++++++++

بعد ما باتت هاديك ليلة عند علي ما نجمتش تنوض صباح من قلة الاكل و التعب قعدت في شومبرا لي عطاهالها علي راقدة حتى اذن الضهر بدا علي يتوسوس ما عرفش يا راها راقدة ولا ماتغاشية ولا عندها حاجة .. قرر يدخل لشومبرة كي حل لباب لقاها متكسلة و شعرها طايح على وجهها و دموع عند عينيها و في سابع نوما جمع حداها و بدا يتفكر لوقت لي كانت اونكوپل معاه و كيفاش كان يحشيلها و يكذب عليها بدا ضميره يأنبه حط يده على شعرها و مسحلها حتى شافها تحاول تحل عينيها بعد عليها بإرتباك و وقف شافته واقف قدامها

دموع بصوت تعبان : وين راني
علي : دموع راكي عندي في داري
دموع (ناضت جمعت ) : اهه ديزولي لازم نرجع لدار
علي : وين ترجعي لدار و نتي في هاد لحالة .. اقعدي هنا معايا حتى تريحي
دموع ( حاولت تنوض مي لافابلاس حكمتها عودت طاحت مجمعة ) : نونو نروح
علي ( بنبرة حادة ): دمووع قتلك تقعدي هنا
دموع ( طلعت راسها شافت فيه تفكرت كي كانت معاه و كان يزڨي عليها و جات في راسها همسة حطت راسها و حكمها غصة ) : اوكي
علي : دوك نروح نحطلك حاجة تاكليها
دموع ( هزت راسها بالموافقة)
راح علي يوجد كاش حاجة تاكلها و رجع لقاها طايحة على الارض رفدها بلخف و داها لسبيطار ليغجونس دارولها سيروم

طبيب : منوينتا ما كلاتش
علي : والله ما علابالي بلاك في سيمانة
طبيب : اييه لانو جسمها راه فااابل
علي : ايا و كيفاش
طبيب : وحتى انها في حالة نفسية كئيبة
علي : واش ندير
طبيب : خليها تتغدا من هاد السيروم و مبعد ديها عند اخصائي نفساني
علي : اوكي شكرا
الطبيب : العفو