عن ألمي اتحدث

اعتراف

معاذ تلاقا ماماه موجدة لقهوة شرب لبس صوالحه و خرج ... بعد شويا ناضت ريتاج

ريتاج : صبااح لخير ياوجه لخيير
الام : صباح نور يا وجه نور
ريتاج : ههه ماما راكي راضية عليا ؟
الام : انا راضيا عليك مي خطرات تهبليني
ريتاج : ههه ها ليق ماما
الام : روحي صلي و رواحي تشربي قهوة
ريتاج : اوكي

راحت ريتاج توضات و صلاة و راحت تشرب قهوة مع امها

ريتاج : ما شربتيش مع معاذ
الام : لا خملت دار
ريتاج : اا اوكي .. ماما لازم ليوم نتلاقا مع لي زامي تاوعي
الام : كيماتبغي
ريتاج : ايا ماما قوليلي فاش نعاونك
الام : حتى نقولك .. كاين ماعين راهم يقارعو و تسياق و مسيح لغبرة و نشير لكسوة
ريتاج : اااوووو بشويا عليا
الام : ديري لي يساعدك مهم عاونيني
ريتاج : اوكي دوك نغسل ماعين و نسيق
الام : صاحا

ناضت ريتاج غسلت ماعين و سيقت و دخلت دوشت و بدات توجد في روحها

*******عند معاذ*******

معاذ : الوو واه دموع وين راكي
دموع : فدار علاه
معاذ : ماتوحشتينيش ؟؟
دموع : هههه باغي نموت علاجالك
معاذ ( في ڨلبه علااه هاد لهدرة ماشي من ڨلبك علااه ) : ههه نوو كيفاه تموتي نستحقك
دموع : دروك نتلاقو
معاذ : واه باش نفوتو ڨااع نهار في رحبااا

راحت دموع و جدت روحها مليح ملييح و خرجت مدار كانت تبان هاك 👇

تلاقات مع معاذ عنقاته و سلمت عليه كي لعادة ركبو فلوطو و راحو لبحر ڨعدو شويا هي تحكي عادييي و كأنها ما دارت واللووو و هو مشوكي مشي منجم يتخيل هاد لحب تخدعه

°°°°°°°°°°°عند اسيل°°°°°°°°°°°

ناضت صباح صلات و شربت قهوة لبست صوالحها و راحت تخدم كواغطها يعني كانت غي هي و الكواغط

شاهين : وين راها اسيل
حفيظة : خرجت صباح
شاهين : تااننييي .. وين راها تروح هادي
حفيظة : تخدم صوالحهاا
شاهين : راها عاجبتها لخرجة كليووم
حفيظة : ههههه باغيي تتوحشها
شاهين : علااه
حفيظة : باغي تروح فرانسا تقرا
شاهيين : فراانساااا و حنااا؟؟؟
حفيظة : باغي تروح و حدهااا
شاهين : و حناااا نڨعدو وحدنااا
حفيظة : ويي
شاهين : عليهاا كنت نسمعكم تقولو فرانسا و تحكو على شيرين
حفيظة : واه