عن ألمي اتحدث

اكبر صدمة

بعد مرور ثلاث سنوات شاهين ربح سانكيام و طلع لمرحلة المتوسط و اسيل عشقت نوفل عشق لاااايوصف وما بغاتش تبينله ڨااااع و دات ديبلوم تاع ليسانس وحتى نوفل ربح ديبلوم و لكن ريتاج عاودت سنة باقيلها عام تفوت ليسانس و كملتها في فرانسا طلعت مع خوها لفرانسا هي تكمل قرايتها و معاذ بمساعدة ابوه نجم يأسس شركة و بذكاء تاعه راها تنجح بشكل ملحوض و علاقته مع دموع مازال هي هي كل ما يجي لبلاد يتلاقا معاها و دائما في اتصال معاها بمواقع تواصل الاجتماعي و تيليفون و لكن هي خادعاته مع علي خادعا معاذ و صحبتها لانتيم و ولات تبغي علي و تموووت عليه و هو كلعادة دائما يحرز روحه و همسة ماشي فايقة بيهم شافت بلي دموع راها باغيتهم يتفارقو مي عمرها ما تخيلت دموع تخدعها و خاصة انها مع معاذ و دائما دموع كي تدابز مع معاذ همسة تصالحهم بويسك معاذ زميل همسة و بنسبة لشيرين كي لعادة مع لؤي دائما في حب و لكن ينقسهم شئ وحييد وهو لولاد راهم غي يجرو على لولاد و ربي ما كتبلهمش

**********************
شيرين : الوو
حفيظة : الوو شيرين صاڤااا هادي غيبة
شيرين : الله لا يغيبك .. حمد لله ونتي
حفيظة : حمد لله
شيرين : يووويويويويويويويييي كلشي بلباراكا على اسيل
حفيظة : الله يسلمك
شيرين : وهادي زاوجة يوييوويويوويويوويوييي كلشي بلباراكا هلى شاهين
حفيظة : ههههه والله شكككررراااا ربي يخليك لينا و يرزقك بذرية صاالحة
شيرين : اااامين .. بغيت نڨولك لكادو تاعي لاسيل انها تجي تقرا هنا عندي في فرانسا و ڨاع تكاليف من عندي
حفيظة : شيرين بنتي والله كترتيلي افضاالك بزااف
شيرين : والله انا اسيل نبغيها بزااف و راني باغيتها تنجح و خاصة هي ماجوردوبرومو تستاهل تقرا و انا لحمد لله ربي منعم علينا بفضله
حفيظة : نهدر معاها و نرجعلك خبر
شيرين : اوكي نقارعلك هاد ليام باش تبدا التسجيل
حفيظة : ههه اوكيي
شيرين : ايا بسلامة
حفيظة : بسلامة
°°°°°°°°°°°°
اسيل : شكون ماما ؟؟
حفيظة : شيرين .... روحي غسلي وجهك و رواحي نحكي معاك
اسيل : اوكي

راحت اسيل غسلت وجهها و صلاة و جمعت فلكوزينة تشرب قهوة

اسيل : ماما شابغيتي تڨوليلي
جمعت حداها حفيظة : شوفي بنتي عيطتتلي شيرين و باركتلك
اسيل : سلمك
حفيظة : وطلبت مني نخليك تروحي لفرانسا تكملي ماستار تم
اسيل ( خلات لكاس في فمها وطلعت عينيها و بقات تشوف بدهشة ) مصابت تفرح و لا تحزن
حفيظة : مالكي دارولك پوز ؟؟؟
اسيل : جامي نخليك وحدك
حفيظة : نووو اسيل متخميش فينا خمي فلمستقبل تاعك .. انا تعرفيني نبغيلك مصلحتك
اسيل : ياااا ماما
قطعتها حفيظة : شوفي اسيل انا راني باغياتك تنجحي و بقرايتك تعاونينا ماشي بلخدمة لي راكي ديريها دروك وانا وخوك ربي معانا خمي مليح مدابيا تروحي
اسيل : كيفاه نخلي خويا وحده و نخليك وحدك
حفيظة : ووين راه لبروبلام .. عادي راني نخدم و نعاون خوك و نتي كي تكملي قرايتك تجيبي ديبلومك و تخدمي هنا و هاك تعاونينا و ديجا ما غاديش طولي عامين و راكي كملتي ماستار
اسيل : خليني نفكر ماما
حفيظة : فرصة ما ضيعيهاش و نعرف شيرين متسمحش فيك