• كرونيك عن المي اتحدث باللهجة الجزائرية
• عندما يموت الاب 😢... وتصعب الحياة😩 ... و تختفي الحماية😫 .. امي تساعدني ؟؟ ... عندما يكون حب من طرف واحد كيف اتصرف ؟؟💔 ماذا افعل لو خذلني حبيبي ؟؟؟ 😱 .. كيف اكفر عن خطيئتي ؟
♢قصة رومانسية درامية
• قصة...
فاتو هادوك ليامات تلاقات اسيل مع ريتاج هدرو على بزاااف صوالح و من بينهم الموضوع تاع نوفل و لكن اسيل مابغاتش تبين ڨااااع و بعدها سڨمت صوالحها تاع فرانسا ڨاع و كي تقرب دخلة تاع قرايا تروح.. ريتاج وافقت لنوفل و قبلت تكون معاه ، نوفل كي قالتهاله بلا ما يفيق رفدها و دار بيها و هي تضحك و تضرب فيه ضرب خفيف و تقوله نزلني و منتم بدات ريتاج تحس بالحنان و الحب تاعه و حتى هي بدات توالفه .. همسة ڨعدت مع دموع عادي صحابات كيما كانو لانو عارفة معاذ غادي ينتقم منها و زيد تاني عارفة لوكان جا علي يبغيها ما يخدعهاش من الاصل و طبقت لعقلية لي خمتلها بدا كي يعيطلها ما تريبونديش عليه تمتم و متعيطلهش بزااف غي كي فريمون تتوحشه و الهدرة فلفايسبوك نقست حتى هو تشوكا و نخلع فيها بدا يحس انه خسر معاها بزااف و بدا يعرف قيمة اهتمامها ليه فلول في هاديك لمدة حاول يدير بنات وحدوخرين بصح مايجوهش كيما لحب صافي تاع همسة و الحنان و الاهتمام ڨعدت دائما في راسه يخمم كيفاش يعاود يرجعها ليه مع شاف نوفل مع ريتاج كوپل شباب بدا يغير و يقول كون كنت مع همسة فيدال ما توصلش ديرلي هاك و دايما يڨعد سؤال في راسه علااه تبدلت ١٨٠° ... شيرين و لؤي في فرانسا علااقتهم ولا اروع الحب و الحنان و العشق الحلال و كانو دائما يوجدو صوالح لأسيل و دائما في اتصال معاهم ... معاذ بدا يكره من دموع و بدا يحس انه راه مازال يضيع لوقت معاها و لازم يدير حاجة
=========================
حفيظة : اسيل هياا نوضي هيا بنتيي اسيل : وي مامااا حفيظة : هيا نوضي طيارة ليوم لا اسيل(وهي تنوض مجمعة) : اييييييه واه ... اويا راح لحاال ... اوووه علاه متنوضينيش بكري علااه حفيظة : بشويا بشوياااا مازال لحال في غردك شاهين : ههه واخيرا راكي رايحا لباريس لي دايما نڨولك عليها هههه اسيل( ناضت تجري غسلت وجهها و راحت تتقهوة ) حفيظة : ريتاج بلا منوصيك اسيل : صاايي ماما والله فهمت شاهين : ما طوليش علينا كل يوم عيطي اسيل ( و هي تسلم عليه بلفوور ) : واه شوشو عمري شاهين : و خطينا ملهداير مع رجااال اسيل : ههه صااحاا يا خويا لغيار من صغره حفيظة : ربي يوفقك اسولتي اسيل : اامين راحت بدلت و وجدت روحها ملييح مليح وجات رايحة👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
( زعفاانة بفراق ماماها و خوها و لكن حاسة غادي يكون عندها مفاجأت في فرانسا ) خرجو راحو ڨاع لايروپور سلمت على امها سلام لودااع و خوها و جات رايحة ما بغاتش دور راسها لانو دمعة كانت عند حافة عينها كون تشوف لمنظر ماماها و خوها واقفين يودعو فيها ترجع ماتروحش مالا كملت هكاك حتى درڨت رجعت حفيظة لدار مع شاهين و تدعيلها و ڨلبها مزير خايفة على بنتها لي باغي تواجه العالم وحدها اما اسيل جا وقت طيارتها جات طالعة و دير فسالفي و تستمتع بلحضة جمعت في بلاستها حتى جا واحد شيباني قابلها وهي في قلبها : ياربي يكون حدايا واحد بوڨوس اوموان كي ندير سالفي تخرج شابة التصويرة حتى جا واحد جمع حداها طلعت راسها ( وياااا كملت ناس ڨاع عندهم زهرو انا جاو دارو بيا لعجايز بداية موفقة يا اسيل) .. جات طالعة طيارة بهاديك السرعة اسيل حست روحها فلماناج بصح خافت و بدات تشهد ( اشهد ان لا الله الا الله و اشهد ان محمدا رسول الله ياا ميمة سمحيلي يلا مت ياربي اني استغفرك و اتوب اليك ) حتى استقرت الطيارة و لخوف بدا يروحلها : اووووه حمد لله خرجت سلامات لعجوز ليكان حداها : شاوالا بنتي ؟ اسيل : لا لا عمي والو لعجوز : راكي باغية تقابلي تاقة و ديري سالفي اسيل : هههه يلا بغيت لعجوز : ايا نتبادلو بلاص اسيل : اوووو مغسييييي
