عن ألمي اتحدث

عرس

فات عام كامل دموع اصبحت في حالة جيدة رجعت مع علي للجزائر حبست لكراء و قعدت مع علي في داره بما انه كان مقرر يتزوج معاها زاد حب علي ليها بزااف و بقا فيدال معاها و حتى هي حست انو علي تبدل و مابقاش كيما علي تاع بكري ... اما ريتاج و نوفل قررو كي تكمل ريتاج قرايتها يروح يخطبها و حتى انو هدر مع مرت ابوه حفيظة و وافقت و نوفل بزينه و قرايته نجم يحط دوسي تاع مضيف طيران و قبلوه  ... اما شيرين راحت عند جينيكولوڨ و قالتلها لپروبلام لي عندها تاع لولاد واش هو و قالتلها لازم يديرولك عملية تلقيح اصطناعية فدارو موعد و راحت هي و لؤي لطبيب دارتلهم العملية ( هاد العملية هي انه يأخذو نطاف لؤي و يلقحوه مع بويضة شيرين اصطناعيا ) و ان شاء الله يحدث حمل و لكن ما تبانش النتيجة الا بعد شهرين ... اما شاهين فڨعد توجوغ في مستواه الدراسي و قعد دائما مونس حفيظة و حفيظة مفتاخرة بولادها و دائما في اتصال مع اسيل ... اسيل ما تاصلتش ڨااع مع معاذ في هاديك المدة هو ما هدر معاها و هي ما هدرت معاه كل واحد قعد في جيهة ، مرات كي يبغو يديرو صفقات يتلاقو بصح هو ما يحكي معاها و حتى هي نفس الشي .. معاذ قعد لاهي غير مع لخدمة و طلع مستوى الشركة تاعه قلع دموع من راسه و حتى اسيل و مادارهاش في راسه حاول يعيش هاداك العام منعزل ... كي بقا شهر للعرس طلبت انيسة من اسيل انهم يرجعو للجزائر باش توجد روحها و كيما كان لحال رجعو ڨااع كيفكيف حتى شيرين معاهم اما لؤي بقا على جال لخدمة

°°°°°°°°°°°عند اسيل°°°°°°°°°°°

اسيل ( طبطبت فلباب )
شاهين من بعيد : شكون
اسيل ( قعدت ساكتة و حداها شيرين تضحك بشوية ) : شحاال توحشته
جا شاهين فتح لباب اااااععععععععععع
اسيل طارت عليه رفدااته و هو عنقهااااا
اسيل : و ياااااا شحال توحشتك
شاهين : وانا بزاااف اسيل
حفيظة جات تجري : مالك شاهين طحت ؟؟؟
اسيل : لالا ماطاحش
حفيظة ( بدهشة مع فرحة ) : اااسييييل
بعد شاهين على اسيل و عنقت حفيظة حضن طويييييييل شحال توحشت هاداك الحضن و الحنان تاع الام و هاداك الدفئ و الامان تأثرت بالموقف و ڨعدت تبكي
شيرين (و هي تسلم على شاهين ) : هههههه نسيتوني انا يااك
حفيظة : كيفاه ننسوك نتوما لزوج بناتييي

شيرين سلمت على حفيظة و دخلو و عمرو على حفيظة الدار و كانت اسعد امرأة بنتها جابت ماستار 1 تاعها و باقيلها 2  ممناحيت انو بنتها ما بعدتش عليها فلباطل و زيد جابت لشاهين طابلات و بلاي 4 شاهين ماصابش كيفاش يعبر على فرحته ... اما لحفيظة جابتلها بزاف لبسة منوع لي تبغيه و صوالح لي تبغيهم ... فات هاداك الشهر و اسيل كل يوم لخرجات توجد فلبسة لي تلبسها في عرسها و توجد صوالحها ... اما عند ريتاج و انيسة هوما لي وجدو لاصال و حتى هوما يوجدو فلبسة و صوالح و خطرة خطرة يعيطو لمعاذ يستاشروه ... فات الشهر و عرضو ليزانڤيتي و جا يوم قبل العرس كانو ڨاااع عند اسيل لافامي و حتى جا لؤي مع معاذ في رحبا فوتو هاديك ليلة غير زهو و ضحك و زعاقة و صباح راحت اسيل للحمام مع بنات خلاتها قلبولها لحمام بزغاريت و مبعد عند لاكوافاز و رجعت لدار لبسة لاغوب و بقات تقارع للكورتاج يجي كانت هاك
👇