عن ألمي اتحدث

حالة من التوثر

اسيل بعد لي راحت عند شرين تلاقات موجدتلها ڨااااع صوالحها تاع القرايا بقاو غي تسجيلات و زيادة على هادا موجدتلها شومبرة شاااابة فطابق الفوقاني تاع الدار باش تڨعد ليبغ و هوما يڨعدو ليبغ .. دخلت اسيل لشومبرتها و هي طايرة بالسعادة بدلت و راحت دوشت و تكسلت حتى رڨدت و مبعد ناضت توضات و صلاة و بدات تستف في صوالحها و لبستها فلماريو حتى دخلت عليها شيرين

شيرين : اسييل عمري نضتي ؟
اسيل : هههه لا راني نهترف
شيرين : ههههه طبايعك ڨاع ما تڨلعيهمش
اسيل : هههه راكي تشوفي فيا نايضة و تسقسيني
شيرين : ههه ارواحي تتعشاي و بلعي داك لفم
اسيل : هههه راني جاية ، نموت عليك

راحت شيرين و جات من موراها اسيل ڨعدو كلاو و هوما يڨصرو مع لؤي .. لؤي عتابر اسيل كيما خته و يعاملها احسن معاملة و حتى هي باحترام تااام

لؤي : ايوااا المهم باغي نڨلك حاجة اسيل
اسيل : ويي تفضل
لؤي : باغي تقري عادي فلجامعة و لكن ماستار ما تقريش ڨاع ليامات فهمتيني
اسيل : ويي
لؤي : امالا قررنا انا و شيرين تولي تخدمي عدنا فشركة
شيرين : تخدمي سيكيرتارة مبعدا نفهمك شاديري
اسيل : مادابيااا
شيرين : علابالي عقليتك كي دايرة و متبغيش تقوليلي عطيني دراهم و علابالي باغي تحتاجي سيپوغسا خممت تخدمي و هاك باش تولي مسؤوولة على روحك و وقتك يتعمر
اسيل : اوكي مادابيا و خيركم جاااميييي ننساه في حياتي
شيرين : ادعيلي غي بذرية صالحة بزااف عليا
اسيل : ياااربييي ارزق اختي و حبيبتي شيرين بذرية الصالحة .. ونزيد ندعيلك في صلاتي
شيرين و لؤي : ااااميين
شيرين : ماتنسيش غدوة نشالله نروحو تسجلي
اسيل : اووكيي

ناضت شيرين تخمل طابلة و راحت اسيل غسلت ماعين و طلعت لشومبرتها عيطت لماماها و حكاتلها ڨااع شاباغي دير و امها دائما تدعيلها و تشجعها

....................عند دموع ...................

دموع غي عرفت ماراهاش البنت العذراء كيما كانت قنطت و بدات تحس بتأنيب الضمير و الندم و بدات تضرب في روحهااا و تقول ( كيفففاااااش ندير حاجة هاااك كيفااش ) راحت دوشت و ڨعدت تقارع لهمسة تدخل و تشكيلها همها حتى رڨدت ... بعد شوية ناضت جسمها مڨرد و راسها يدرها حوست على همسة مالقاتهاش شافت ساعة لقاتها ١٠ تاع ليل ( اااووو كيفاش مازال ما دخلتش) حاولت تعيطلها تيليفونها مغلق .. خافت عليها بزااف و بدات تخمم شا دير .. ڨاعدة تخمم وين ترووح عاودت غي تعيط تعيط والووو .. جا في راسها علي عيطتله الاپال لولة مارفدش حتى لأپال الخامسة

دموع : الووو علييي ؟؟
نوفل : الو وي
دموع : علي معايا ؟؟
نوفل : نوو صاحبه
دموع : فوتلي علي ايغجون
نوفل ( في قلبه بن عميي شامخلط شيرات ) : راه مديرونجي دروك
دمووع : قوله ايرجووون راني مستحقاته
نوفل : ڨتلك منجمش صااي .. (و قطع الخط)