عن ألمي اتحدث

النهاية

رجعو أسيل مع معاذ لدار مابينو والو ريتاج نخلعت في معاملة اسيل لمعاذ و معاذ لأسيل كي دخلو زغرتت انيسة على ولدها و ريتاج جمعو فصالة أسيل باغي تدخل تحت لرض بالحشمة و هو عادي محمد عطى كادو لأسيل و ولده و انيسة تاني اما ريتاج فتحجرتلها الدمعة من المنظر الخلاب جمعو فطرو و معاذ يضحك عادي مع والديه و مبعد دار عند اسيل

معاذ : هيا اسيل نروحو ؟
اسيل ( شافت فيه بدهشة اول مرة يحكي معاها و ينطق بإسمها و تقولي فيقلبها و يااا اسيل كي خرجت من فمه شابة ) : وي وي

معاذ ايا پاپا حنا نروحو لدار تاع آلجي نقعدو مدة و نجو ... اسيل في قلبها اااللججييي ويااا ماصدقت شفت ماما باغي يديني لآلجي

محمد : اوكي ولدي ربي معاكم .. وتهلا في عروستك
معاذ : نشاء الله
خرجو لزوج ركب فلوطو و ركبت حداه
معاذ (شاف فيها بنضرة استغراب): نوضي
اسيل : شاوالا
معاذ : نوضي ركبي رول هادي تاليا تاعك تركبي حدايا
اسيل : شاااولااااا راك منيتك ؟؟؟
معاذ : واه هيا
اسيل ( حشمت و ناضت ركبت رول وقعدت مشنفة و غاضتها ) معاذ شافها فطروڤيزار مشنفة ابتسم بتسامة انتصار بصح اسيل ما نجمتش تتحمل القساوة تحسب ڨااع ماشي هو لي كان يحكي معاها فدار عند انيسة و ريتاج .. اسيل تنهدت تنهيدة طويلة
معاذ : استغفر الله
اسيل : مالك مالك حاسب روحك كيماااا هاااك پففففف وقيلا راك حاسب هادي رجولة .. ولا قالولك انا فيا جرب .. زيد انا مانيش باغية نروح لألجي نتا بلا ماتشاورني تقرر؟؟؟
معاذ ( خلعاته كي قلعت لكلمة لولة ... و مبعد قعد يشوف فيها فطروڤيزار و هي تنڨرش سكت شوبة و مبعد هدر معاها بنظرة حادة ) : ايه فيك جرب و انا لي نقرر ماشي نتي و انة لي رلها باينتلي نروح لألجييي عندك پروبلام
اسيل : بصح اوموان ديني عند ماما نشوفها توحشتها
معاذ مارجعش عليها و تاجه لدار تاع حفيظة .... وصلو دخلت اسيل عند حفيظة و معاها معاذ قعد يحكي مع شاهين عجبتهم الهدرة و اسيل تراقب فيه و تقول في قلبها سبحااان الله عنده انفصام شخصية هذا .. قعدو شوية و ودعت امها و شاهين و ريتاج و راحو ... طريق كامل و اسيل راڨدة و هو خطرة خطرة يدور عندها يشوفلها و في قلبه باغي يموت على ما يهدر معاها و يكتشف عقليتها بصح يقول مازال لوقت ماشي دوك ... وصلو لدار كي حبست لوطو اسيل فطنت تلاقات روحها حدا ڤيلا كبيييرة قالت في قلبها ( هادي دار .. هادا قصر ماشي دار ) نزل معاذ و موراه اسيل رفد الكابات و عاوناته و دخلو للڤيلا شافت اسيل هاداك القصر بدات حالة فمها عاودت دارت عنده
اسيل : باغي نڨعدو هناا ؟؟
معاذ مارجعش عليها .. و طلع لشوبرته و جات داخلة معاه
معاذ : وين راكي داخلة ؟؟؟
اسيل : كيفاه وين راني داخلة
معاذ : ايه هادي شومبرتي مانبغي حتى واحد يدخلها
اسيل : اااااا صااحااا حقا نسيت بلي فيا جرب اوكي سمحلي
معاذ نخلع ملجرأة تاعها يعني كانت كالم و طرطرقت راحت اسيل ترڨب على شومبرة لي تنجم تدخلها حطت كابتها فلكولوار و بدات دور فل ڤيلا لقات بزااف شوامبر و كوزينة و توالات و الدوش عرفت كل شومبرة تاعمن غير بالتصميم فهمت انو وحدة لانيسة و محمد و تاع ريتاج تاني عرفتها و كانت كاينة وحدخرا فيها سدارية و مكتبة جمعت فيها و قررت تقعد تم ... معاذ سمع حسها نقطع بدا يحوس عليها لقاها منغامسة مع الكتوبة لي كانو في هاديك المكتبة تقرا فالعناوين