عن ألمي اتحدث

وعد

ناض صباح معاذ توضى صلا لبس لبسته و نزل يشرب قهوة

انيسة : مالك حبيبي علاه راك مقلق
معاذ : باغي نروح للبلاد
انيسة : علاه ؟؟؟ ياك نروحو ڨاع في رحبا
معاذ : نووو لازم ليوم
انيسة : علااه
معاذ : كاينة جنازة لازم نحضرها
انيسة : جنازة ؟؟ غي لخيير
معاذ : نووو خاطيك ماما باي

خرج معاذ شرا لبيي ايغجون و نزل بطيارة للبلاد غير حطاته راح ديراااكت شرا پيس وبدا يعيط لدموع

++++++++عند دموع+++++++

ناضت صباح غسلت و عيطت فلأوتال يجيبولهم قهوة .. خملت دار حتى سمع علي لحس
علي : ليوم راكي اكتيف
دموع : ههه وي
علي : نشاء الله تكوني توجوغ
دموع : روح روح من هاد جيهة خليني نخملك فراشك
علي : نو دوك انا نسڨمها
دموع : لا انا
علي : اوكي

بدات تتحرك و تخمل و علي ضايع في حركات دموع يعني مالڨري كان معاها وحد لوقت بصح كان قلبه حجر و دوك بدا يحس بالحب من جيهتها و الاعجاب بدا يحس بؤنوتتها و طفوليتها كي كملت جمعت

دموع : اووووووه
علي : سيبون دروك ريحتي
دموع : هههه واه .. حل لباب جيبلنا ناكلوو رانييي ميتة
علي : وانا ڨراااڤ

جابلهم سارڤور الماكلة كلاو و ڨعدو مڨصرين بالضحك و زعاقة و علي بدا يحس بحبه لدموع ممكن تقولو عليه اعجاب او حب ... حتى سمعت تيليفونها يصوني

دموع : هدا تيليفوني
علي : ايه
دموع : استنا دوك نجي

راحت دموع شافت لقاته نيميغو ما تعرفهش ريپونندات

دموع : الوو ؟؟؟
معاذ : الووو دموع
دموع وااات معاااذ تشووككاات ماكانتش تستنااه ڨااع منجمتش تريبوندي
معاذ : الوووو
دموع ( بصوت متقطع ) : و ويي .. ش شكون معايا
معاذ : زعما تكوني نسيتيني دموع
دموع ( طرطرڨت بلبكا ) : نتا معاذ
معاذ : كي راكي دموع ؟؟علاه راكي تبكي ؟؟

علي كي سمع دموع بكات وقف حدا الجهة تاعها و بقا يسمع

دموع : الحمد لله
معاذ ( حكماته غصة ماينجمش يسمع دموع تبكي ) : ايه الحمد لله عظم الله اجرك
دموع : اجرنا و اجرك عند الله
معاذ : نجمو نتلاقو راني فلجزائر
دموع : نوو منجمش معاذ
معاذ : علااه ؟؟ ماشي وعدتك نتزوجو جيت علاجالك
دموع ( شهقة بكاء ) : حتى لددوكك يا معااد حتى لدوك .. علاه ما وقفتش معايا في وقت الشدة و كي ماتت همسة ... علاه ماعيطليش و حوست عليا فلوقت لي انا عيطتلك .. علاه لعبتلي بالشرف تاعي و مبعد رحت وخليتني علااه ؟؟ و دروك جاي تقولي جيت علاجالك