عن ألمي اتحدث

ضيف جديد

ناضت اسيل غسلت وجهها كلات شوية غسلت سنانها و لبست صوالحها كي لعادة دات شاهين يقرا و راحت للجامعة كانت هاك 👇

تلاقات اسيل مع ريتاج عن دخلة تاع ديبارتومو
ريتاج : اااسيييلللل
اسيل ( وهي دور تحوس شكون يعيط و مبعد شافتها) : اووو ريتاج
ريتاج ( وهي تخرج ملوطو مع خوها ) : قارعي راني جاية
اسيل ( واقفة تقارعلها و مدهوشة من جمال لوطو كحلة تاع سپور حتى خرج معاذ وزاد المنظر جمالا ) : ااااوووو ماايقااد
ريتاج ( وهي تسلم على اسيل ) : صاڤا اسيل
اسيل : حمد لله ونتي
ريتاج : حمد لله .. هاذا خويا معاذ وهادي اسيل صحبتي
معاذ ( مد يده للمصافحة ) : متشرف بيك
اسيل( بادلته المصافحة ، في قلبها اااوووه ربي يستره من عينييي ) : ولي الشرف
معاذ : ايا اسيل انا نروح كي تكملي صوالحك عيطيلي
اسيل : ايا صاحا بيناتنا تيليفون

راح معاذ و بقات اسيل مع ريتاج يهدرو في لاكوغ حتى اسيل لمحت نوفل ( ريشتله منبعيد ) جا عندهم نوفل

نوفل : سلااام صاڤا
اسيل و ريتاج : صاڤا حمد لله
نوفل : عدنا دروك محاضرة
ريتاج : واه
اسيل : هايا نروحو للقاعة
نوفل : واه هايا

راحو جماعة جمعو و ڨعدو يقارعو حتى دخلت الاستاذة و بدات تشرح و اسيل تكتب كيما طالبة المجتهدة

ريتاج (بهمس) : عندك كيراها تكتب
نوفل : ههههه راها مركزة
ريتاج : غي سكت ههه
اسيل : سمعتكم
ريتاج : ههه لله يبارك متعددة الخدمات
نوفل : اوووه طوالت الساعة جعت
اسيل : ما تفكرنييش
ريتاج : شا عدنا مور هاد الحصة
نوفل : ساعة خاويا
اسيل : ايا كي نكملو نروح نفرح ليسطوما

بعد مدة كملو المحاضرة تاعهم خرجو و هوما يمشو رايحين لفوايي باش يشرو لماكلة

ريتاج : اوووو لجوع
اسيل : هايا نزيد شويا ناكلكم
نوفل : ههه مشي باينة عليك
اسيل : هههه هادي سموها لموهبة
ريتاج : ههههه لبارح فوت نهار غي لعيا و متعشيتش
نوفل : شادرتي ؟؟
ريتاج : نقيت دارنا لجديدة مع خويا باغي نقعدو فيها
نوفل : وماماك ماعاوناتكش ؟
ريتاج : ماما عايشة فلعاصمة مع پاپا و انا مع خويا جينا هنا نقرو
نوفل : ااا صحا اي مليح . انا تاني كنت نسكن فلعاصمة كي كنت صغير يعني عشت طفولة تما و مبعد رحلنا و دروك راني نقرا هنا
ريتاج : اه مليح
نوفل : ونتي اسيل
اسيل : اا.. اااه
نوفل : دايما غايسا .. وين راه عقلك
اسيل : لالا والو
ريتاج : هايا قوليي وين كنتي تسكني قبل
اسيل : قارعو نجمعو ونعمر شوية كرشي باش نجم نركز
نوفل : نجمعو غير هنا
اسيل : اوكي