The White Curse (Gazellian Series #2)

Chapter 6

Dedicated to Acy

Chapter 6

Nabalot ng katahimikan ang loob ng karwahe sa pagitan namin ng ikalawang Prinsipe ng Deltora.

Ngunit alam kong kanina pa ako nitong pinagmamasdan.

He's sitting like a great royalty with his cross legs and a red rose on his hand. Paminsan-minsan akong sumusulyap sa kanya subalit masyadong mabilis ang mga mata nito dahilan kung bakit lagi nitong nahuhuli ang mga sulyap ko.

Ngumingisi ito sa tuwing nahuhuli niya ako.

Sumasang-ayon ako sa pananaw niyang isa siyang napakakisig na Prinsipe, halos higitan niya ang lahat ng mga prinsipeng nasilayan ko sa Lodoss, mga prinsipe sa mga kilalang aklat at maging ang pinakatatanging mga magdirigmang pinagkakaguluhan ng mga kababaihan.

He's a beautiful Prince and I am admitting it. Maaari rin siyang isabay sa pinakamakisig na bampirang nasilayan ko, si Haring Thaddeus Leighton Gazellian.

Ngunit ang paghanga ko sa kanyang kakisigan ay natatabunan na ng sarili nitong papuri sa kanyang sarili. Hanggang sa makalimutan ko nang humanga sa kanya. Nilalamon na ang prinsipeng ito sa kaalamang isa siyang napakakisig na bampira.

"Don't resist it, alam kong makisig ako. I am the irresistible Prince of Parsua Deltora, it is not a sin to adore me so much."

Gusto ko siyang tawanan sa sinabi niya pero pinigilan ko ang aking sarili, natatakot akong ibaba ako ng kanyang karwahe.

Ngumiti na lamang ako ng pilit sa kanya. Sa ngayon ay hindi ko pa tuluyang nalalaman ang totoong ugali nito. Hindi ko nakakalimutan na tatlong beses niya akong tinangkang patayin.

"I never thought that a commoner like you would have a very lovely face. Higit ka pa sa mga prinsesang kalakal ko."

Prinsesang kalakal? Anong ginagawa ng prinsipeng ito sa kanyang imperyo?

He straightened his right arm and his red rose reached my chin. He held it up to look straight into my face.

He's a prince and he can easily recognize someone if it is a royalty or not. Kung sabagay, nakapagpakilala na ako sa kanya.

"Do you want to taste my blood, Kalla?" nagulat ako nang tawagin niya ako sa pangalang ito na parang matagal na kaming magkakilala.

Umiling ako at marahan kong tinanggal sa mukha ko ang rosas.

"I haven't tried drinking with someone's blood." Narinig ko ang saglit na pagtawa nito.

"This is interesting, so are you telling me that your fangs are virgin?" umawang ang bibig ko sa sinabi ng prinsipe.

We should not talk about this!

Umiinom lamang ako ng dugo mula kay ina pero madalas ay galing lamang sa dugo ng mga hayop ang iniinom ko.

"I-I—can't Prince Rosh. I'm waiting for my mate. My..my fangs will only sink on his skin." Nag-iwas ako ng tingin sa kanya at tumingin ako sa labas.

Hindi man ako kagaya ng lahat ng kadalagahan sa imperyo na hantaran kung magpahayag nang pagnanais na makilala ang lalaking itinakda sa kanila kahit sa murang edad, hindi nito maaalis sa akin ang aking tahimik na pangarap na sa pagdating ng panahon ay mauuhaw ako at tanging dugo niya lamang ang aking magiging kasagutan.

Vampire mate is the most beautiful thing in this cruel world. Ang pagmamahal ng dalawang bampira sa isa't-isa, na kahit ang panahon ay hindi magawang matalo.

"This is weird, someone manipulated your bond with him."

Muli kong sinalubong ang kaanyang mga mata sa pagitan ng itim na belong nakatakip sa aking mga mata.