Unexpected Love

Kabanata || 9

" Babe! "

Napahinto ako sa paglalakad at may galit na hinarap sya. Napahinto din sya sa paglalakad at napalunok.

" Ano ba Mich! Hindi ka ba talaga titigil? "

" A-Ano ba talaga ang ayaw mo sa akin? "

Nakayuko nyang tanong.

" Lahat! "

Napaangat sya ng tingin sa sagot ko.
Wala talaga kahit ano akong gusto sa kanya. Dahil may iba ng nagmamay-ari ang puso ko.

" Kaya 'wag mo ng ipilit sa akin ang sarili mo dahil masasaktan ka lang. "

Pumihit na ako paharap para maglakad ulit. Nagulat ako ng yakapin ako sa likod ni Mich at umiyak. Pero mas nagulat ako ng makita ko si Allisa sa hindi kalayuan. Nakatayo habang hindi ko mapangalanan ang emosyon na nasa mukha nya.

" Lexus huhu. "

Pilit kong pinapangalanan ang emosyon na 'yon pero nabigo ako dahil bigla ito naging blanko at tumalikod na sya. Gusto ko syang sundan pero hindi ko alam kung anong nangyayari sa mga paa ko at hindi ako makagalaw.

" Lexus, please give me another chance. Gagawin ko lahat ng gusto mo. Lahat-lahat. "

Kinalas ko ang pagkakayakap nya sa akin mula sa likod at hinarap sya. Napabuga ako ng hangin ng makita ko ang mga luha nyang walang tigil sa pagbagsak.

" Makinig kang mabuti sa akin Mich. "

Hinawakan ko ang magkabila nyang balikat. Titig na titig naman sya sa akin.

" Kahit anong gawin mo ay hindi talaga kita magugustohan. Dahil may mahal na akong iba. Sya lang ang gusto ko at wala ng iba. Mapapagod ka lang sa mga ginagawa mo. "

Iniwan ko na syang nakatayo sa parking lot. Sana naman maintindihan na nya. Dahil kahit ilang libong babae pa ang ipapakasal sa akin. Sexy, maganda, matangkad, maputi o mabait, kung hindi lang naman sya si Allisa ay hindi ako papayag.

Itinatak ko na sa puso ko na sya lang ang mamahalin ko.

Nagpatuloy na ako sa paglalakad hanggang sa makarating ako sa campus. Dumiretso na ako sa silid namin dahil ilang minuto lang ay magsisimula na din ang klasi namin.

Pabagsak akong umupo sa upuan ko at napabuga ng hininga. Kailan kaya mapapagod ang mga magulang ko sa kapipilit?

***

" Lexus! You have to marry her! "

" Hindi ko sya mahal mom! Bakit nyo ba ako pinipilit ipakasal sa kanya? "

Mas sinamaan nya ako ng tingin ng tiningnan ko sya ng masama.

" This is for your own good. "

" Good? Ha! "

Napabuga ako hangin at tiningnan sila ng hindi makapaniwala. Gaya ng dati, nasa likod lang ni mom si dad. Always following her.

" For my own good? Makakabuti ba sa akin ang magpakasal sa babaeng hindi ko mahal? Masyado na kayong makasarili mom, dad! Sarili nyo lang iniisip nyo! Kahit kailan hindi nyo ako inisip. Ang mahalaga lang sa inyo ay pera at negosyo. Kahit kailan ba naisip nyo kung gusto ko bang magpakasal sa kanya? No. Masyado kayong madaya. Masyado kayong sakim sa pera - - - "

* PAK *

Napabaling ako sa kabilang direksyon dahil sa lakas ng sampal ng ina ko sa akin. Hindi ko alam pero kusang nagsituluan ang mga luha ko.