خواطر منسية ٢

قوة💪

جميل إنك تتحمّل أعباءك لوحدك ؛جميل إنّك تواجه مشاكلك وظروفك لوحدك ...مش عيب إعتمادك على نفسك ...أو إن الناس فجأة تتخلّى عنك في أشد لحظات إحتياجك..ده مش إحساس سئ ...ده في صالحك

وهتكتشف إن ده في صالحك بمرور الوقت ...هتتعلّم مع الوقت إن عثراتك كانت "مـِنْحة "من الحياة...مش "مـِحْنة" ...

هتتعلّم تقف جوّا المعارك بمنتهى الثبات ......يمكن يكون ناقصك بس النَفَس الطويل " ...

وعلى فكرة ..البراح اللى جوّاك هياخد مساحات أكبر لأن وقتها قوّتك هتتخطى حدود أي ألم أو أي صدمة ...

إياك تضعف ...الحياة ياما لسه فيها مفاجآت كتير ..

إياك تتراجع أو يختل إتزانك ... الدنيا عاوزة المُتّزن الصبور اللي قادر يثبت لها إنّه قدّها ...

فُرصة نجاتك من الأحزان ما بتحصلش غير مرة واحدة في الحياة
...يا تموت يا تعيش

ساعد نفسك على النجاة قبل ما تعيش ناقم على الحياة ..