فـى كوباية الشاى .. أول وتانى وتالت ولحد رابع معلقة سكر بتحس بطعم كل معلقة لما بتتحط .. لكن مـ المعلقة الخامسة وأنت طالع ولحد حتى مليون معلقه مش هتحس بحاجة مع إنه سكر برضه ! .. و ده لانك أسرفت..
الإسراف فـ كل حاجة حلوة سواء كانت " حب ، تقدير ، عطاء " بيخليها ماسخة مهما كانت حلاوتها .. كوباية الشاى إن نقصت سكر ماتتشربش؛ وإن زادت سكر برضه ماتتشربش .. ماتسرفش عشان مع الوقت ماتمسخش..
و علشان كده لما تلاقى ربنا خد منك حاجة حلوة إعرف إنها كانت هتبوظلك حياتك و هتمسخها .. و هو حابب يظبطهالك .. لان السعادة الزايدة بتجنن والسعادة الناقصة بتعكنن .. و اتأكد ان ربنا قسمته مظبوطة ، وعارف سُكرك إيه .
أنت تقرأ
خواطر منسية ٢
Poetryخواطر تملؤني تشعرني بوجودي في خضم حياة قاسية . متناقضة تبعثرني وتذهب بي الي الشتات والحيرة .... خارجي هادئ ولكن داخلي ضخب مفزع
