خواطر منسية ٢

عايزين حد 🎭🎭

"I just want to be somebody's first choice"
يعني أنا بس عايزة أكون الإختيار الأول في حياة حد ،
قعدت أفكر كتير في الجملة دي هو يعني ايه إختيار أول في حياة حد سواء بقي كنت بنت او راجل
يعني حد بيفكر فيكـ قبل كل حاجة وكل حد ف حياته حتى نفسه
حد ميعرفش ينام وانت زعلان حتى لو الزعل مش منه
حد لو قدامه لقمة واحدة وهو جعان هيسيبهاـك وهو مبسوط
حد بيشوفك دايمًا  أحلى واحد في الدنيا
حد بيستحمل غضبك  تعبك ضيقك
حد يبقى كل همه في الحياة إنه يشوفك مرتاح
حد ما يملش ولا يزهق منكـ مهما طال بيكم العمر
حد يشوف روحك  ، وقلبك
حد تبقى مالى قلبه وعينه وكيانه وميشوفش غيرك
حد ميحطكش في مقارنة مع شخص تاني مهما كان أحسن
حد يفكر في كل كلمة ممكن تضايقك او توجعك ومينطقهاش
حد ياخد بإيدك
حد يسند ضهرك فَمتخافش
حد يطبطب وميوجعش
حد يديلك من غير ما يستنى مقابل ..
وحاجات تانية كتير أوي ، بس الأهم من ده كله ..
إن الحد ده لو مقابلتوش ف حياتك " تبقى مت ناقص حب