أكبر خطأ ترتكبه في حياتك: إنك تتكسف، أو ما تعرفش تتكلّم عن نفسك، وعن قدراتك، وتسيب الآخرين يقيّموك، وإنت فاكر إنهم هينصفوك ويدّوك حقك!
ماحدش بينصف حد، ولا بيدّي له قدره!
الناس طول الوقت بتحكم عليك من خلال عُقدها، وخلافاتها، ومشاكلها، ومزاجها الشخصي، وغيرتها، وحقدها، لحد ما هتلاقي نفسك فجأة بقيت واقف في منطقة رمادية، مُحرج تتكلّم وتقول إنك أكبر من كده، وفي نفس الوقت مش قادر ترضى بالمكان اللي حطّوك فيه، فتبدأ مرحلة عبثية جديدة من حياتك، مليئة بالصراع والنقوص ومراجعة الذات والإحساس بلا جدوى الحياة والرغبة في تحطيم كل شيء، والعودة لنقطة الصفر من جديد!
عشان كده تفضل مقولة الإمام علي هي الأعظم في مجالها: لا تدع جهل الناس بك يغلب علمك بنفسك.
أنت تقرأ
خواطر منسية ٢
Poetryخواطر تملؤني تشعرني بوجودي في خضم حياة قاسية . متناقضة تبعثرني وتذهب بي الي الشتات والحيرة .... خارجي هادئ ولكن داخلي ضخب مفزع
