حب تفصيل

الفصل الثالث عشر

الفصل الثالث عشر

كان اياد يحتفل لما وصل له و يقود سيارته بسرعه قسوى و صخب الأغاني يملأ المكان حتي وصل الي ذلك المنزل الذي يبدو مهجورا من الخارج ونزل من السيارة وهو يقفز ويتلوى من الفرحه وكان يقفز درجات السلم برشاقه حتي اصطدم بفتاة تخرج من المنزل فأمسكها بساعديه قبل أن يسقطا ارضا

كارمن بغضب :
_ مش تاخد بالك يا استاذ انت !!

إياد وهو يعتدل و ينظف ملابسه :
_ ما شوفتكيش بعد اذنك

تحرك إياد للداخل فأمسكت به كارمن من ساعده فنظر لها بغضب :
_ هو ايه اللي ما شوفتكيش علي الأقل اعتذر

سحب اياد ذراعه بقوة من يدها وضحك بإستهزاء وتوجه للداخل فصرخت فيه كارمن بغضب :
_ انسان مهزأ

وقفت قدمي إياد عن الحركه و ادار عنقه تجاهها ورفع اصبعه قائلا :
_ خدي بالك من كلامك بدل ما تندمي بعدين

كارمن وهي تكتف ساعديها أمامها :
_ ما يهمنيش

تحرك اياد تجاه كارمن بغضب فخرجت سناء وركضت علي الفور لتقف امام إياد وازاحته من صدره قائله :
_ علي فين يا باشا وحد الله كده ، كارمن هانم اكيد ما تقصدش

كارمن بتحدي وهي تحرك كتفيها :
_ لا أقصد كل كلمه قولتها ومش بخاف من حد

أعجب إياد بجرأتها وابتسم نصف ابتسامه وقال بتهكم :
_ من امتي يا سونسون وانتي تعرفي قطط بتخربش كدا

ضحكت سناء وقالت :
_ سناء ما تعرفش غير فصيلة المفترسين سواء نمور او أسود او ... قطط

ضحك إياد وقال وهو يدلف متجاهل كارمن :
_ طب يلا يا سناء عندنا شغل

نظرت كارمن لإياد وهو يرحل وتسائلت بفضول :
_ يبقي مين ال .. النمر

ضحكت سناء وقالت بحماس :
_ ده إياد البرنس من اكبر عائلات البلد وهو الوريث الوحيد لعيلة البرنس ازاي ما تعرفيهوش

لوحت كارمن بيدها قائله :
_ مش مهتمه ! المهم يا سوني مش هوصيكي انا عاوزة الموضوع يخلص في أقرب وقت بليز

سناء بإبتسامه عابثه :
_ ما تقلقيش سونسون شغلها بيخلص في ٣ أيام بس وتلاقي النتيجه

ابتسمت كارمن بسعاده وركبت سيارتها ورحلت من المكان علي الفور .. دلفت سناء فوجدت إياد يجلس علي كرسي مكتبها ويحركه بثباب فتسائل بثقل :
_ مين دي يا سناء

سناء وهي تجلس علي الأريكه المواجهه للمكتب :
_ كارمن السمري بنت طقه في كليه سياحه بس اسرتها غنيه جداا بتحب الشو والشهره وانها توقع الشباب المشهورين في الاماكن اللي بتروحها وزي ما انت شايف هي زي القمر ومفيش راجل بياخد في ايديها غلوة

ضحك إياد بقوة قائلا بتهكم :
_ اومال كانت هنا بتعمل ايه !

قالت سناء وهي تعبث في الأوراق التي أمامها :
_ بتقول ان فيه شاب تقيل وراسي جدااا ومش عارفه توقعه وطالبه اني أقرب المسافات وسابتلي اسمه ومعلومات عنه اسمه .......... "آيهم سيف الدين "